2014-07-22
Today from Hiiraan Online:  _
Wararka Maanta- Isniin, Aug 12, 2013
ROBERT MOGABE: “Zimbabwe dib uguma laabanayso Gumeysi” Khudbad uu Maanta jeediyay Madaxweynaha Zimbabwe



Isniin, August 12, 2013 (HOL) — Madaxweynaha dalka Zimbabwe, Robert Mugabe oo mar kale loo doortay inuu hoggaamiyo dalkaas ayaa khudbad uu jeediyay maanta ku sheegay in dalkiisu uusan dib dambe ugu laaban dooni gumeysi, isagoo doorashadii dhawaan dhacday ku tilmaamay mid u dhacday si dimuqraadiyad ah.

Mugabe oo 89-jir ah ayaa dhawaan loo doortay xilka madaxnimo ee dalkaas wuxuuna khudbaddiisa ku sheegay in kuwa kasoo horjeeda doorashada inta xarig qaataan inay is-del-delaan.

“Doorashadii ka dhacday Zimbabwe waxay u dhacday si dimuqraaiyad ah oo xor ah, mana ogolaanayno cabashada mucaaradka oo sheegaya in la xaday doorashada, waayo waxaa joogay goobjoogayaal si dhab ah ula socday sida ay doorashadu u dhacday,” ayuu yiri Mugabe.

Sidoo kale, madaxweynaha Zimababwe ayaa khudbadiisan oo ahayd tii ugu horreysay o uu jeediyo tan iyo sidii loo doortay uu ku yiri: “Maanta waxaanu nahay dad isla weyn… waanu madax-bannaanahay… dal xog ah ayaanu nahay, waxaana mahad iska leh geesiyaashii ragga iyo dumar ahaa ee u soo huray xorriyadda dalkan dhiiggooda.”

Madaxweyuhu wuxuu sheegay in guusha uu helay xisbiga uu hoggaamiyo ee Zanu PF ay tahay mid xaqiijinaysa in Zimbabwe aan marbana la gumeysan doonin. Isagoo dalalka cunno-qabateynta kusoo rogay ku tilmaamay kuwo kasoo horjeeda xorriyadda iyo madaxbannaanida dalkiisa.

Robert Mugabe ayaa ku guuleysatay 61% codadkii la dhiibtay doorashadii ka dhacday dhawaan dalka Zimbabwe, halka hoggaamiyaha mucaaradka ee la tartamayay ee Moragn Shangarayna uu helay Morgan Tsvangrai-na uu helay 34% codadkii doorashada ee la tiriryay.

Hoggaamiyaha mucaaradka ayaa ku gacan-sayray doorashada, wuxuuna u gudbiyay dacwad ka dhan ah maxkamadda sare ee dalkaas, taasoo lagu wado inay laba toddobaad gudahood ka gaarto go’aan.

“Xatooyada doorashada iyo ku shubashadii codadka waxay ahayd khiyaano weyn oo xisbigiisa lagu duudsiiyay xaqii uu lahaa,” ayuu yiri Tsvangrai oo diiday inuu ka qaybgalo maanta xus loo sameynayay dadkii u dagaalamay xorriyadda dalkaas.

Mugabe ayaa dalkaas xukumayay tan iyo markii uu xorriyadda qaatay oo laga joogo muddo soddon sano ka badan, waxaana dhowr jeer loo doortay inuu dalkaas hoggaamiyo.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-08-12 2:24 PM EST
Isniin, August 12, 2013 (HOL) — Hormuudka jaamacadda Bay oo dhawaan laga furay magaalada Baydhabo, Jabriil Maxamed Aadan ayaa wuxuu ka war-bixiyay jaamacadda iyo habka ay ardayda wax u barto, iyadoo wareysi uu siiyay HOL uu kaga hadlay arrimo badan. Wareysigiina wuxuu u dhacay sidan:

2013-08-12 1:39 PM EST
Isniin, August 12, 2013 (HOL) — Kulan looga hadlayay ammanka gobolka Bay ayaa maanta ka dhacay degmada Baydhabo, kaasoo ay ka qaybgaleen mas’uuliyiinta maamulka gobolka, kan degmada, waxgarad iyo aqoon-yahanno kasoo jeeda gobolkaas.

