2014-04-19
Today from Hiiraan Online:  _
Wararka Maanta- Isniin, Aug 12, 2013
PROF CALI M. GEEDDI: “Magaalada Muqdisho Habeenkii Waxaa ka Taliya Al-shabaab Maalintiina Ciidamada Dowladda Somalia”


Isniin, August 12, 2013 (HOL) — Ra’iisul wasaarihii hore ee DKMG ahayd ee Soomaaliya, Prof. Cali Maxamed Geeddi ayaa dhaliilay dowladda Soomaaliya ee xilka haysa, isagoo sheegay inay ku filnaan waysay inay sugto ammaanka Muqdisho, sidoo kalena ay ugaarsi gaar ah ku hayso qaar ka mid ah beelaha Muqdisho.

Prof. Geeddi oo ka hadlayay kulan ka dhacay magaalada Nairobi oo ay kasoo qaybgaleen siyaasiyiin Soomaaliyeed, madaxweyne ku xigeenka Jubbaland iyo xildhibaanno ka tirsan baarlamaanka Kenya.

“Dowladda Soomaaliya waxaa doortay shacabka Soomaaliyeed, waxaana laga doonayaa inay u adeegto shacabka, waana inay xoogga saarto amniga, waayo Muqdisho amni kama jiro aniga ayaana dhawaan ka imid,” ayuu yiri Prof. Geeddi oo kulanka ka hadlay.

Sidoo kale, ra’iisul wasaarihii hore ee Soomaaliya wuxuu sheegay inay ka taliso Muqdisho habeenkii Al-shabaab, maalintiinna ay ciidamada dowladdu ka taliyaan, taasna aysan noqonayn dowladnimo, balse loo baahan yahay in dowladdu ay xoogga saarto sidii ay ammaanka dadka Muqdisho iyo kuwa kale ee gobollada dalka ay ammaan ku heli lahaayeen.

“Magaalada Muqdisho habeenkii waxaa ka talisa Al-shabaab, maalintiina waxaa ka taliya ciidamada dowladda, taasna ma ahan mid lagu hanan karo dowladnimada dalka, waxaana madaxda dalka ugu baaqaynaa inay howsha loo doortay uga soo baxaan sidii loogu doortay, haddii kalena ay dadku kala wareegi doonaan hoggaanka,” ayuu yiri Prof. Geeddi.

Dhanka kale, ra’iisul wasaarihii wuxuu sheegay in maamulka dalka ay isku koobeen koox diimeed uu ku eedeeyay inay horay u diidanaayeen dastuurka dalka, isagoo sheegay in madaxdaas ay doorteen shacabka Soomaaliyeed loogana baahan yahay inay ugu adeegaan sida ay shacabku doonayaan.

“Anigu kooxda talada haysa waan maqlay, waxayna ahaayeen kuwo kasoo horjeeday dastuurka markii dastuurkan sameyntiisa la billaabayay, iyagoo leh dastuur aanan sameysan kuma dhaqmi karno,” ayuu yiri Prof. Geeddi.

Ugu dambeyn, Prof. Geeddi wuxuu ugu baaqay madaxda dowladda Somalia inay yaqiinsadaan in dowladda hadda jirta ay dhashay dowladdii KMG ahayd ayna dadka Soomaaliyeed ugu adeegaan si siman iyagoo aan dhinac gaar ah la safanayn.

Maxamed Xaaj iXuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-08-12 2:24 PM EST
Isniin, August 12, 2013 (HOL) — Hormuudka jaamacadda Bay oo dhawaan laga furay magaalada Baydhabo, Jabriil Maxamed Aadan ayaa wuxuu ka war-bixiyay jaamacadda iyo habka ay ardayda wax u barto, iyadoo wareysi uu siiyay HOL uu kaga hadlay arrimo badan. Wareysigiina wuxuu u dhacay sidan:

2013-08-12 1:39 PM EST
Isniin, August 12, 2013 (HOL) — Kulan looga hadlayay ammanka gobolka Bay ayaa maanta ka dhacay degmada Baydhabo, kaasoo ay ka qaybgaleen mas’uuliyiinta maamulka gobolka, kan degmada, waxgarad iyo aqoon-yahanno kasoo jeeda gobolkaas.

