2014-11-28
Today from Hiiraan Online:  _
Wararka Maanta- Axad, Aug 11, 2013
Xafiiska Ra’iisul Wasaaraha Soomaaliya oo wada kulammo looga tashanayo horumarinta Xuquuqda Aadanaha Somalia (SAWIRRO)



Axad, August 11, 2013 (HOL) — Waxaa mar kale lagu qabtay Muqdisho shir ku saabsan Raod-Map-ka xuquuqda aadanaha Somalia, kaasoo ay ka qayb-galeen xoghayaha golaha wasiirrada, Maxamed Jamac Calas, ururrada bulshada rayidka ah iyo danjiraha Soomaaliya u fadhiya xafiiska Qaramada Midoobay xuquuqul insaanka ee Geneva, Yuusuf Maxamed Ismaaciil (Bari-Bari).

Shirkan oo dhacay shalay oo Sabti ahayd ayaa daba-socday kulammo horay uga dhacay xafiiska ra’iisul wasaaraha oo looga tashanayay khariirada geedi socodka lagu hormarinyo laguna ilaalinayo xuquuqul insaanka muwaadiniinta Soomaaliyeed.

Wada-tashigaan dhex-maray dowladda Soomaaliya iyo ururrada bulshada rayidka ee ku sugan maagaalada Muqdisho ayaa looga hadlay sidii loo dhamystiri lahaa khariidadda geedi-socodka ee lagu hormarinayo laguna ilaalinayo xuquuqul insaanka muwaadiniita Soomaaliyeed (Human Rights Road Map).

Shirkani wuxuu qayb ka ahaa  kulammo isdaba-joog ah oo uu abaabulay xafiiska ra’iisul wasaaraha Soomaaliya, kuwaasoo lagu doonayo in talo wax ku ool ah looga qaato bulshada Soomaaliyeed qaybaheeda kala duwan.

“Kulankan wuxuu ahaa mid ay dowalddu ugu sharaxayso ururrada bulshada rayidka Soomaaliye3ed qabyo-qoraalka khariirada geeddi-socodka ee lagu hormarinayo laguna ilaalinayo xuquuqul aadanaha Soomaaliyeed, waxayna dooddu ahayd mid furan oo la isku dhaafsanayay firadaha iyo talooyinka ku aaddan sidii loo hormarin lahaa loona ilaalin lahaa xuquqal insaanka Somalia,” ayuu yiri danjire Yuusuf Bari-Bari oo intaas ku daray in qaybaha kasoo qayb-galay ay soo gudbiyeen talooyin wax ku ool ah iyo kaalintooda bulashada rayidka kaga aaddan dhaqan-galinta khariiraddan.

Shirarkan ayaa sii socon doona illaa iyo inta laga dhamaystirayo qabyo-qoraalkan, waxaana dhawaan shirkii ugu dambeeyay lala yeelan doonaa madaxda sare ee hay’adaha amniga.

Intaaan loo gudbin qabyo qoraalkan shirka golaha wasiirrada wadaa mar kale wada-kulmi doona dhammaan xubnihii ka qaybgalay shirarkii hore, iyadoo loo soo bandhigi doono qabyo qoraalka oo dhamaystiran.

Ugu dambayn, waxaa la filayaa inuu dhaco shir aan caadi ahayn oo golaha wasiirrada isugu imanayaan dhammaadka bisha August, 2013, ayna kasoo qayb-gali doonaan madaxda ugu sarreysa dalka, dajire Yuusuf Bari-Bari, madaxda sare ee hay’adaha amniga iyo xubno matalaya bulshada rayidka ah.

Sidoo kale, waxaa lagu marti-qaadi doonaa khabiirka madaxa-bannaan ee u qaabilsan Qaramada Midoobay arrimaha xuquul Insaanka ka jira Soomaaliya, Dr. Shamsul Bari iyo madax ka socota xafiiska Qaramada Midoobay u qaabilsan arrimaha xuquuqal insaanka.




Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-08-11 9:23 AM EST
Madaxii hore ee sirdoonka Soomaaliya ee loo yaqaano nabad-sugida Axmed Macallin Fiqi ayaa waraysi uu siiyay wargeyska The Standard ee kasoo baxa dalka Kenya ku sheegay in uu ka hortagay weeraro la doonayay in lagu khaarajiyo labada hogaamiye ee ugu cadcadaa tartankii doorashadii dalka Kenya.

2013-08-11 8:43 AM EST
Axad, August 11, 2013 (HOL) — Soddon ka mid ah xildhibaannada dumarka ah ee ku jira baarlamaanka Soomaaliya ayaa maanta u dhoofay dalka Kenya si ay uga qaybgalaan siminnaar aqoon-kororsi ah oo looga hadlayo sida ay u shaqeeyaan baarlamaannada caalamka iyo sidii baarlamaanka Soomaaliya uu xiriir ula yeelan lahaa baarlamaannada kale ee caalamka.

2013-08-11 7:57 AM EST
Axad, August 11, 2013 (HOL) — Wareegto kasoo baxday xafiiska madaxweynaha Soomaaliya ayaa loogu magacaabay guddoomiyaha cusub ee gobolka Galguduud, Xuseen Cali Wehliye (Cirfo) iyadoo la sheegay in lagu magacaabay soo jeedinta wasiirka arrimaha gudaha Soomaaliya.

2013-08-11 7:56 AM EST
Axad, August 11, 2013 (HOL) — Iyadoo maanta la filayay in magaalada Kismaayo looga dhawaaqo golaha wasiirada maamulka Jubbaland ayaa waxa arintaasi ku yimid dib u dhac iyadoona mudo 10 maalmood ah dib loo dhigay.

2013-08-11 7:36 AM EST
Axad, August 11, 2013 (HOL) —Iyadoo shalay dowladda Puntland ay dekedda magaalada Boosaaso ka celisey markab sidey deeq raashin ah oo ka timid hay'adda Bisha Cas ee Turkiga, taas oo ku socotey qaar kamid ah degmooyinka Puntland iyo gobollada dhexe ee dalka, ayaa waxaa arintaas siyaabo kala duwan u fasiray siyaasiyiinta mucaaradka ah ee dhaliila xukuumadda Madaxweyne C/raxmaan Maxamed Faroole.

2013-08-11 3:22 AM EST
Axad, August 11, 2013 (HOL) — Orodyahanka Soomaaliyeed ee Mo Farah ayaa ku guuleystay orodka dheer ee 10,000 oo mitir tartanka adduunka eek a dhacaya magaalada Moscow ee xarunta dalka Ruushka.

2013-08-11 2:39 AM EST
Axad, August 11, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa ka hadlay waxyaabihii u qabsoomay xukumadda uu madaxda ka yahay muddadii ay jirtay, isagoo xusay in waxyaabo badan ay ka qabteen dhibaatooyin ka taagnaa magaalada Muqdisho.

2013-08-11 2:00 AM EST
Axad, August 11, 2013 (HOL) — Dowladda Britain ayaa shaacisay in xubno ka tirsan Al-shabaab ay dhaceen gargaar kala duwan oo loogu deeqay dadka Soomaaliyeed, kaasoo qiimihiisu ahaa 480,000 lacagta Britain ah oo la mid ah 75,000 oo doollarka Mareykanka ah.