2014-08-29
Today from Hiiraan Online:  _
Wararka Maanta- Isniin, Aug 12, 2013
Qaybtii Koowaad ee Dhismaha Masjidka Bardaha ee Magaalada Baladweyne oo Heer Gabo-gabo ah Maraya (SAWIRRO)



Isniin, August 12, 2013 (HOL) — Waxaa heer gabo-gabo ah maraya qeybtii koowaad dhismaha masjidka Bardaha magaalada Baladweyne oo ah masjid facweyn oo soo dhisnaa sida la rumeysan yahay wax ka badan 100 sano.

Cismaan Max'ed Cilmi [Cismaan Caato] oo ka mid ah guddiga ku howlan dhismaha masjidka oo la hadllay HOL ayaa sheegay in meel wanaagsan uu xiligan marayo dhismaha masjidka oo lagu dhaw yahay sida uu sheegay in la soo dhameystiro dhismaha dabaqa hoose ee masjidka ama qeybta koowaad oo ay gacan weyn ka geysteen in  heerkan la soo gaarsiiyo sida uu sheegay bulshada ku dhaqan afarta xaafadood ee magaalada Baladweyne iyo shaqsiyaad is xil qaamay oo ku dhaqan dalka dibadiisa.

“Waad arkeysaan halka uu hadda marayo dhismaha masjidka, waxaa meel wanaagsan jooga ama ku dhaw in la dhameystiro qeybtii koowaad ama dabaqa hoose ee masjidka, maalmaha dhaw waxaa uu qorshuhu yahay in aan u gudubno dabaqa labaad,'' ayuu yiri Cismaan Caato.

Sidoo kale, wuxuu sheegay Cismaan Caato in halka hadda uu joogo masjidka lacagta gashay ka badan tahay 100,000 oo doolarka mareykanka ah walina aan la dhameystirin shubkii kore ee lagu soo xiri lahaa qeybta hore ee masjidka, isaga oo ugu baaqay Jaaliyadaha Soomaaliyeed ee ku dhaqan dalka dibadiisa, gaar ahaan Jaaliyada Hiiraan gacan ka geystaan dhismaha dabaqa labaad.

“Masaajidkan waa mid Soomaali oo  dhan u dhaxeeya, waxaan oran karaa waa Jaamacad ay ka aflaxeen culimo waaweyn oo maanta caan ku ah fidinta diinta Islaam-ka, sidaa daraadeed jaaliyada Soomaaliyeed oo dhan ayaan ka codsaneynaa in ay qeyb ka qaataan dhismihiisa, gaar ahaan jaaliyada Hiiraan oo ah halka uu masjidku ku yaallo,'' ayuu yiri Cismaan Caato.

Waxaa uu uga mahad celiyay bulshada ku dhaqan magaalada Baladweyne sida ay u barbartaagan yihiin dhismaha masjidka, isaga oo sheegay in gacanta ugu weyn ama kaalamada ugu ballaaran laga hellayo shacabka ku dhaqan magaalada oo si gaar ah xil isaga saaray in uusan joogsan dhismaha masjidka ayuu yiri Cismaan Caato.

Ugaas C/raxmaan Ugaas Khaliif oo ka qeyb-qaatan bilowggii furitaanka dhismahan cusub ayaa xiligaa ugu baaqay bulshada Soomaaliyeed ee ku nool dalka gudihiisa iyo dibadiisa in ay ka qeyb-galaan dib u dhiska masjidka.

Haddii aad dooneyso in aad caawiso Masjidka waxaad isticmaali kartaa: Account No: Amaana BWN 41516420, Dahabshiil BWYD 000396  iyo Mobil: 00252615564075.





C/raxmaan Diini, Hiiraan Online
diini@hiiraan.com
Baladweyne, Soomaaliya





Post your comments

2013-08-12 2:24 PM EST
Isniin, August 12, 2013 (HOL) — Hormuudka jaamacadda Bay oo dhawaan laga furay magaalada Baydhabo, Jabriil Maxamed Aadan ayaa wuxuu ka war-bixiyay jaamacadda iyo habka ay ardayda wax u barto, iyadoo wareysi uu siiyay HOL uu kaga hadlay arrimo badan. Wareysigiina wuxuu u dhacay sidan:

2013-08-12 1:39 PM EST
Isniin, August 12, 2013 (HOL) — Kulan looga hadlayay ammanka gobolka Bay ayaa maanta ka dhacay degmada Baydhabo, kaasoo ay ka qaybgaleen mas’uuliyiinta maamulka gobolka, kan degmada, waxgarad iyo aqoon-yahanno kasoo jeeda gobolkaas.