2013-08-12 11:28 AM EST
Isniin, August 12, 2013(HOL)—Xaflad si qurux badan loo soo agaasimey ayaa lagu qabtey gelinkii danbe ee shalay xaruunta Ark Academy oo ku taal xaafada Wembley Park ee magaalada London, xafladaasi oo lagu daahfurayay furitaanka koobka cayaaraha Somaliweek London 2013.

2013-08-12 11:15 AM EST
Isniin, August 12, 2013(HOL) :- Ergadii soo dooratay madaxweeynaha maamulka Jubbaland Sheekh Axmed Max’ed Islaam (Axmed Madoobe) ayaa 20 beri oo dheeri ah ugu daray madaxweeynaha si uu u dhameystiro dhismaha labada gole ee maamulka.

2013-08-12 10:28 AM EST
Isniin, August 12, 2013 (HOL) — Madaxweynaha dalka Zimbabwe, Robert Mugabe oo mar kale loo doortay inuu hoggaamiyo dalkaas ayaa khudbad uu jeediyay maanta ku sheegay in dalkiisu uusan dib dambe ugu laaban dooni gumeysi, isagoo doorashadii dhawaan dhacday ku tilmaamay mid u dhacday si dimuqraadiyad ah.

2013-08-12 10:02 AM EST
Isniin, August 12, 2013 (HOL) — Madaxweynaha Puntland oo ka qaybgalay shir looga hadlayay xawaaladaha iyo sida loola socon lahaa in lacagaha la isugu diro aan loogu adeegsan lahayn falal dambiyeedyo oo maanta lagu qabtay Garoonka ayaa ka digay in la xiro xawaaladaha lacagaha la isugu diro.

2013-08-12 9:46 AM EST
Isniin, August 12, 2013 (HOL) — Waxaa heer gabo-gabo ah maraya qeybtii koowaad dhismaha masjidka Bardaha magaalada Baladweyne oo ah masjid facweyn oo soo dhisnaa sida la rumeysan yahay wax ka badan 100 sano.

2013-08-12 7:54 AM EST
Isniin, August 12, 2013 (HOL) — Guddoomiyaha baarlamaanka Soomaaliya, Maxamed Sheekh Cismaan (Jawaari) iyo wafdi uu hoggaaminayo ayaa maanta gaarya magaalada Kampala ee dalka Uganda, kaddib casuumaad ay ka heleen guddoonka baarlamaanka dalkaas.

2013-08-12 7:30 AM EST
Isniin, August 12, 2013 (HOL) — Jaamacadda ADMAS University College, ayaa xalay xaflad Casha sharaf ah u samaysay toddoba arday oo hore uga qalin jabiyey jaamacadda oo deeq waxbarasho (Shoolership) ka helay dalka Turkey.

2013-08-12 6:52 AM EST
Isniin, August 12, 2013 (HOL) — Munaasabado lagu furayey machadyo diini ah ayaa lagu qabtay magaalooyinka Yeyle oo ku dhawaad 100-KM Waqooyi-galbeed kaga xigta magaalada Laascaanood iyo Boocame oo 75-KM dhinaca Bari kaga beegan Laascaanood.

2013-08-12 3:01 AM EST
Isniin, August 12, 2013 (HOL) — Afhayeenka howgallada ururka Al-shabaab, Sheekh C/casiis Abuu-Muscab ayaa hadal uu siiyay warbaahinta afkooda ku hadasha wuxuu uga digay shacabka Muqdisho ku nool inay u dhawaadaan saldhigyada ciidamada dowladda iyo kuwa AMISOM ay leeyihiin Muqdsiho iyo weliba xarumaha hay’adaha gargaarka oo uu ka xusay kuwa UN-ka.

2013-08-12 2:26 AM EST
Isniin, August 12, 2013 (HOL) — Xildhibaan Ilyaas Barre Shiil oo ka mid ah xildhibaannada baarlamaanka Kenya ayaa sheegay in Kenya aysan doonayn inay taako ka mid ah dhulka Soomaaliya qabsato, wararka la faafiyayna ay yihiin kuwo been abuur ah oo la doonayo in la isaga horkeeno labada dal iyo labada dowladood.