2014-04-20
Today from Hiiraan Online:  _
Wararka Maanta- Khamiis, Apr 4 , 2013
Qaramada Midoobay oo shaacisay inay Dowladda Soomaaliya ka Caawinayso baabi’inta Kufsiga loo geysto Haweenka


Khamiis, Abriil 04, 2013 (HOL) — Wakiilka Qaramada Midoobay ee ka hortagga galmada sharci-darrada ah, Saynab Hawa Bangura oo shalay booqasho ku timid Muqdisho ayaa sheegay inay dowladda Soomaaliya ka caawinayaan sidii lagu baabi’in lahaa kufsiga haweenka.

Bangura ayaa waxay kulan la qaadatay taliyaha ciidamada booliiska Soomaaliya, Jen. Shariif Sheekhunaa Maye iyo qaybo ka tirsan bulshada rayidka ah, iyadoo ka dhageystay dhibaatooyinka loo geysto haweenka oo uu ka mid yahay kufsiga.

“Waxaan go’aansaday inaan safar ku imaado Soomaaliya, maxaa yeelay Soomaaliya waxay ka baxaysaa sannado badan oo colaado ay ka jireen. Halkan waxaan ka caddeynayaa in xafiiskeyga uu ka caawinayo dowladda Soomaaliya sidii loo baabi’in lahaa xadgudubyada haweenka loo geysto sida kufsiga,” ayay Bangura ku sheegtay shir jaraa’id oo ay ku qabatay xerada Xalane.

Iyadoo hadalkeeda sii wadata ayay tiri: “Xukuumadda waan kala hadlay arrintan, waxaana furmay wadashaqeyn looga hortagayo kufsiga lagula kaco haweenka. Runtiina taas waa tallaabo wanaagsan oo lagu yareynayo dhiba loo geysto haweenka Soomaaliyeed.”

Sidoo kale, waxay ka hadashay xariga loo geystay suxufi horay u shaaciyay warbixin ku saabsan kufsi loo gystay haweeney ku jira xero bakac, iyadoo sheegtay in taasi ay ahayd mid aan loo baahnayn, iyadoo wariyeyaasha ku boorrisay inay tabiyaan wararka ku saabsan arrintan, tasaoo ay sheegtay inay qayb tahay qorshaha lagu joojinayo kufsiga.

“Wariyeyaasha ka hadlaya, qoraya ama tabinaya sheekooyinkan oo kale waa mid fududeynaysa in la gaaro yoolka arrintan la doonayo in laga gaaro. Haddii aan la helin saxaafad xor ah iyo baaritaan dhab ah, ma gaaranayno hadafka aan arrintaan ka leenahay,” ayay tiri Hawa Bangura.

Ugu dambeyn, sarkaaladdu waxay sheegtay in xafiiskeeda ay u soo sarayso Soomaaliya marka la gaaro July 2013, si ay uga barbar shaqeeyaan taliska booliiska Soomaaliya iyo midka milateriga si loo siiyo ciidamada tababarro ku saabsan ka hortagga kufsiga iyo colaadda ka dhanka ah haweenka.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-04-04 12:44 PM EST
Madaxweynaha cusub ee Kenya Uhuru Kenyatta ayaa xafiiskiisa ku qaabilay danjiraha dalka Soomaaliya u jooga Kenya Maxamed Cali Nuur Ameeriko.

2013-04-04 9:43 AM EST
Khamiis, Abriil 04, 2013 (HOL) — Guddiyadii ay iska dhex-doorteen ergada ka qaybgalaysa Shirweynaha heer looga tashanayo dib u habeynta garsoorka dalka ayaa maanta si saraaxad leh looga dooday talooyin ay aragti ahaan u soo jeediyeen guddiyadii afarta ahaa ee loo xil-saaray inay kasoo talabixiyaan arrimo la xiriira qawaaniinta iyo qaab dhismeedka garsoorka Soomaaliya kuwaasoo muddadii labada maalmood ee lasoo dhaafay ay ka doodayeen.

2013-04-04 9:08 AM EST
Khamiis, Abriil 04, 2013 (HOL) — Ra'iisul wasaaraha Somalia, Cabdi Faarax Shirdoon Saacid ayaa maanta ka guddoomay dowladda Jabuuti gaadiid ay ugu deeqday ciidamada xoogga dalka Soomaaliyeed, kuwaasoo ay ku jiraan kuwo ciidamada xambaara.

2013-04-04 1:15 AM EST
Khamiis, Abriil 04, 2013 (HOL) — Dowladda Kenya ayaa sheegtay in cutub ka mid ah ciidamadeeda qaybta ka ah AMISOM ay kala baxayso koonfurta Soomaaliya mar halkaas la geeyo ciidamda ka socda dalka Sierra Leone.

2013-04-04 1:13 AM EST
Khamiis, Abriil 04, 2013 (HOL) — Ra’iisul wasaarihii dowladda KMG ahayd ee Soomaaliya, Cumar C/rashiid Cali Sharma’arke ayaa sheegay in dowladda federaalka Soomaaliya ay tahay inay taageerto shirka maamul u sameynta Jubbooyinka, maadaama shacabka ku nool gobolladaas ay go’aansadeen inay sameystaan maamul ay u dhan yihiin.