2014-04-17
Today from Hiiraan Online:  _
Wararka Maanta- Khamiis, Apr 4 , 2013
Shirweynaha Dib u Habeynta Garsoorka oo Maalintii Afaraad Galay & Guddiyo Booqday Xabsiga Dhexe iyo Maxkamadaha (SAWIRRO)


Khamiis, Abriil 04, 2013 (HOL) — Guddiyadii ay iska dhex-doorteen ergada ka qaybgalaysa Shirweynaha heer looga tashanayo dib u habeynta garsoorka dalka ayaa maanta si saraaxad leh looga dooday talooyin ay aragti ahaan u soo jeediyeen guddiyadii afarta ahaa ee loo xil-saaray inay kasoo talabixiyaan arrimo la xiriira qawaaniinta iyo qaab dhismeedka garsoorka Soomaaliya kuwaasoo muddadii labada maalmood ee lasoo dhaafay ay ka doodayeen.

Xubno ka tirsan guddiyada matalaya ergada ayaa soo booqday maanta xabsiga dhexe ee Xamar; iyagoo warbixin ku saabsan xaaladda xabsiga iyo sida loola dhaqmo maxaabiista ka dhageystay taliyaha ciidanka asluubta Soomaaliyeed iyo taliyaha xabsiga dhexe.

Sidoo kale, guddiyadu waxay kormeereen xarumaha ay ku shaqeeyaan maxkamadaha gobolka Banaadir, racfaanka iyo ciidamada qalabka sida ee Soomaaliya, iyagoo warbixino ku saabsan sida ay u shaqeeyaan ka dhageystay guddoomiyeyaasha maxkamadahaas.

Xubnaha guddiyada oo warbixin galabta siinayay ergada ayaa sheegay inay kusoo arkeen xafiisyada ay booqdeen ee maxkmadaha burbur xooggan oo soo gaaray qalabka ay ku shaqeynayaan isla markaana guddiga loo sheegay in qalabka qaarkiis uu yahay qalabkii lagu shaqeynayay 22-sano ka hor.

Gebagebada shirka oo ku beegan maalinta Jimcada ee berri oo ay taariikhdu ku began tahay 5-ta Abriil, 2013, ayaa la filayaa in laga soo saaro war-murtiyeed ay u dhan yihiin dhammaan ergada mataleysa ummadda Soomaaliyeed ee ka qaybgalaysa shirweynaha Qaran ee dib u eegista garsoorka dalka.







Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-04-04 12:44 PM EST
Madaxweynaha cusub ee Kenya Uhuru Kenyatta ayaa xafiiskiisa ku qaabilay danjiraha dalka Soomaaliya u jooga Kenya Maxamed Cali Nuur Ameeriko.

2013-04-04 9:08 AM EST
Khamiis, Abriil 04, 2013 (HOL) — Ra'iisul wasaaraha Somalia, Cabdi Faarax Shirdoon Saacid ayaa maanta ka guddoomay dowladda Jabuuti gaadiid ay ugu deeqday ciidamada xoogga dalka Soomaaliyeed, kuwaasoo ay ku jiraan kuwo ciidamada xambaara.

2013-04-04 1:15 AM EST
Khamiis, Abriil 04, 2013 (HOL) — Dowladda Kenya ayaa sheegtay in cutub ka mid ah ciidamadeeda qaybta ka ah AMISOM ay kala baxayso koonfurta Soomaaliya mar halkaas la geeyo ciidamda ka socda dalka Sierra Leone.

2013-04-04 1:13 AM EST
Khamiis, Abriil 04, 2013 (HOL) — Ra’iisul wasaarihii dowladda KMG ahayd ee Soomaaliya, Cumar C/rashiid Cali Sharma’arke ayaa sheegay in dowladda federaalka Soomaaliya ay tahay inay taageerto shirka maamul u sameynta Jubbooyinka, maadaama shacabka ku nool gobolladaas ay go’aansadeen inay sameystaan maamul ay u dhan yihiin.

2013-04-04 1:11 AM EST
Khamiis, Abriil 04, 2013 (HOL) — Wakiilka Qaramada Midoobay ee ka hortagga galmada sharci-darrada ah, Saynab Hawa Bangura oo shalay booqasho ku timid Muqdisho ayaa sheegay inay dowladda Soomaaliya ka caawinayaan sidii lagu baabi’in lahaa kufsiga haweenka.