2014-09-01
Today from Hiiraan Online:  _
Wararka Maanta- Talaado, Apr 30, 2013
Guddoomiyaha Baarlamaanka Soomaaliya oo Ankara kula Kulmay Dhiggiisa iyo Madaxweynaha Turkiga (SAWIRRO)



Talaado, Abriil 30, 2013 (HOL) — Guddoomiyaha Baarlamaanka Soomaaliya, Prof. Maxamed Sheekh Cismaan (Jawaari) oo wafdi uu hoggaaminayo oo ku sugan dalka Turkiga ayaa la kulmay Isniintii shalay ahayd dhiggiisa iyo sidoo kale madaxweynaha Turkiga, iyadoo guddoomiyuhu uu booqday goobo ku yaalla magaalada Ankara ee xarunta Turkiga.

Kulammada ka hor ayaa guddoomiyaha baarlamaanka iyo wafdigiisa waxay booqdeen qabriga uu ku aasanyahay madaxweynihii hore ee dalka Turkiga, Mustafa Kamaal Ataturk halkaasoo uu guddoomiyuhu dhigay ubax.

Prof. Jawaari iyo wafdigiisa ayaa kormeer ku tageen dhismaha safaaradda Soomaaliya ee magaalada Ankara iyadoo guddoomiyaha iyo wafdigiisa ay warbixinno ka dhagesyteen howlwadeennada safaaradda oo uu horkacayay safiirka Soomaaliya u fadhiya Turkiga, Maxamed Mursal Sheekh C/raxmaan.

Guddoomiyaha baarlamaanka federaalka Soomaaliya, Jawaari  ayaa aad u ammaanay qaabka ay u shaqeyso safaaradda Soomaaliya ee dalka Turkiga; wuxuuna ku boorriyay mas’uuliyiinta iyo howlwadeennada safaaradda inay howlahooda u gutaan si hagar la’aaneed ee ay ugu adeegayaan Soomaalida ay wakiilka u yihiin.

Intaasi kaddib, guddoomiyaha Jawaari ayaa tagay xarunta baarlamaanka Turkiga oo ku taala magaalada Ankara; wuxuuna kormeeray dhammaan qaybaha kala duwan ee uu ka kooban yahay dhismaha baarlamaanka; iyadoo guddoomiyuhu kulan gaar ah la qaatay dhigiisa dalkan Turkiga oo ay ka wadahadleen xiriirka labada dal iyo sidii ay wada-shaqeyn joogta ah u dhex-mari lahayd baarlamaanka Soomaaliya iyo midka Turkiga.

Kulankaasi labada guddoomiye kaddib waxaa wafdiga guddoomiyaha loogu sameeyay qado sharaf xarunta baarlamaanka iyadoo qado sharaftaas ay ka qaybgaleen xildhibaannada baarlamaannada labada dal.

Sidoo kale, guddoomiyaha baarlamaanka federaalka ayaa booqday xarunta wasaaradaha Turkiga halkaasoo uu kula kulmay ra’iisul wasaare ku xigeenka dalkaas, Bakir Bozdag oo dowladda Turkiga u qaabilsan la socodka howlaha ay hay’adaha samafalka Turkigu ka wadaan Soomaaliya; waxaana Jawaari uu aad u ammaanay sida hagar la’aaneed ee ay walaalaha Turkigu u garab taagan yihiin shacbiga iyo dolwadda Soomaaliya.

Ugu dambeyn, guddoomiyaha baarlamaanka Somalia ayaa madaxtooyada Turkiga kula kulmay madaxweynaha dalkaas, Cabdalla Guul iyagoo kawada hadlay xiriirka labada dal iyo sidii loo adkeyn lahaa waxaana kulankaasi oo qaatay muddo saacado ah ay labada dhinac isku afgarteen in la sii xoojiyo cilaaqaadka iyo wadashaqeynta ay dowladda federaalka Soomaaliya la leedahay walaalaha Turkiga.












Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-04-30 3:04 PM EST
Talaado, Abriil 30, 2013 (HOL) — Ra’iisul wasaaraha Soomaaliya, Cabdi Faraax Shirdoon (Saacid) ayaa munaasabada maalinta shaqaalaha adduunka ee 1-da May, 2013 oo berri ku aaddan wuxuu hambalyo u diray dhammaan shaqaalaha Soomaaliyeed.

