2014-08-27
Today from Hiiraan Online:  _
Wararka Maanta- Isniin, Apr 29, 2013
Ciidamada Midowga Afrika (AMISOM) oo Fariisamo kala Wareegay Ciidanka Itoobiya ee ku sugan Magaaalada Baydhabo


Isniin, Abriil 29, 2013 (HOL) — Maalamahan waxaa magaalada Baydhabo ee gobolka bay soo gaarayay ciidamo ka tirsan kuwa Midowga Afirka ee AMISOM iyagoo ka imaanayay dhinaca magaalada Muqdisho ee xarunta Soomaaliya, ciidamadaas oo wata gaadiidka gaashaaman ayaa la wareegay fariisimo ay ku sugnaayeen ciidamada Itoobiya.

Ciidamada AMISOM ayaa markii ugu horreysay waxay gaareen meel ka baxsan Baydhabo ee la yiraahdo Goof-gaduud-shabeelow oo qiyaastii 30-km dhinaca galbeed kaga beegan magaalada Baydhabo.

Goobtaas ayaa horay u ahayd fariisinka ugu weyn ee ay ciidamada Itoobiya ku leeyihiin gobolka Bay, iyadoo tani qayb ka noqonayso goobihii ay isaga baxayeen ciidamada Itoobiya fariisimihii ay ku lahaayeen ee goballada Bay iyo Bakool.

Ciidamada AMISOM ayaa la wareegay maanta gabi ahaan fariisimihii ay ku sugnaayeen ciidamada Itoobiya ee duleedka Baydhabo; taasoo degmada Diinsoor oo ka tisran gobolka bay ayna ka taliso Al-shabaab u jirta 95-km oo keliya.

Fariisimahan ay la wareegtay AMSIOM ayaa waxay imaanayaa iyadoo dowladda Itoobiya ay sheegtay inay qorsheynayso inay la baxayso ciidanka kaga sugan gudaha Somalia, inkastoo madaxda Itoobiya ay arrintan siyaabo kala duwan uga hadleen.

Dhanka kale, dagaalkii ka dhacay deegaanka Ceelgaras ee gobolka Bakool ayaa la sheegay in lagu gubay markii u shidnaa xarunta shirkadda Hormuud ay ku leedahay deegaankaas, iyadoo noqonayso xaruntii saddexaad oo ay leedahay shirkadda Hormuud oo ku taalla gobolka Bakool oo waxyeelo loo geysto, waxaana dagaalkaas ku dhintay laba qof oo ka mid ah shacabka ku nool deegaankaas.

Shirkada Hormuud ayaa noqatay bartilmaameed la beegsado marka ay ka dhacaan dagaallada deegaannada gobolka Bakool, iyadoo horay loo beegsaday laba xarumood oo shirkaddu ay ku lahayd deegaannada Garas-weyne iyo Kulan-jareer oo ka mid ah deegaannada gobolka Bakool ee lagu dagaaamay toddobaad gudihiis.

Hiiraan Online, Baydhabo





Post your comments

2013-04-29 2:30 PM EST
Isniin, Abriil 29, 2013 (HOL) — Xoghayaha guud ee Qaramada Midoobay, Ban Ki-Moon ayaa u magacaabay Soomaaliya danjire cusub oo bedeli doona Augustine Phillip Mahiga oo saddex sano wakiil uga ahaa xoghayaha guud arrimaha Soomaaliya, gaar ahaan dhinaca siyaasadda.

2013-04-29 1:53 PM EST
Isniin, Abriil 29, 2013 (HOL) — Madaxweynaha Soomaaliya Xasan Sheekh Maxamuud oo waxyar kahor intii uusan galabta ka dhoofin magaalada Garoowe ee xarunta maamulka Puntland warbaahinta la hadlay, ayaa sheegay inuu ku faraxsan yahay booqashada uu kusoo gaarey Puntland.

2013-04-29 1:17 PM EST
Isniin, Abriil 29, 2013 (HOL) — Madaxweynaha Soomaaliya, Xasan Sheekh Maxamud iyo wafdi uu hoggaaminayay ayaa galabta soo gabagabeeyay socdaal shaqo oo labo maalmood qaatay oo ay ku joogeen xarunta Puntland ee Garoowe, isagoo dib ugu soo laabtay gellinkii dambe ee maanta magaalada Muqdisho.