2013-08-12 11:28 AM EST
Isniin, August 12, 2013(HOL)—Xaflad si qurux badan loo soo agaasimey ayaa lagu qabtey gelinkii danbe ee shalay xaruunta Ark Academy oo ku taal xaafada Wembley Park ee magaalada London, xafladaasi oo lagu daahfurayay furitaanka koobka cayaaraha Somaliweek London 2013.

2013-08-12 11:15 AM EST
Isniin, August 12, 2013(HOL) :- Ergadii soo dooratay madaxweeynaha maamulka Jubbaland Sheekh Axmed Max’ed Islaam (Axmed Madoobe) ayaa 20 beri oo dheeri ah ugu daray madaxweeynaha si uu u dhameystiro dhismaha labada gole ee maamulka.

2013-08-12 10:02 AM EST
Isniin, August 12, 2013 (HOL) — Madaxweynaha Puntland oo ka qaybgalay shir looga hadlayay xawaaladaha iyo sida loola socon lahaa in lacagaha la isugu diro aan loogu adeegsan lahayn falal dambiyeedyo oo maanta lagu qabtay Garoonka ayaa ka digay in la xiro xawaaladaha lacagaha la isugu diro.

2013-08-12 9:46 AM EST
Isniin, August 12, 2013 (HOL) — Waxaa heer gabo-gabo ah maraya qeybtii koowaad dhismaha masjidka Bardaha magaalada Baladweyne oo ah masjid facweyn oo soo dhisnaa sida la rumeysan yahay wax ka badan 100 sano.

2013-08-12 7:54 AM EST
Isniin, August 12, 2013 (HOL) — Guddoomiyaha baarlamaanka Soomaaliya, Maxamed Sheekh Cismaan (Jawaari) iyo wafdi uu hoggaaminayo ayaa maanta gaarya magaalada Kampala ee dalka Uganda, kaddib casuumaad ay ka heleen guddoonka baarlamaanka dalkaas.

2013-08-12 7:30 AM EST
Isniin, August 12, 2013 (HOL) — Jaamacadda ADMAS University College, ayaa xalay xaflad Casha sharaf ah u samaysay toddoba arday oo hore uga qalin jabiyey jaamacadda oo deeq waxbarasho (Shoolership) ka helay dalka Turkey.

2013-08-12 6:52 AM EST
Isniin, August 12, 2013 (HOL) — Munaasabado lagu furayey machadyo diini ah ayaa lagu qabtay magaalooyinka Yeyle oo ku dhawaad 100-KM Waqooyi-galbeed kaga xigta magaalada Laascaanood iyo Boocame oo 75-KM dhinaca Bari kaga beegan Laascaanood.

2013-08-12 3:01 AM EST
Isniin, August 12, 2013 (HOL) — Afhayeenka howgallada ururka Al-shabaab, Sheekh C/casiis Abuu-Muscab ayaa hadal uu siiyay warbaahinta afkooda ku hadasha wuxuu uga digay shacabka Muqdisho ku nool inay u dhawaadaan saldhigyada ciidamada dowladda iyo kuwa AMISOM ay leeyihiin Muqdsiho iyo weliba xarumaha hay’adaha gargaarka oo uu ka xusay kuwa UN-ka.

2013-08-12 2:26 AM EST
Isniin, August 12, 2013 (HOL) — Xildhibaan Ilyaas Barre Shiil oo ka mid ah xildhibaannada baarlamaanka Kenya ayaa sheegay in Kenya aysan doonayn inay taako ka mid ah dhulka Soomaaliya qabsato, wararka la faafiyayna ay yihiin kuwo been abuur ah oo la doonayo in la isaga horkeeno labada dal iyo labada dowladood.

2013-08-12 2:22 AM EST
Isniin, August 12, 2013 (HOL) — Ra’iisul wasaarihii hore ee DKMG ahayd ee Soomaaliya, Prof. Cali Maxamed Geeddi ayaa dhaliilay dowladda Soomaaliya ee xilka haysa, isagoo sheegay inay ku filnaan waysay inay sugto ammaanka Muqdisho, sidoo kalena ay ugaarsi gaar ah ku hayso qaar ka mid ah beelaha Muqdisho.