2014-11-23
Today from Hiiraan Online:  _
Wararka Maanta- Talaado, Apr 30, 2013
Shir looga Hadlayay Xoojinta Xidhiidhka Iskaashi ee Somaliland iyo Itoobiya u dhexeeya oo lagu Qabatay Hargeysa


Talaado, Abriil 30, 2013 (HOL) — Shir lagaga hadlayo sidii loo xoojin lahaa xidhiidhka ganacsi ee ka dhexeeya Itoobiya iyo Somaliland, ayaa labadii maalmood ee u dambeeyey ka socday magaalada Hargeysa ee xarunta Somaliland.

Shirkan ayaa wax ka soo qaybgalay Agaaasimeyaal iyo maareeyaal ka socda dawladda Fadaraalka Itoobiya iyo dawlad deegaanka Soomaalidda Itoobiya iyo dhigoodda Somaliland kuwaas oo ka wada hadlayey sidii loo adkayn lahaa, isla markaana loo horumarin lahaa xidhiidhka ka dhexeeya labadda dhinac iyo sidii loo fududeyn lahaa ganacsiga iyo isku socodka xaga xuduudaha .

Shirkan ayaa waxa lagu qiimaynayey shirar ka horeeyey oo ka dhacay magaaladda Diridhaba ee Itoobiya, kuwaas oo kala saxeexday heshiishyo ay labadda dhinac ku wada shaqayn laaheeyeen, isla markaana iska kaashan lahaayeen ganacsiga iyo nabadgalyadaba.

Shirkan ayaa maanta la soo gabogabeeyey, waxaana lagu heshiiyey inay labadda dhinacba la wada dagaalamaan wixii kontorabaan ah iyo in labadda dhinac ganacsiga iyo isku socodka fududeeyaan, isla markaana Itoobiya alaabta uga soo dejin lahayd dekadda Berbera.

Wafdigan ka socday dalka Itoobiya, ayaa ka kooban 12-xubnood, waxaanay ka kala socdaan wasaaradaha: Arimaha dibadda, Ganacsiga, Maaliyadda, Gaadiidka, Wadooyinka,wax-barashada,biyaha, Hay’adda arrimaha dekadaha ee itoobiya iyo masuuliyiin ka socda dawlad deegaanka Soomaalida Itoobiya, halka Masuuliyiinta Somaliland ee shirkaasi ka qaybgashayna ka kala socdeen Wasaaradaha Howlaha-guud, wax-barashada, Maaliyada, Dekedda Berbera, iyo Baanka Somaliland.

Si kastaba ha ahaatee, waxa uu shirkani daba socday shir hore uga dhacay magaalada Diri-dhabe ee dalka Itoobiya, kuwaas oo soo saaray heshiish iskaashi oo  dhinacyada,Nabadgelyada, Isu socodka Ganacsiga iyo kor-u-qaadka dhaqaalaha labada wadan, iyo sidii ay dawladda itoobiya ay wax ugala soo degi lahayd Dekedda berbera ku heshiiyey.

Shirkan ayaa la sheegay inay labadda dhinac marka ay muddo joogaana dib u qiimayn doonaan qaabkay heshiiskaasi u socdo iyo wixii lagu kordhin karo in shirar dambe la iskugu yimaado.

Barkhad-ladiif M. Cumar, Hiiraan online
barkhadladiif@hiiraan.com
Hargeysa, Somaliland





Post your comments

2013-04-30 3:04 PM EST
Talaado, Abriil 30, 2013 (HOL) — Ra’iisul wasaaraha Soomaaliya, Cabdi Faraax Shirdoon (Saacid) ayaa munaasabada maalinta shaqaalaha adduunka ee 1-da May, 2013 oo berri ku aaddan wuxuu hambalyo u diray dhammaan shaqaalaha Soomaaliyeed.

2013-04-30 1:32 PM EST
Talaado, April 30, 2013(HOL)—Ururka Tamarta Bariga Afrika oo Kulliyaddii ugu ballaarneyd oo Injineernimo laga barto ka hirgelineysa Soomaaliya Kulliyado lagu barto cilmiga Injineeriyada.

