2014-08-01
Today from Hiiraan Online:  _
Wararka Maanta- Sabti, Apr 6 , 2013
Ciidamada Dowladda iyo kuwa AMISOM oo la Wareegay Deegaanno cusub oo ka tirsan Gobolka Shabeellada Hoose


Sabti, Abriil 06, 2013 (HOL) — Ciidamada dowladda Soomaaliya iyo AMISOM oo iskaashanaya ayaa maanta la wareegay deegaanno cusub oo ka tisran gobolka Shabeellada hoose, kuwaasoo ay gacanta ku haysay Al-shabaab, iyadoo tallaabadan lagu macneeyay in lagu adkeynayo ammaanka goobo ay horay u qabsadeen.

Deegaannada ay ciidamada isbahaysanaya qabsadeen ayaa waxaa ka mid ah: Daarusalaam, Mareere iyo Mubaarak oo dhamaantood ka tirsan gobolka Shabeellada hoose, halkaasoo ay sheegeen inay weerarro kaga soo qaadi jireen.

“Ciidamada dowladda iyo kuwa AMISOM waxay maanta la wareegeen goobo cusub oo ka tisran gobolka Shabeellada hoose, kuwaasoo Al-shabaab ay kasoo qaadi jireen weerarrada,” ayuu yiri mas’uul ka tisran gobolka Shabeellada Hoose oo saxaafadda la hadlay.

Goobjoogayaal ku sugan deegaannada ay ciidamada isbahaysanaya la wareegeen ayaa iyaguna sheegay in ciidamada AMISOM iyo kuwa dowladda ay caawa ku sugan yihiin deegaannadaas ayna xaaladdu degen tahay.

Dowladda Soomaaliya, AMISOM iyo Al-shabaaba ayaan ka hadlin goobaha ay ciidamada huwanta ah la wareegeen marka laga reebo mas’uulka ka tirsan gobolka oo saxaafadda u xaqiijiyay la wareegista gobahaas.

Bil ka hor ayay ahayd markii ciidamada dowladda iyo kuwa AMISOM ay si nabadgalyo ah kula wareegeen degmooyinka Jannaale, Bariire iyo Awdheegle oo dhammaantood ka tirsan gobolka Shabeellada Hoose.

Gobolka Shabeellada hoose ayaa ah gobolka ay dagaallada ugu culus ku dhexmareen ciidamada dowladda iyo kuwa AMISOM oo dhinac ah xoogagga Al-shabaab, iyadoo gobolkaas uu u muuqdo hadda inuu u qaybsan yahay labada dhinac ee is-haya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-04-06 12:58 PM EST
Sabti, Abriil 06, 2013 (HOL) — Waxaa faraha ka baxay amaanka magaalada Baydhabo ee xarunta gobolka, iyadoo lagu arkayo xilliga salaadda maqribka iyo salaadda cishaha in waddooyinka qaar sida waddada Masaajidka shariif gacamey iyo waddada aadda xaafada Mursal ay isbaaro u taallo qaar ka mid ah ciidamada xooga dalka.

2013-04-06 12:25 PM EST
Sabti, Abriil 06, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) iyo wafdi ballaaran oo uu hoggaaminayo ayaa si diirran loogu soo dhaweeyay maanta oo Sabti ah magaalada Oslo ee xarunta dalka Norway.

2013-04-06 12:18 PM EST
Marxuum Ibraahim Cilmi Bullaale oo loo yaqaanay Ibraahim Xisbiyow ayaa maalintii jimcihi ee bishan April 5, 2013 lagu aasay magaalada Stockholm ee dalka Sweden

2013-04-06 12:01 PM EST
Sabti, Abriil 06, 2013 (HOL) —Baarlamaanka Soomaaliya ayaa looga yeeray ra’iisul wasaaraha Soomaaliya iyo wasiirkiisa arrimaha dibadda si wax looga weydiiyo arrimo ku saabsan howlaha xukuumadda, waxaana kulankii ay xildhibaannadu maanta yeesheen looga hadlayay arrimo ay ka mid yihiin la-xisaabtanka xukuumadda iyo wadashaaqeynta kala dhexeysa baarlamaanka.

2013-04-06 11:32 AM EST
Sabti, Abriil 06, 2013 (HOL) — Hal askari ayaa dhintay, afar kale oo laba ka mid ah ay yihiin askartii dagaalamay ayaa ku dhaawacmay dagaal ciidammo kawada tirsan dowladda Soomaaliya ku dhexmaray xaafadda Ciise Cabdi ee degmada Dayniile ee gobolka Banaadir.

2013-04-06 11:00 AM EST
Sabti, Abriil 06, 2013 (HOL) — Dunida oo dhan waxaa laga xusay maalinta Miinada Adduunka , waxaana xus ku saabsan maalinkaas qabtay hay’adda horumarinta iyo isku xirka dhallinyarada Soomaaliyeed ee SOYDEN oo gacan ka helaysay hay’adda Qaramada Midoobey ee UNICEF, iyadoo uga qayb-gashay xuska sannadkan tartan isboorti oo uu qaban-qaabadiisa uu lahaa xiriirka Soomaaliyeed ee kubadda cagta. Waxaana mushruucan loogu magac-daray ‘Waxbarashada Khatarta Miinada’.

2013-04-06 10:41 AM EST
Sabti, April 06, 2013(HOL) :- Waxaa maanta garoonka caalamiga ah ee magaalada Kismaayo ka dhoofay ku dhawaad ilaa 43 Xildhibaan oo kamid ahayd xildhibaanadii dowladda federaalka ee dhawaan soo gaaray magaalada Kismaayo.

2013-04-06 10:36 AM EST
Sabti, Abriil 06, 2013 (HOL) — Somaliland, ayaa maanta laga xusay lixda April oo ah maalintii lagu dhowaaqay Jabhaddii SNM ee dagaalka ba’an la gashay xukuumaddii Maxamed Siyaad Barre.

2013-04-06 10:31 AM EST
Sabti, Abriil 06, 2013 (HOL) — Baqdin iyo wal-wal xoog leh ayaa la soo darrsay xilligan dadka ku dhaqan magaalada Baladweyne oo ka cabsi qaba fatahaad uu mar kale sameeyo wabigga Shabeelle, kadib roobab xoog leh oo saacadihii aynu soo dhaafnay ka da’ay magaalada Baladweyne.

2013-04-06 1:34 AM EST
Sabti, Abriil 06, 2013 (HOL) — Dowladda Britain ayaa soo saartay digniin cusub oo ay uga digayso muwaadiniinteeda inay booqdaan Soomaaliya, gaar ahaan Muqdisho oo ay sheegtay inay ka dhici karaan falal aragagaxiso oo ay ka mid yihiin qaraxyo.

2013-04-06 1:32 AM EST
Sabti, Abriil 06, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay in sida ay yihiin loo fulin doono qodobbadii kasoo baxay shirkii dib u habenta garsoorka dalka oo Jimcihii shalay lagu soo gabgabeeyay magaalada Muqdisho.