2014-10-01
Today from Hiiraan Online:  _
Wararka Maanta- Axad, Aug 11, 2013
Xukuumadda Britain oo Al-shabaab ku Eedeysay inay dhacday gargaar kala duwan oo loogu deeqay Shacabka Soomaaliyeed



Axad, August 11, 2013 (HOL) — Dowladda Britain ayaa shaacisay in xubno ka tirsan Al-shabaab ay dhaceen gargaar kala duwan oo loogu deeqay dadka Soomaaliyeed, kaasoo qiimihiisu ahaa 480,000 lacagta Britain ah oo la mid ah 750,000 oo doollarka Mareykanka ah.

Warbixintan ayaa maanta waxaa soo saartay waaxda horumarinta caalamiga ah ee dowladda Britain, iyadoo sheegtay in tani ay abuurayso walaac la xiriira sidii ay Ingiriiska uu ku bixin lahaa dhaqaalaha gargaarka ah ee ay siiyaan Soomaaliya.

“Dhacan wuxuu ka dhacay gobollada Koonfurta Soomaaliya, wuxuuna dhacay intii u dhexeysay bilihii November 2011 illaa bishii Feberaayo 2012. Waxaana gargaarkan laga dhacay hay’ado maxallim ah, taas oo loogu talo-galay in lagu caawiyo shacabka Soomaaliyeed,” ayaa lagu yiri warbixinta ay soo saartay waaxda horumarinta caalamiga ah ee Britain.

Britain waxay sheegtay in tani ay dib u dhigtay gargaar gaaraya 80 Milyan oo doollar oo loogu talogalay in Soomaaliya lagu caawiyo 2012 illaa 2013, taasoo ay sabab uga dhigeen in baaritaanka arrintan ay qaadatay 12 bilood oo xiriir ah.

Xildhibaan, Gerald Howarth oo ka tirsan xisbiga muxaafadka  ah ee ra’iisul wasaaraha Britain ayaa sheegay in xatooyadan ay kordhinayso walaaca ku saabsan sida lacagtan loo bixiyay.

“Tani waxay sare u qaadaysaa walaaca bulshada, waayo lacagtan waa mid laga soo qaaday canshuuraha ay bixiyaan shacabka Britain looguna talogalay in lagu caawiyo dad dalkoodu uu dagaal ka jiro, balse in la xado ma ahan mid la aqbali karo,” ayuu xildhibaanku u sheegay wargeysa Suday Telegraph.

Afhayeen u hadlay waaxda horumarinta caalamiga ah ee Britain ayaa xusay inay ka shaqeeyaan dalal ay colaado iyo khataro ay ka jiraan sida Somalia oo kale, balse waxaan sameynaynaa wax walba oo aan kaga hortegi karno xatooyada noocan oo kale ah.

“Waxaan ka shaqeynaa dalal aad u khatar badan oo caalamka ku yaalla oo ay ku jirto Soomaaliya, taasna waxaa u sabab ah inay ku sugan yihiin dad faqri ah oo aan haysan deggenaasho, waana mid aan ku doonayno in aan kaga shaqeyno nabadgalyada adduunka iyo nabadgalyada UK,” ayuu yiri afhayeenka.

Britain ma aysan sheegin noocyada gargaarka ay Al-shabaab dhacday, sidoo kalena ma jirto hadal kasoo baxay dhinaca Al-shaaab oo ku saabsan eedda ay Britain u soo jeedisay.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-08-11 9:23 AM EST
Madaxii hore ee sirdoonka Soomaaliya ee loo yaqaano nabad-sugida Axmed Macallin Fiqi ayaa waraysi uu siiyay wargeyska The Standard ee kasoo baxa dalka Kenya ku sheegay in uu ka hortagay weeraro la doonayay in lagu khaarajiyo labada hogaamiye ee ugu cadcadaa tartankii doorashadii dalka Kenya.

2013-08-11 9:08 AM EST
Axad, August 11, 2013 (HOL) — Waxaa mar kale lagu qabtay Muqdisho shir ku saabsan Raod-Map-ka xuquuqda aadanaha Somalia, kaasoo ay ka qayb-galeen xoghayaha golaha wasiirrada, Maxamed Jamac Calas, ururrada bulshada rayidka ah iyo danjiraha Soomaaliya u fadhiya xafiiska Qaramada Midoobay xuquuqul insaanka ee Geneva, Yuusuf Maxamed Ismaaciil (Bari-Bari).

2013-08-11 8:43 AM EST
Axad, August 11, 2013 (HOL) — Soddon ka mid ah xildhibaannada dumarka ah ee ku jira baarlamaanka Soomaaliya ayaa maanta u dhoofay dalka Kenya si ay uga qaybgalaan siminnaar aqoon-kororsi ah oo looga hadlayo sida ay u shaqeeyaan baarlamaannada caalamka iyo sidii baarlamaanka Soomaaliya uu xiriir ula yeelan lahaa baarlamaannada kale ee caalamka.

2013-08-11 7:57 AM EST
Axad, August 11, 2013 (HOL) — Wareegto kasoo baxday xafiiska madaxweynaha Soomaaliya ayaa loogu magacaabay guddoomiyaha cusub ee gobolka Galguduud, Xuseen Cali Wehliye (Cirfo) iyadoo la sheegay in lagu magacaabay soo jeedinta wasiirka arrimaha gudaha Soomaaliya.

2013-08-11 7:56 AM EST
Axad, August 11, 2013 (HOL) — Iyadoo maanta la filayay in magaalada Kismaayo looga dhawaaqo golaha wasiirada maamulka Jubbaland ayaa waxa arintaasi ku yimid dib u dhac iyadoona mudo 10 maalmood ah dib loo dhigay.

2013-08-11 7:36 AM EST
Axad, August 11, 2013 (HOL) —Iyadoo shalay dowladda Puntland ay dekedda magaalada Boosaaso ka celisey markab sidey deeq raashin ah oo ka timid hay'adda Bisha Cas ee Turkiga, taas oo ku socotey qaar kamid ah degmooyinka Puntland iyo gobollada dhexe ee dalka, ayaa waxaa arintaas siyaabo kala duwan u fasiray siyaasiyiinta mucaaradka ah ee dhaliila xukuumadda Madaxweyne C/raxmaan Maxamed Faroole.

2013-08-11 3:22 AM EST
Axad, August 11, 2013 (HOL) — Orodyahanka Soomaaliyeed ee Mo Farah ayaa ku guuleystay orodka dheer ee 10,000 oo mitir tartanka adduunka eek a dhacaya magaalada Moscow ee xarunta dalka Ruushka.

2013-08-11 2:39 AM EST
Axad, August 11, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa ka hadlay waxyaabihii u qabsoomay xukumadda uu madaxda ka yahay muddadii ay jirtay, isagoo xusay in waxyaabo badan ay ka qabteen dhibaatooyin ka taagnaa magaalada Muqdisho.