12/17/2014
Today from Hiiraan Online:  _
Wararka Maanta- Sabti, Apr 6 , 2013
Baarlamaanka oo looga yeeray Ra’iisul Wasaaraha Soomaaliya iyo Wasiirkiisa Arrimaha Gudaha iyo Amniga Qaranka (SAWIRRO)



Sabti, Abriil 06, 2013 (HOL) —Baarlamaanka Soomaaliya ayaa looga yeeray ra’iisul wasaaraha Soomaaliya iyo wasiirkiisa arrimaha dibadda si wax looga weydiiyo arrimo ku saabsan howlaha xukuumadda, waxaana kulankii ay xildhibaannadu maanta yeesheen looga hadlayay arrimo ay ka mid yihiin la-xisaabtanka xukuumadda iyo wadashaaqeynta kala dhexeysa baarlamaanka.

Gudoomiye ku xigeenka labaad ee baarlamaanka, isla markaana ah ku simaha guddoomiyaha, Mahad  Cabdalla Cawad sheegay in weli aysan hay’adaha xukuumaddu kasoo jawaabin qoraalka uu u diray guddoomiyaha barlamaanka oo ahaa inay soo gudbiyaan qorsha-howleedkooda wasaaradaha dowladda, waxaana loogu yeeray wasiirradu inay golaha shacabka u soo gudbiyaan howshooda.

Sidoo kale, wuxuu guddoomiyuhu sheegay in ra’iisul wasaaraha dalka inuu codsi baarlamaanka u soo-jeediyay kaasoo ku aaddan in waqti loogu daro xiliga u goluhu hor-imaanayo; iyadoo guddoonka uu xildhibaannadii kulanka soo xaadiray ka dalbaday in illaa 20-ka bisha loogu daro iyagoo aqbalay maadaama ra’ii’sul wasaaraha dibadda ugu maqan yahay howlo shaqo.

Dhanka kale, xildhibaanno ka tirsan baarlamaankayaa mooshin u gudbiyay guddoonka baarlamaanka, taasoo loogu yeerayo wasiirka arrimaha gudaha iyo amniga Qaranka, iyadoo loogu baaqay isagana inuu illaa 14-ka bishan uu ku horyimaado si wax looga weydiiyo arrimo la xiriira ammaanka dalka.

Intii uu socday kulanka baarlamaanka ayaa laga sheegay  in guddiyo ka tirsan baarlamaanka ay howlo badan u qabsoomeen; iyadoo kuwa kalena ay weli ku guda jiraan dhameystirka shaqooyinkii loo diray; sidoo kale xubnaha barlamaanka qaar ay soo jeediyay in la kordhiyo su’aalaha la weydiin doono wasiirka arrimaha gudaha iyo amniga Qaranka, Cabdikariin Xuseen Guuleed maadaama ay jiraan arrimo badan oo muhiim u ah ammaanka dalka.

Waa markii labaad oo ra’iisul wasaaraha Soomaaliya iyo xukuumaddiisa looga yeero baarlamaanka si su’aalo looga weydiiyo arrimo la xiriira howlaha xukuumadda, lamana oga sida ay xukuumaddu uga jawaabi doonto arrintan.






Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

4/6/2013 12:58 PM EST
Sabti, Abriil 06, 2013 (HOL) — Waxaa faraha ka baxay amaanka magaalada Baydhabo ee xarunta gobolka, iyadoo lagu arkayo xilliga salaadda maqribka iyo salaadda cishaha in waddooyinka qaar sida waddada Masaajidka shariif gacamey iyo waddada aadda xaafada Mursal ay isbaaro u taallo qaar ka mid ah ciidamada xooga dalka.

4/6/2013 12:25 PM EST
Sabti, Abriil 06, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) iyo wafdi ballaaran oo uu hoggaaminayo ayaa si diirran loogu soo dhaweeyay maanta oo Sabti ah magaalada Oslo ee xarunta dalka Norway.

4/6/2013 12:18 PM EST
Marxuum Ibraahim Cilmi Bullaale oo loo yaqaanay Ibraahim Xisbiyow ayaa maalintii jimcihi ee bishan April 5, 2013 lagu aasay magaalada Stockholm ee dalka Sweden

4/6/2013 11:32 AM EST
Sabti, Abriil 06, 2013 (HOL) — Hal askari ayaa dhintay, afar kale oo laba ka mid ah ay yihiin askartii dagaalamay ayaa ku dhaawacmay dagaal ciidammo kawada tirsan dowladda Soomaaliya ku dhexmaray xaafadda Ciise Cabdi ee degmada Dayniile ee gobolka Banaadir.

4/6/2013 11:23 AM EST
Sabti, Abriil 06, 2013 (HOL) — Ciidamada dowladda Soomaaliya iyo AMISOM oo iskaashanaya ayaa maanta la wareegay deegaanno cusub oo ka tisran gobolka Shabeellada hoose, kuwaasoo ay gacanta ku haysay Al-shabaab, iyadoo tallaabadan lagu macneeyay in lagu adkeynayo ammaanka goobo ay horay u qabsadeen.

4/6/2013 11:00 AM EST
Sabti, Abriil 06, 2013 (HOL) — Dunida oo dhan waxaa laga xusay maalinta Miinada Adduunka , waxaana xus ku saabsan maalinkaas qabtay hay’adda horumarinta iyo isku xirka dhallinyarada Soomaaliyeed ee SOYDEN oo gacan ka helaysay hay’adda Qaramada Midoobey ee UNICEF, iyadoo uga qayb-gashay xuska sannadkan tartan isboorti oo uu qaban-qaabadiisa uu lahaa xiriirka Soomaaliyeed ee kubadda cagta. Waxaana mushruucan loogu magac-daray ‘Waxbarashada Khatarta Miinada’.

4/6/2013 10:41 AM EST
Sabti, April 06, 2013(HOL) :- Waxaa maanta garoonka caalamiga ah ee magaalada Kismaayo ka dhoofay ku dhawaad ilaa 43 Xildhibaan oo kamid ahayd xildhibaanadii dowladda federaalka ee dhawaan soo gaaray magaalada Kismaayo.

4/6/2013 10:36 AM EST
Sabti, Abriil 06, 2013 (HOL) — Somaliland, ayaa maanta laga xusay lixda April oo ah maalintii lagu dhowaaqay Jabhaddii SNM ee dagaalka ba’an la gashay xukuumaddii Maxamed Siyaad Barre.

4/6/2013 10:31 AM EST
Sabti, Abriil 06, 2013 (HOL) — Baqdin iyo wal-wal xoog leh ayaa la soo darrsay xilligan dadka ku dhaqan magaalada Baladweyne oo ka cabsi qaba fatahaad uu mar kale sameeyo wabigga Shabeelle, kadib roobab xoog leh oo saacadihii aynu soo dhaafnay ka da’ay magaalada Baladweyne.

4/6/2013 1:34 AM EST
Sabti, Abriil 06, 2013 (HOL) — Dowladda Britain ayaa soo saartay digniin cusub oo ay uga digayso muwaadiniinteeda inay booqdaan Soomaaliya, gaar ahaan Muqdisho oo ay sheegtay inay ka dhici karaan falal aragagaxiso oo ay ka mid yihiin qaraxyo.

4/6/2013 1:32 AM EST
Sabti, Abriil 06, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay in sida ay yihiin loo fulin doono qodobbadii kasoo baxay shirkii dib u habenta garsoorka dalka oo Jimcihii shalay lagu soo gabgabeeyay magaalada Muqdisho.