2014-04-23
Today from Hiiraan Online:  _
Wararka Maanta- Axad, Aug 11, 2013
Xildhibaanno Haween ah oo Maanta u Ambabaxay Magaalada Nairobi oo ay uga qaybgalayaan Siminnaar halkaas ka dhacaya

Axad, August 11, 2013 (HOL) — Soddon ka mid ah xildhibaannada dumarka ah ee ku jira baarlamaanka Soomaaliya ayaa maanta u dhoofay dalka Kenya si ay uga qaybgalaan siminnaar aqoon-kororsi ah oo looga hadlayo sida ay u shaqeeyaan baarlamaannada caalamka iyo sidii baarlamaanka Soomaaliya uu xiriir ula yeelan lahaa baarlamaannada kale ee caalamka.

Xildhibaannadan ayaa waxaa horkacayay guddoomiye ku xigeenka koowaad ee baarlamaanka Soomaaliya, Jeylaani Nuur Iikar isagoo sheegay in tani ay qayb ka tahay tababarrada sare loogu qaadayo aqoonta xildhibaannada baarlamaanka Soomaaliya.

“Maanta waxaan u soconnaa magaalada Nairob oo aan uga qaygalayno siminnaar socon doonaa muddo toddoba maalmood ah, kaasoo ay bixinayso hay’adda NDI, laguna baranayo habka ay u shaqeeyaan baarlamaannada  caalamka,” ayuu yiri Iikar.

Sidoo kale, guddoomiye ku xigeenku wuxuu sheegay in xildhibaannadan ay noqonayaa kuwii ugu tirada badnaa ee ka mid ah xildhiabannada haweenka ah ee baarlamaanka oo mar qura tababar ugu ambabaxa dalka dibaddiisa.

“Waxaan rajeynaynaa in tababarkan ay si wanaagsan uga faa’iideysan doonaan, wixii ay kasoo bartaanna ay u gudbin doonaan sagaal xildhibaan ee haweenka ah oo aan nasiibka u yeelan inay tababarkan ka qaybgalaan iyo xubnaha kale ee baarlamaanka,” ayuu Iikar mar kale yiri.

Hay’adda NDI ayaa baarlamaanka Soomaaliya ka taageerta dhinaca tababarrada, waxaana tababarkan uu noqonayaa mid inta uu socdo ay kusoo bandhig doonaan xildhibaannada ka qaybqaadanaya fikaradahooda ku aaddan sida ay u arkaan wadashaqeyn dhexmarata baarlamaanka Somalia iyo kuwa calaamka.

Xildhibaannada haweenka ah ee ku jira baarlamaanka Soomaaliya ayaa waxay tiradoodu gaaraysaa 39 xubnood, waxaana ay inta badan ahaayeen kuwo aan ka qaybgelin siminnaarrada loo qabanayo baarlamaanka.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-08-11 9:23 AM EST
Madaxii hore ee sirdoonka Soomaaliya ee loo yaqaano nabad-sugida Axmed Macallin Fiqi ayaa waraysi uu siiyay wargeyska The Standard ee kasoo baxa dalka Kenya ku sheegay in uu ka hortagay weeraro la doonayay in lagu khaarajiyo labada hogaamiye ee ugu cadcadaa tartankii doorashadii dalka Kenya.

2013-08-11 9:08 AM EST
Axad, August 11, 2013 (HOL) — Waxaa mar kale lagu qabtay Muqdisho shir ku saabsan Raod-Map-ka xuquuqda aadanaha Somalia, kaasoo ay ka qayb-galeen xoghayaha golaha wasiirrada, Maxamed Jamac Calas, ururrada bulshada rayidka ah iyo danjiraha Soomaaliya u fadhiya xafiiska Qaramada Midoobay xuquuqul insaanka ee Geneva, Yuusuf Maxamed Ismaaciil (Bari-Bari).

2013-08-11 7:57 AM EST
Axad, August 11, 2013 (HOL) — Wareegto kasoo baxday xafiiska madaxweynaha Soomaaliya ayaa loogu magacaabay guddoomiyaha cusub ee gobolka Galguduud, Xuseen Cali Wehliye (Cirfo) iyadoo la sheegay in lagu magacaabay soo jeedinta wasiirka arrimaha gudaha Soomaaliya.

2013-08-11 7:56 AM EST
Axad, August 11, 2013 (HOL) — Iyadoo maanta la filayay in magaalada Kismaayo looga dhawaaqo golaha wasiirada maamulka Jubbaland ayaa waxa arintaasi ku yimid dib u dhac iyadoona mudo 10 maalmood ah dib loo dhigay.

2013-08-11 7:36 AM EST
Axad, August 11, 2013 (HOL) —Iyadoo shalay dowladda Puntland ay dekedda magaalada Boosaaso ka celisey markab sidey deeq raashin ah oo ka timid hay'adda Bisha Cas ee Turkiga, taas oo ku socotey qaar kamid ah degmooyinka Puntland iyo gobollada dhexe ee dalka, ayaa waxaa arintaas siyaabo kala duwan u fasiray siyaasiyiinta mucaaradka ah ee dhaliila xukuumadda Madaxweyne C/raxmaan Maxamed Faroole.

2013-08-11 3:22 AM EST
Axad, August 11, 2013 (HOL) — Orodyahanka Soomaaliyeed ee Mo Farah ayaa ku guuleystay orodka dheer ee 10,000 oo mitir tartanka adduunka eek a dhacaya magaalada Moscow ee xarunta dalka Ruushka.

2013-08-11 2:39 AM EST
Axad, August 11, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa ka hadlay waxyaabihii u qabsoomay xukumadda uu madaxda ka yahay muddadii ay jirtay, isagoo xusay in waxyaabo badan ay ka qabteen dhibaatooyin ka taagnaa magaalada Muqdisho.

2013-08-11 2:00 AM EST
Axad, August 11, 2013 (HOL) — Dowladda Britain ayaa shaacisay in xubno ka tirsan Al-shabaab ay dhaceen gargaar kala duwan oo loogu deeqay dadka Soomaaliyeed, kaasoo qiimihiisu ahaa 480,000 lacagta Britain ah oo la mid ah 75,000 oo doollarka Mareykanka ah.