2014-04-19
Today from Hiiraan Online:  _
Wararka Maanta- Jimco, Apr 5 , 2013
Iskahorimaad Ciidamada Dowladda Soomaaliya iyo Al-shabaab ku dhexmaray inta u dhexeysa Daynuunaay iyo Baydhabo

Jimco, Abriil 05, 2013 (HOL) — Ugu yaraan laba ruux oo labadii dhinac ee uu dagaalku u dhexeeyay ka tirsan ayaa ku dhintay dagaal muddo kooban socday oo ciidamada dowladda Soomaaliya iyo Al-shabaab ku dhexmaray deegaanka Koronroge oo u dhexeeya Baydhabo iyo Daynuunaay.

Deegaankan oo 13-km dhinaca Muqdisho ka jira degmada Baydhabo ayaa dagaalka ka dhacay wuxuu qarxay markii Al-shabaab ay weerar lama filaan ah kusoo qaaday ciidammo ka tirsan kuwa dowladda oo ku socday Degmada Baydhabo kana soo baxay xero ku Daynuunaay ay ciidamadu ku leeyihiin.

Xoogaggii Al-shabaab ayaa la sheegay inay dagaalka kaddib goobta isaga tageen, halka ciidamadii dowladda ay gaareen degmada Baydhabo ee xarunta gobolka Bay, iyadoo dagaalkan uu noqnayo kii ugu horreeyay eek a dhaca inta u dhexeysa Baydhabo iyo Daynuunaay tan iyo markii ciidamada dowladda iyo kuwa AMISOM ay dhinaca lugta ku gaareen degmada Baydhabo.

Dhanka kale, waxaa degmada Baydhabo ka jira khilaaf u dhexeeyay ciidamada dowladda, kaddib markii gaari laga dhacay taliyaha qaybta milateriga ee Gobolka Bay, Col. Xaaji Cali Aadan, iyadoo gaarigaas lagu soo celiyay dadaallo badan oo ay sameeyeen malaaqyada iyo waxgaradka gobolka Bay.

 Balse Col. Xaaji Cali ayaa diiday inuu gaariga qaato, isagoo dalbaday in marka hore lasoo qabto kooxihii ka dambeeyay dhaca gaarigiisa, isagoo si gaar ah ugu eedeeyay dhacaas sarkaal kale oo lagu magacaabo Axmed Dheere.

Lama oga sida xaaladdu ay ku dambeyn doonto, iyadoo ay socdaan dadaallo lagu doonayo in lagu doonayo in lagu xaliyo khilaafka, iyadoo lagu arkayo gudaha Baydhabo ciidammo badan oo ku sugan, kuwaasoo u badan kuwa uu ka dhexeeyo khilaafka.

Hiiraan Online, Baydhabo.





Post your comments

2013-04-05 1:53 PM EST
Jimco, Abriil 05, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) ayaa maanta tababar u soo xiray ciidammo booliis ah oo tiradoodu tahay 206, kuwaasoo muddo saddex bilood ah tababar ku qaadanahay xarunta tababarka ee ciidamada booliiska Jabuuti ee Idiris Faarax Habbane.

2013-04-05 12:37 PM EST
Jimco, Abriil 05, 2013 (HOL) — Gellinkii dambe maanta oo Jimco ah ayaa lasoo gabagabeeyay shirkii looga tashanayay dib u habeynta garsoorka dalka, kaasoo uu khudbad ka jeediyay madaxweynaha Soomaaliya, Xasan Sheekh Maxamuud.

2013-04-05 11:56 AM EST
Jimco, Abriil 05, 2013 (HOL) — Golaha Deegaanka Gabiley ayaa magaaladda Arabsiyo ku casuumay dhigoodda kale ee golaha deegaanka Boorame, kuwaas oo Qaddo sharaf loogu sameeyey mid ka mid ah beeraha ay caanka ku tahay magaaladdaasi oo uu leeyahay wariyaha caanka ah ee Yoonis Cali Nuur.

2013-04-05 9:25 AM EST
Jimco, Abriil 05, 2013 (HOL) — Cumar Xamaami oo ah dagaalyahan u dhashay dalka Mareykanka oo ka barbar dagaalama Al-shabaab loogana yaqaan Soomaaliya, Abuu Mansuur Al-Amriiki ayaa shaaciyay inuu sii wadayo dagaalka uu kula jiro Mareynka, uuna beegsan doono danaha Mareykanka uu ku leeyahay caalamka oo dhan.

2013-04-05 9:04 AM EST
Jimco, Abriil 05, 2013 (HOL) — Kulan looga hadlay wada-shaqaynta ururrada wadaniga ah (NGO-yada), kuwa caalamiga ah iyo wasaaradda qorshaynta Somaliland iyo shuruucda u yaalla ayaa lagu qabtay xarunta wasaaraddu ay ku leedahay magaalada Laascaanood ee xarunta gobolka Sool.

2013-04-05 8:48 AM EST
Jimco, Abriil 05, 2013 (HOL) — Dowladda Somaaliya ayaa soo bandhigtay qorshe cusub oo dib loogu habeynayo nidaamka maareynta dhaqaalaha dalka, taasoo wasaaradda maaliyadda iyo qorsheynta Soomaaliya ay ku howlanayd in muddo ah.

2013-04-05 8:23 AM EST
Jimco, Abriil 05, 2013 (HOL) —Madaxweyne ku xigeenka Somaliland, Mudane Cabdiraxmaan Cabdilaahi Ismaaciil (Saylici), ayaa hambalyo u diray dhamaan shaqaalaha miinada iyo walxaha qarxa Maalinta miinada awgeed oo ku beegan 4 April 2013.

2013-04-05 8:16 AM EST
Jimco, April 05, 2013—Wasiir ku-xigeenka wasaaradda horumarinta Adeega Bulshada Bashiir Maxamed Jaamac (Bashiir Goobe) oo uu wehliyo xoghayaha Guddiga Olimbikada Soomaaliyeed Duraan Axmed Faarax ayaa caawa kulan aad xasaasi u ahaa, loogana hadlayey horumarka sport ga Soomaaliyeed magaalada London kula qaatay tiro ka mid ah bahwaynta sport ga ee UK.

2013-04-05 8:10 AM EST
Wararka ka imaanaya magaalada Gaarisa ayaa sheegaya in 3 qof ay ku dhinteen kadib markii bam gacmeed lala beegsaday meel dukaan ah oo ay dad wax ka iibsanayeen.

2013-04-05 7:25 AM EST
Jimco, April 05, 2013 (HOL) - Jimciyada quruumaha ka dhexaysa ayaa ugu baaqday Soomaaliya in la adkeeyo soo celinta haybadii garsoorka, si loo soo afjaro tacadiyada aan kala go’a lahayn ee loo gaysto haweenka .

2013-04-05 6:54 AM EST
Jimco, April 05, 2013 (HOL) - Ra'iisal Wasaaraha Xukuumada Federaalka ah ee Soomaaliya Cabdi Faarax Shirdoon Saacid oo ay weheliso Marwadiisa Xildhibaan Caasho Xaaji Cilmi ayaa maanta waxaa qado sharaf u sameeyay Ra'iisal Wasaaraha dalka Jabuuti Mudane Cabdulqaadir Maxamed Kaamil.