2014-09-02
Today from Hiiraan Online:  _
Wararka Maanta- Isniin, Apr 29, 2013
Shirkii Garoowe uga Socday Dowladda Federaalka Soomaaliya iyo Puntland oo Goor Dhow lasoo Gabgabeeyay



2013 (HOL) — Waxaa goor dhow soo gabagaboobey shir muddo saacado ah qaatay oo ay galabta magaalada Garoowe ku yeesheen wefdi uu horkacayo madaxweynaha Soomaaliya Xasan Sheekh Maxamuud –oo shalay Garoowe soo gaarey- iyo mas’uuliyiinta ugu sareysa maamulka Puntland.

Shirka oo ahaa mid ay warbaahintu dibadda ka joogtey, waxaa looga wada hadlay qodobbo dhowr ah oo ay kamid ahaayeen:
  •     Dib-u-heshiisiinta iyo soo celinta midnimada
  •     Mideynta ciidamada si loo dhiso ciidamo qaran oo xooggan.
  •     In la iska kaashado xoojinta ammaanka iyo nabad gelyada.
  •     In la dedejiyo dhismaha maamul goboleedyada si Federaalka loo dhaqan geliyo.
  •     In la socodsiiyo heshiiskii ay Maarso 11, 2013 dowladda Fderaalku iyo Puntland ay Garoowe ku kala saxiixdeen.
Inta badan qodobadan kor ku xusay aya ahaa kuwo ay labada dhinac si wanaagsan isula meel dhigeen, haseyeeshee waxaa jira qodobo kale oo ay isku afgaran waayeen.

Waxaana kamid ah kuwa doodda xoogan dhaliyey, ajendaha ay Soomaaliya la tegeyso, shirka bisha soo socota London loogu qabanayo dhinacyada Soomaalida iyo qorshaha maamulka loogu sameynayo gobollada Jubbooyinka.

Madaxweynaha Soomaaliya Xasan Sheekh Maxamuud iyo madaxweynaha Puntland oo kulanka kaddib si koban warbaahinta ula hadlay ayaa ka warbixiyey waxyaabihii ay kulankooda iskula soo qaadeen.

Madaxweyne Faroole oo hadalka ku horeeyey ayaa tilmaamay in inta badan qodobadii laga wada hadlay ay labada dhinac si fiican isugu afgarteen, haseyeeshee ay jiraan kuwo lagu kala ra’yi duwanaadey, balse lagu rajo weyn yahay in dib laga saxo.

Madaxweyne Xasan ayaa isna dhankiisa sheegay in jiraan arimo ay Puntland cabasho ka keentay oo uu kamid yahay wax-ka-bedel ay sheegtay in lagu sameeyey dastuurka, arintaasna waxa ka jira la isla arki doono.

Shirka kadib ayaa waxaa garoonka diyaaradaha ee magaalada Garoowe ka dhoofay wefdiga madaxweynaha dalka Xasan Sheekh Maxamuud, waxaana garoonka ku sagootiyey mas’uuliyiin sare oo ka tirsan maamulka Puntland.

Maxamed Salaad Xaaji Dirir, Hiiraan Online
xaajidirir@hiiraan.com
Puntland, Soomaaliya




Post your comments

2013-04-29 2:30 PM EST
Isniin, Abriil 29, 2013 (HOL) — Xoghayaha guud ee Qaramada Midoobay, Ban Ki-Moon ayaa u magacaabay Soomaaliya danjire cusub oo bedeli doona Augustine Phillip Mahiga oo saddex sano wakiil uga ahaa xoghayaha guud arrimaha Soomaaliya, gaar ahaan dhinaca siyaasadda.

2013-04-29 1:53 PM EST
Isniin, Abriil 29, 2013 (HOL) — Madaxweynaha Soomaaliya Xasan Sheekh Maxamuud oo waxyar kahor intii uusan galabta ka dhoofin magaalada Garoowe ee xarunta maamulka Puntland warbaahinta la hadlay, ayaa sheegay inuu ku faraxsan yahay booqashada uu kusoo gaarey Puntland.