2013-08-12 11:28 AM EST
Isniin, August 12, 2013(HOL)—Xaflad si qurux badan loo soo agaasimey ayaa lagu qabtey gelinkii danbe ee shalay xaruunta Ark Academy oo ku taal xaafada Wembley Park ee magaalada London, xafladaasi oo lagu daahfurayay furitaanka koobka cayaaraha Somaliweek London 2013.

2013-08-12 11:15 AM EST
Isniin, August 12, 2013(HOL) :- Ergadii soo dooratay madaxweeynaha maamulka Jubbaland Sheekh Axmed Max’ed Islaam (Axmed Madoobe) ayaa 20 beri oo dheeri ah ugu daray madaxweeynaha si uu u dhameystiro dhismaha labada gole ee maamulka.

2013-08-12 10:28 AM EST
Isniin, August 12, 2013 (HOL) — Madaxweynaha dalka Zimbabwe, Robert Mugabe oo mar kale loo doortay inuu hoggaamiyo dalkaas ayaa khudbad uu jeediyay maanta ku sheegay in dalkiisu uusan dib dambe ugu laaban dooni gumeysi, isagoo doorashadii dhawaan dhacday ku tilmaamay mid u dhacday si dimuqraadiyad ah.

2013-08-12 10:02 AM EST
Isniin, August 12, 2013 (HOL) — Madaxweynaha Puntland oo ka qaybgalay shir looga hadlayay xawaaladaha iyo sida loola socon lahaa in lacagaha la isugu diro aan loogu adeegsan lahayn falal dambiyeedyo oo maanta lagu qabtay Garoonka ayaa ka digay in la xiro xawaaladaha lacagaha la isugu diro.

2013-08-12 7:54 AM EST
Isniin, August 12, 2013 (HOL) — Guddoomiyaha baarlamaanka Soomaaliya, Maxamed Sheekh Cismaan (Jawaari) iyo wafdi uu hoggaaminayo ayaa maanta gaarya magaalada Kampala ee dalka Uganda, kaddib casuumaad ay ka heleen guddoonka baarlamaanka dalkaas.

2013-08-12 7:30 AM EST
Isniin, August 12, 2013 (HOL) — Jaamacadda ADMAS University College, ayaa xalay xaflad Casha sharaf ah u samaysay toddoba arday oo hore uga qalin jabiyey jaamacadda oo deeq waxbarasho (Shoolership) ka helay dalka Turkey.

2013-08-12 6:52 AM EST
Isniin, August 12, 2013 (HOL) — Munaasabado lagu furayey machadyo diini ah ayaa lagu qabtay magaalooyinka Yeyle oo ku dhawaad 100-KM Waqooyi-galbeed kaga xigta magaalada Laascaanood iyo Boocame oo 75-KM dhinaca Bari kaga beegan Laascaanood.

2013-08-12 3:01 AM EST
Isniin, August 12, 2013 (HOL) — Afhayeenka howgallada ururka Al-shabaab, Sheekh C/casiis Abuu-Muscab ayaa hadal uu siiyay warbaahinta afkooda ku hadasha wuxuu uga digay shacabka Muqdisho ku nool inay u dhawaadaan saldhigyada ciidamada dowladda iyo kuwa AMISOM ay leeyihiin Muqdsiho iyo weliba xarumaha hay’adaha gargaarka oo uu ka xusay kuwa UN-ka.

2013-08-12 2:26 AM EST
Isniin, August 12, 2013 (HOL) — Xildhibaan Ilyaas Barre Shiil oo ka mid ah xildhibaannada baarlamaanka Kenya ayaa sheegay in Kenya aysan doonayn inay taako ka mid ah dhulka Soomaaliya qabsato, wararka la faafiyayna ay yihiin kuwo been abuur ah oo la doonayo in la isaga horkeeno labada dal iyo labada dowladood.

2013-08-12 2:22 AM EST
Isniin, August 12, 2013 (HOL) — Ra’iisul wasaarihii hore ee DKMG ahayd ee Soomaaliya, Prof. Cali Maxamed Geeddi ayaa dhaliilay dowladda Soomaaliya ee xilka haysa, isagoo sheegay inay ku filnaan waysay inay sugto ammaanka Muqdisho, sidoo kalena ay ugaarsi gaar ah ku hayso qaar ka mid ah beelaha Muqdisho.