2013-04-30 10:31 AM EST
Talaado, 29 April, 2013(HOL) :- Gudiga Dhismaha Masjidka Khadiim ee Magaalada Baladxaawo ayaa waxay ka warbixiyeen howsha Dhismaha Masjidkaasi oo ay sheegeen in haatan marayo wejigii labaad ee Dib u dhiska Masjidka oo howshiisa la bilaabay mudo haatan laga joogo ilaa labo Bil,waana Masjid laga doonayo ilaa Labo Dabaq in laga dhigo,iyadoo Dabaqii kowaadna la sheegayo in uu marayo meel dhexe.

2013-04-30 9:21 AM EST
Talaado, Abriil 30, 2013 (HOL) — Saraakiisha ciidamada booliiska maamulka gobollka Hiiraan ayaa ku soo bandhigay maanta magaalada Baladweyne ilaa Afar dhalinyarro ah oo sida ay sheegeen ka soo goosatay ama iska soo dhiibay kooxda Al-shabaab.

2013-04-30 8:33 AM EST
Talaado, Abriil 30, 2013 (HOL) — Ciidamada si gaar ah u tababaran iyo kuwa booliiska Soomaaliya ayaa maanta howgallo ka sameeyay qaybo ka mid ah magaalada Muqdisho, iyadoo saraakiisha booliiska ay sheegeen in lagu soo qabqabtay dad falal ammaan-darro kawaday Muqdisho.

2013-04-30 8:20 AM EST
Talaado, Abriil 30, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) iyo wafdi uu hoggaaminayo oo ku sugan dalka Turkiga ayaa la kulmay ardayda Soomaaliyeed ee wax ka barta dalkaas, isagoo uga jawaabay su’aalo ay weydiiyeen oo intooda badan ku saabsanaa xaaladda Soomaaliya iyo waxyaabaha dowladda u qabsoomay.

2013-04-30 6:57 AM EST
Talaado, Abriil 30, 2013 (HOL) — Ciidamada Puntland ayaa maanta duleedka magaalada Boosaaso ku toogtay 13-qof o ay ku jirtay haweeney, kuwaasoo la sheegay inay ka tirsanaayeen Al-shabaab qaarkoodna lagu helay inay ka dambeeyeen dilkii dhamamadkii sannadkii 2011 loogu geystay Boosaaso, Dr. Axmed Sheekh C/raxmaan oo ka mid ahaa culummada Puntland.

2013-04-30 6:25 AM EST
Talaado, 30 April, 2013 (HOL) :- Dagaalyahanno kaitrsan Al-shabaab ayaa xalay fiidkii weerar madaafiic ah kusoo qaaday saldhig ay ciidamada dowladda Soomaaliya iyo kuwa AMISOM ku lahaayeen duleedka garoonka diyaaradaha ee magaalada Kismaayo.

2013-04-30 1:55 AM EST
Talaado, Abriil 30, 2013 (HOL) — Macluushii Soomaaliya ku dhufatay 2011 ayaa la sheegay inay dishay 260,000 oo qof oo u badan caruur ay dad’oodu ka hoosayso shan sano, waxaana sidoo kale dadka ay dishay macluushaas u badan haween.

2013-04-30 12:57 AM EST
Talaado, Abriil 30, 2013 (HOL) — Xarakada Al-shabaab ayaa ciidammo soo dhameytay tababar kusoo bandhigtay deegaanka Ambareesa ee gobolka Shabeellada, hoose; waxaana ciidamadaas oo dhoola-tus dhigay ay wateen gaadiidka dagaalka iyo hub kala duwan.

2013-04-30 12:25 AM EST
Talaado, Abriil 30, 2013 (HOL) — Guddoomiyaha Baarlamaanka Soomaaliya, Prof. Maxamed Sheekh Cismaan (Jawaari) oo wafdi uu hoggaaminayo oo ku sugan dalka Turkiga ayaa la kulmay Isniintii shalay ahayd dhiggiisa iyo sidoo kale madaxweynaha Turkiga, iyadoo guddoomiyuhu uu booqday goobo ku yaalla magaalada Ankara ee xarunta Turkiga.