2013-04-29 1:05 PM EST
Isniin, Abriil 29, 2013 (HOL) — Kaddib markii dowladda Federaalka ee Soomaaliya iyo maamulka Puntland oo 24-tii saac ee ugu dambeeyey magaalada Garoowe shirar gaar gaar ah ku lahaa ay isku mari waayeen arimo dhowr ah, ayaa waxaa soo baxaya warar hordhac ah oo sheegaya in Puntland aysan ka qayb geli doonin shirka arimaha Soomaaliya looga hadli doono ee dhowaan la filayo in uu ka dhaco magaalada London.

2013-04-29 12:35 PM EST
Isniin, Abriil 29, 2013 (HOL) — Madaxweynaha Puntland C/raxmaan Maxamed Maxamuud Faroole ayaa sheegay in dowladda Federaalka iyo maamulka Puntland oo galabta Garoowe ku shiray ay arimo dhowr ah isku mari waayeen.

2013-04-29 12:17 PM EST
Isniin, Abriil 29, 2013 (HOL) — Wasiirka Arrimaha gudaha Somaliland, Mr: Maxamed Nuur Caraale (Duur), oo maanta golaha Wakiiladda Horyimid ayaa ka warbixiyey saddexdii bilood ee ina dhaaftay wixii u qabsoomay, waxaanu sheegay inay ciidan badan oo boolis ah ay tobabaro aqoontooda kor loogu qaadayo usoo xidheen, isla markaana aanay wax amni daro ahi aanay deegaanka ka jirin.

2013-04-29 11:55 AM EST
Isniin, Abriil 29, 2013 (HOL) — Waxaa goor dhow soo gabagaboobey shir muddo saacado ah qaatay oo ay g Isniin, Abriil 29, 2013 (HOL) — Waxaa goor dhow soo gabagaboobey shir muddo saacado ah qaatay oo ay galabta magaalada Garoowe ku yeesheen wefdi uu horkacayo madaxIsniin, Abriil 29,

2013-04-29 8:09 AM EST
Isniin, Abriil 29, 2013 (HOL) — Golaha wasiirrada Soomaalya ayaa maanta kulan ay ku yeesheen Muqdisho ku meelmariyay magacaabista garyaqaanka guud ee dalka oo loo magacaabay, Dr. Cismaan Cilmi Guuleed, iyadoo ay si aqlabiyad ah isugu raaceen wasiirradii kulanka ka qaybgalay magacaabista garyaqaanka guud ee dalka.

2013-04-29 7:59 AM EST
Isniin, Abriil 29, 2013 (HOL) — Wasiirka Wasaaradda Diinta iyo Aw-qaafta Somaliland Sheekh Khaliil Cabdilaahi Axmed, ayaa sheegay in falal dhaqan xumo ah oo aan hore u jiri jirin ay dalka ku soo badanayaan, isla markaana loo baahan in wax laga qabto si umaddu u dhaqan guurin.

2013-04-29 6:56 AM EST
Isniin, Abriil 29, 2013 (HOL) — Ugu yaraan shan qof oo isugu jiray ciidankii dagaalamay iyo dad shacab ah ayaa ku dhintay dagaal ciidammo ka kala tirsan dowladda Soomaaliya iyo Al-shabaab ku dhexmaray deegaanno ku yaalla goblka Bakool.

2013-04-29 6:22 AM EST
Isniin, Abriil 29, 2013 (HOL) — Madaxweynaha Soomaaliya, Xasan Sheekh Maxamuud ayaa kulan ay albaabbadu u xiran yihiin kula leh magaalada Garoowe madaxweynaha Puntland, C/raxmaan Sheekh Maxmed Faroole, iyadoo wadahadllada labada madaxweyne ay socdaa muddo saacado ah.

2013-04-29 6:12 AM EST
Isniin, Abriil 29, 2013 (HOL) — Ururka Midowga Yurub iyo Mareykanka ayaa si adag u cambaareeyay dilkii Muqdisho loogu geystay toddobaadkii hore ku-xigeenka garyaqaanka guud ee dalka, Axmed Sheekh Nuur Macallin kaasoo ay mas’uuliyaddiisa sheegatay Xarakada Al-shabaab oo dagaal kula jirta dowladda Soomaaliya.