2013-04-30 1:32 PM EST
Talaado, April 30, 2013(HOL)—Ururka Tamarta Bariga Afrika oo Kulliyaddii ugu ballaarneyd oo Injineernimo laga barto ka hirgelineysa Soomaaliya Kulliyado lagu barto cilmiga Injineeriyada.

2013-04-30 11:46 AM EST
Talaado, Abriil 30, 2013 (HOL) — Shir lagaga hadlayo sidii loo xoojin lahaa xidhiidhka ganacsi ee ka dhexeeya Itoobiya iyo Somaliland, ayaa labadii maalmood ee u dambeeyey ka socday magaalada Hargeysa ee xarunta Somaliland.

2013-04-30 10:31 AM EST
Talaado, 29 April, 2013(HOL) :- Gudiga Dhismaha Masjidka Khadiim ee Magaalada Baladxaawo ayaa waxay ka warbixiyeen howsha Dhismaha Masjidkaasi oo ay sheegeen in haatan marayo wejigii labaad ee Dib u dhiska Masjidka oo howshiisa la bilaabay mudo haatan laga joogo ilaa labo Bil,waana Masjid laga doonayo ilaa Labo Dabaq in laga dhigo,iyadoo Dabaqii kowaadna la sheegayo in uu marayo meel dhexe.

2013-04-30 9:21 AM EST
Talaado, Abriil 30, 2013 (HOL) — Saraakiisha ciidamada booliiska maamulka gobollka Hiiraan ayaa ku soo bandhigay maanta magaalada Baladweyne ilaa Afar dhalinyarro ah oo sida ay sheegeen ka soo goosatay ama iska soo dhiibay kooxda Al-shabaab.

2013-04-30 8:33 AM EST
Talaado, Abriil 30, 2013 (HOL) — Ciidamada si gaar ah u tababaran iyo kuwa booliiska Soomaaliya ayaa maanta howgallo ka sameeyay qaybo ka mid ah magaalada Muqdisho, iyadoo saraakiisha booliiska ay sheegeen in lagu soo qabqabtay dad falal ammaan-darro kawaday Muqdisho.

2013-04-30 8:20 AM EST
Talaado, Abriil 30, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) iyo wafdi uu hoggaaminayo oo ku sugan dalka Turkiga ayaa la kulmay ardayda Soomaaliyeed ee wax ka barta dalkaas, isagoo uga jawaabay su’aalo ay weydiiyeen oo intooda badan ku saabsanaa xaaladda Soomaaliya iyo waxyaabaha dowladda u qabsoomay.

2013-04-30 6:57 AM EST
Talaado, Abriil 30, 2013 (HOL) — Ciidamada Puntland ayaa maanta duleedka magaalada Boosaaso ku toogtay 13-qof o ay ku jirtay haweeney, kuwaasoo la sheegay inay ka tirsanaayeen Al-shabaab qaarkoodna lagu helay inay ka dambeeyeen dilkii dhamamadkii sannadkii 2011 loogu geystay Boosaaso, Dr. Axmed Sheekh C/raxmaan oo ka mid ahaa culummada Puntland.

2013-04-30 6:25 AM EST
Talaado, 30 April, 2013 (HOL) :- Dagaalyahanno kaitrsan Al-shabaab ayaa xalay fiidkii weerar madaafiic ah kusoo qaaday saldhig ay ciidamada dowladda Soomaaliya iyo kuwa AMISOM ku lahaayeen duleedka garoonka diyaaradaha ee magaalada Kismaayo.

2013-04-30 1:55 AM EST
Talaado, Abriil 30, 2013 (HOL) — Macluushii Soomaaliya ku dhufatay 2011 ayaa la sheegay inay dishay 260,000 oo qof oo u badan caruur ay dad’oodu ka hoosayso shan sano, waxaana sidoo kale dadka ay dishay macluushaas u badan haween.

2013-04-30 12:57 AM EST
Talaado, Abriil 30, 2013 (HOL) — Xarakada Al-shabaab ayaa ciidammo soo dhameytay tababar kusoo bandhigtay deegaanka Ambareesa ee gobolka Shabeellada, hoose; waxaana ciidamadaas oo dhoola-tus dhigay ay wateen gaadiidka dagaalka iyo hub kala duwan.