2014-10-31
Today from Hiiraan Online:  _
Wararka Maanta- Isniin, Aug 12, 2013
Macaahid lagu Baran Doono Culuun kala Duwan oo laga Furay Boocame iyo Yeyle oo kawada tirsan Gobolka Sool (SAWIRRO)



Isniin, August 12, 2013 (HOL) —  Munaasabado lagu furayey machadyo diini ah ayaa lagu qabtay magaalooyinka Yeyle oo ku dhawaad 100-KM Waqooyi-galbeed kaga xigta magaalada Laascaanood iyo Boocame oo 75-KM dhinaca Bari kaga beegan Laascaanood.

Munaasabad lagu qabtay Yeyle oo ay kasoo qayb-galeen culummada gobolka Sool, waxgarad iyo odayaasha deegaanka ayaa waxaa looga hadlay sidii kor loogu qaadi lahaa aqoonta bulshada gaar ahaan da'yarta soo koraysa.

Culummadii halkaasi ka hadlay oo ay ka mid ahaayeen, Sheek Siciid Axmed Cadar iyo Sheekh Yuusuf Haybe ayaa waxay sheegeen in loo baahan yahay in bulshadu ay si aad ah isugu xil-saaraan sidii ay gacan uga geysan lahaayeen kobcinta aqoonta diiniga ah iyo midda mmaadiga ah, waxayna uga mahad-celiyeen laba hablood oo suuro-geliyay dhismaha machadkan oo loo bixiyey Imaamu Shaafici.

Qaar ka mid ah odayada deegaanka ayaa si aad ah u soo dhaweeyay furitaanka machadkan waxayna balan qaadeen inay isla garab taagi doonaan wixii karaankood ah.

Dhinaca kale, waxaa magaaladda Boocame laga furay machad loogu isagana  loogu magacdaray Imaamu Shaafici kaasoo lagu baran doono culuunta Islaamka.

C/risaaq Muuse Jaamac oo halkaasi ka hadlay ayaa ka dhawaajiyay in kharashka ku baxaya machadkan laga rabo dadka reer Boocame, kaasoo dhan sannadkii 14,400 oo doollar si waxbarasha ardaydu u noqoto bilaash.

Waxaanu intaas ku daray in machadkan ay suura-geliyeen ganacsatada magaalooyinka Boosaaso iyo Laascaanood iyo dadka qurbaha ku maqan.

Machadyadan Imaamu Shaafici ayaa waxay yihiin kuwo ka furan inta badan magaalooyinka gobolka Sool, waxayna intooda badan isugu jiraan diini iyo maaddi, balse waxaa la sheegay in kuwani ay haatan yihiin culuunta diinta Islaamka waxaa lagu baran doonaa.


Seynab Cabdi Warsame, Hiiraan Online
seynab@hiiraan.com
Laascaanood, Gobolka Sool





Post your comments

2013-08-12 2:24 PM EST
Isniin, August 12, 2013 (HOL) — Hormuudka jaamacadda Bay oo dhawaan laga furay magaalada Baydhabo, Jabriil Maxamed Aadan ayaa wuxuu ka war-bixiyay jaamacadda iyo habka ay ardayda wax u barto, iyadoo wareysi uu siiyay HOL uu kaga hadlay arrimo badan. Wareysigiina wuxuu u dhacay sidan:

2013-08-12 1:39 PM EST
Isniin, August 12, 2013 (HOL) — Kulan looga hadlayay ammanka gobolka Bay ayaa maanta ka dhacay degmada Baydhabo, kaasoo ay ka qaybgaleen mas’uuliyiinta maamulka gobolka, kan degmada, waxgarad iyo aqoon-yahanno kasoo jeeda gobolkaas.

2013-08-12 11:28 AM EST
Isniin, August 12, 2013(HOL)—Xaflad si qurux badan loo soo agaasimey ayaa lagu qabtey gelinkii danbe ee shalay xaruunta Ark Academy oo ku taal xaafada Wembley Park ee magaalada London, xafladaasi oo lagu daahfurayay furitaanka koobka cayaaraha Somaliweek London 2013.

