2014-10-20
Today from Hiiraan Online:  _
Wararka Maanta- Talaado, Apr 30, 2013
Dhallinyarro ka soo goosatay Al-shabaab oo lagu soo Bandhigay Magaalada Baladweyne ee Gobolka Hiiraan (SAWIRRO)



Talaado, Abriil 30, 2013 (HOL) — Saraakiisha ciidamada booliiska maamulka gobollka Hiiraan ayaa ku soo bandhigay maanta magaalada Baladweyne ilaa Afar dhalinyarro ah oo sida ay sheegeen ka soo goosatay ama iska soo dhiibay kooxda Al-shabaab.

Taliyaha qeybta booliiska saldhiga magaalada Baladweyne Col Cali Dhuux Cabdi Mahad Alle oo warbaahinta kula hadllay gudaha saldhiga booliiska oo lagu soo bandhiga dhalinyarrada ayaa sheegay in raggan ka tirsanaayeen  mudo dheer kooxda Al-shabaab, hasse ahaateen markii danbe goosteen in ay isaga soo baxaan.

''Dhallinyarada aad u jeedaan waxaa ay mudo dheer ka tirsanayeen kooxda Al-shabaab, iskooda yeey u go'aasadeen in ay isaga soo baxaan Al-shabaab, iyaga oo isku soo dhiibay maamulka gobollka Hiiraan, kadib markii ay ka war helleen cafas horay maamulka gobollka ugu fidiyay dhalinyarrada ka tirsan kooxda,'' ayuu yiri Col Cali Dhuux Cabdi Mahad Alle.

Qaar ka mid ah dhalinyarrada isa soo dhiibtay oo ka kala yimid deegaanno kala duwan oo ka tirsan gobollada dalka Soomaaliya, ayaa sheegay in mudo dheer ay ka tirsanaayeen kooxda Al-shabaab, qaarkoodna waxaa ay sheegeen in ay ka qeyb-qaateen dagaallo dhowr ah oo ka dhacay qeybo ka mid ah gobollada bartamaha iyo koonfurta Soomaaliya.

''Waxaan ka soo goostay degmada Ceel-barde gobollka Bakool, in mudo ahna waxaa ka tirsanaa Al-shabaab, annaga ayaa go'aan ku gaaray in aan isaga tago kooxdaas, kadib markii aan ku qanci waayay falalka ay ku kacayaan,'' ayuu yiri mid ka mid ah dhalinyarrada la soo bandhigay.

Ma'aha markiii ugu horeysay oo maamulka gobollka Hiiraan sidan oo kale soo bandhigay dhalinyarro iska soo dhiibtay kooxda Al-shabaab.

C/raxmaan Diini, Hiiraan Online
diini@hiiraan.com
Baladweyne, Soomaaliya





Post your comments

2013-04-30 3:04 PM EST
Talaado, Abriil 30, 2013 (HOL) — Ra’iisul wasaaraha Soomaaliya, Cabdi Faraax Shirdoon (Saacid) ayaa munaasabada maalinta shaqaalaha adduunka ee 1-da May, 2013 oo berri ku aaddan wuxuu hambalyo u diray dhammaan shaqaalaha Soomaaliyeed.

2013-04-30 1:32 PM EST
Talaado, April 30, 2013(HOL)—Ururka Tamarta Bariga Afrika oo Kulliyaddii ugu ballaarneyd oo Injineernimo laga barto ka hirgelineysa Soomaaliya Kulliyado lagu barto cilmiga Injineeriyada.

2013-04-30 11:46 AM EST
Talaado, Abriil 30, 2013 (HOL) — Shir lagaga hadlayo sidii loo xoojin lahaa xidhiidhka ganacsi ee ka dhexeeya Itoobiya iyo Somaliland, ayaa labadii maalmood ee u dambeeyey ka socday magaalada Hargeysa ee xarunta Somaliland.

2013-04-30 10:31 AM EST
Talaado, 29 April, 2013(HOL) :- Gudiga Dhismaha Masjidka Khadiim ee Magaalada Baladxaawo ayaa waxay ka warbixiyeen howsha Dhismaha Masjidkaasi oo ay sheegeen in haatan marayo wejigii labaad ee Dib u dhiska Masjidka oo howshiisa la bilaabay mudo haatan laga joogo ilaa labo Bil,waana Masjid laga doonayo ilaa Labo Dabaq in laga dhigo,iyadoo Dabaqii kowaadna la sheegayo in uu marayo meel dhexe.

2013-04-30 8:33 AM EST
Talaado, Abriil 30, 2013 (HOL) — Ciidamada si gaar ah u tababaran iyo kuwa booliiska Soomaaliya ayaa maanta howgallo ka sameeyay qaybo ka mid ah magaalada Muqdisho, iyadoo saraakiisha booliiska ay sheegeen in lagu soo qabqabtay dad falal ammaan-darro kawaday Muqdisho.

2013-04-30 8:20 AM EST
Talaado, Abriil 30, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) iyo wafdi uu hoggaaminayo oo ku sugan dalka Turkiga ayaa la kulmay ardayda Soomaaliyeed ee wax ka barta dalkaas, isagoo uga jawaabay su’aalo ay weydiiyeen oo intooda badan ku saabsanaa xaaladda Soomaaliya iyo waxyaabaha dowladda u qabsoomay.

2013-04-30 6:57 AM EST
Talaado, Abriil 30, 2013 (HOL) — Ciidamada Puntland ayaa maanta duleedka magaalada Boosaaso ku toogtay 13-qof o ay ku jirtay haweeney, kuwaasoo la sheegay inay ka tirsanaayeen Al-shabaab qaarkoodna lagu helay inay ka dambeeyeen dilkii dhamamadkii sannadkii 2011 loogu geystay Boosaaso, Dr. Axmed Sheekh C/raxmaan oo ka mid ahaa culummada Puntland.

2013-04-30 6:25 AM EST
Talaado, 30 April, 2013 (HOL) :- Dagaalyahanno kaitrsan Al-shabaab ayaa xalay fiidkii weerar madaafiic ah kusoo qaaday saldhig ay ciidamada dowladda Soomaaliya iyo kuwa AMISOM ku lahaayeen duleedka garoonka diyaaradaha ee magaalada Kismaayo.

2013-04-30 1:55 AM EST
Talaado, Abriil 30, 2013 (HOL) — Macluushii Soomaaliya ku dhufatay 2011 ayaa la sheegay inay dishay 260,000 oo qof oo u badan caruur ay dad’oodu ka hoosayso shan sano, waxaana sidoo kale dadka ay dishay macluushaas u badan haween.

2013-04-30 12:57 AM EST
Talaado, Abriil 30, 2013 (HOL) — Xarakada Al-shabaab ayaa ciidammo soo dhameytay tababar kusoo bandhigtay deegaanka Ambareesa ee gobolka Shabeellada, hoose; waxaana ciidamadaas oo dhoola-tus dhigay ay wateen gaadiidka dagaalka iyo hub kala duwan.

2013-04-30 12:25 AM EST
Talaado, Abriil 30, 2013 (HOL) — Guddoomiyaha Baarlamaanka Soomaaliya, Prof. Maxamed Sheekh Cismaan (Jawaari) oo wafdi uu hoggaaminayo oo ku sugan dalka Turkiga ayaa la kulmay Isniintii shalay ahayd dhiggiisa iyo sidoo kale madaxweynaha Turkiga, iyadoo guddoomiyuhu uu booqday goobo ku yaalla magaalada Ankara ee xarunta Turkiga.