2013-08-12 11:15 AM EST
Isniin, August 12, 2013(HOL) :- Ergadii soo dooratay madaxweeynaha maamulka Jubbaland Sheekh Axmed Max’ed Islaam (Axmed Madoobe) ayaa 20 beri oo dheeri ah ugu daray madaxweeynaha si uu u dhameystiro dhismaha labada gole ee maamulka.

2013-08-12 10:28 AM EST
Isniin, August 12, 2013 (HOL) — Madaxweynaha dalka Zimbabwe, Robert Mugabe oo mar kale loo doortay inuu hoggaamiyo dalkaas ayaa khudbad uu jeediyay maanta ku sheegay in dalkiisu uusan dib dambe ugu laaban dooni gumeysi, isagoo doorashadii dhawaan dhacday ku tilmaamay mid u dhacday si dimuqraadiyad ah.

2013-08-12 10:02 AM EST
Isniin, August 12, 2013 (HOL) — Madaxweynaha Puntland oo ka qaybgalay shir looga hadlayay xawaaladaha iyo sida loola socon lahaa in lacagaha la isugu diro aan loogu adeegsan lahayn falal dambiyeedyo oo maanta lagu qabtay Garoonka ayaa ka digay in la xiro xawaaladaha lacagaha la isugu diro.

2013-08-12 9:46 AM EST
Isniin, August 12, 2013 (HOL) — Waxaa heer gabo-gabo ah maraya qeybtii koowaad dhismaha masjidka Bardaha magaalada Baladweyne oo ah masjid facweyn oo soo dhisnaa sida la rumeysan yahay wax ka badan 100 sano.

2013-08-12 7:54 AM EST
Isniin, August 12, 2013 (HOL) — Guddoomiyaha baarlamaanka Soomaaliya, Maxamed Sheekh Cismaan (Jawaari) iyo wafdi uu hoggaaminayo ayaa maanta gaarya magaalada Kampala ee dalka Uganda, kaddib casuumaad ay ka heleen guddoonka baarlamaanka dalkaas.

2013-08-12 7:30 AM EST
Isniin, August 12, 2013 (HOL) — Jaamacadda ADMAS University College, ayaa xalay xaflad Casha sharaf ah u samaysay toddoba arday oo hore uga qalin jabiyey jaamacadda oo deeq waxbarasho (Shoolership) ka helay dalka Turkey.

2013-08-12 3:01 AM EST
Isniin, August 12, 2013 (HOL) — Afhayeenka howgallada ururka Al-shabaab, Sheekh C/casiis Abuu-Muscab ayaa hadal uu siiyay warbaahinta afkooda ku hadasha wuxuu uga digay shacabka Muqdisho ku nool inay u dhawaadaan saldhigyada ciidamada dowladda iyo kuwa AMISOM ay leeyihiin Muqdsiho iyo weliba xarumaha hay’adaha gargaarka oo uu ka xusay kuwa UN-ka.

2013-08-12 2:26 AM EST
Isniin, August 12, 2013 (HOL) — Xildhibaan Ilyaas Barre Shiil oo ka mid ah xildhibaannada baarlamaanka Kenya ayaa sheegay in Kenya aysan doonayn inay taako ka mid ah dhulka Soomaaliya qabsato, wararka la faafiyayna ay yihiin kuwo been abuur ah oo la doonayo in la isaga horkeeno labada dal iyo labada dowladood.

2013-08-12 2:22 AM EST
Isniin, August 12, 2013 (HOL) — Ra’iisul wasaarihii hore ee DKMG ahayd ee Soomaaliya, Prof. Cali Maxamed Geeddi ayaa dhaliilay dowladda Soomaaliya ee xilka haysa, isagoo sheegay inay ku filnaan waysay inay sugto ammaanka Muqdisho, sidoo kalena ay ugaarsi gaar ah ku hayso qaar ka mid ah beelaha Muqdisho.