2013-04-29 1:17 PM EST
Isniin, Abriil 29, 2013 (HOL) — Madaxweynaha Soomaaliya, Xasan Sheekh Maxamud iyo wafdi uu hoggaaminayay ayaa galabta soo gabagabeeyay socdaal shaqo oo labo maalmood qaatay oo ay ku joogeen xarunta Puntland ee Garoowe, isagoo dib ugu soo laabtay gellinkii dambe ee maanta magaalada Muqdisho.

2013-04-29 1:05 PM EST
Isniin, Abriil 29, 2013 (HOL) — Kaddib markii dowladda Federaalka ee Soomaaliya iyo maamulka Puntland oo 24-tii saac ee ugu dambeeyey magaalada Garoowe shirar gaar gaar ah ku lahaa ay isku mari waayeen arimo dhowr ah, ayaa waxaa soo baxaya warar hordhac ah oo sheegaya in Puntland aysan ka qayb geli doonin shirka arimaha Soomaaliya looga hadli doono ee dhowaan la filayo in uu ka dhaco magaalada London.

2013-04-29 12:55 PM EST
Isniin, Abriil 29, 2013 (HOL) — Maalamahan waxaa magaalada Baydhabo ee gobolka bay soo gaarayay ciidamo ka tirsan kuwa Midowga Afirka ee AMISOM iyagoo ka imaanayay dhinaca magaalada Muqdisho ee xarunta Soomaaliya, ciidamadaas oo wata gaadiidka gaashaaman ayaa la wareegay fariisimo ay ku sugnaayeen ciidamada Itoobiya.

2013-04-29 12:35 PM EST
Isniin, Abriil 29, 2013 (HOL) — Madaxweynaha Puntland C/raxmaan Maxamed Maxamuud Faroole ayaa sheegay in dowladda Federaalka iyo maamulka Puntland oo galabta Garoowe ku shiray ay arimo dhowr ah isku mari waayeen.

2013-04-29 12:17 PM EST
Isniin, Abriil 29, 2013 (HOL) — Wasiirka Arrimaha gudaha Somaliland, Mr: Maxamed Nuur Caraale (Duur), oo maanta golaha Wakiiladda Horyimid ayaa ka warbixiyey saddexdii bilood ee ina dhaaftay wixii u qabsoomay, waxaanu sheegay inay ciidan badan oo boolis ah ay tobabaro aqoontooda kor loogu qaadayo usoo xidheen, isla markaana aanay wax amni daro ahi aanay deegaanka ka jirin.

2013-04-29 8:09 AM EST
Isniin, Abriil 29, 2013 (HOL) — Golaha wasiirrada Soomaalya ayaa maanta kulan ay ku yeesheen Muqdisho ku meelmariyay magacaabista garyaqaanka guud ee dalka oo loo magacaabay, Dr. Cismaan Cilmi Guuleed, iyadoo ay si aqlabiyad ah isugu raaceen wasiirradii kulanka ka qaybgalay magacaabista garyaqaanka guud ee dalka.

2013-04-29 7:59 AM EST
Isniin, Abriil 29, 2013 (HOL) — Wasiirka Wasaaradda Diinta iyo Aw-qaafta Somaliland Sheekh Khaliil Cabdilaahi Axmed, ayaa sheegay in falal dhaqan xumo ah oo aan hore u jiri jirin ay dalka ku soo badanayaan, isla markaana loo baahan in wax laga qabto si umaddu u dhaqan guurin.

2013-04-29 6:56 AM EST
Isniin, Abriil 29, 2013 (HOL) — Ugu yaraan shan qof oo isugu jiray ciidankii dagaalamay iyo dad shacab ah ayaa ku dhintay dagaal ciidammo ka kala tirsan dowladda Soomaaliya iyo Al-shabaab ku dhexmaray deegaanno ku yaalla goblka Bakool.

2013-04-29 6:22 AM EST
Isniin, Abriil 29, 2013 (HOL) — Madaxweynaha Soomaaliya, Xasan Sheekh Maxamuud ayaa kulan ay albaabbadu u xiran yihiin kula leh magaalada Garoowe madaxweynaha Puntland, C/raxmaan Sheekh Maxmed Faroole, iyadoo wadahadllada labada madaxweyne ay socdaa muddo saacado ah.

2013-04-29 6:12 AM EST
Isniin, Abriil 29, 2013 (HOL) — Ururka Midowga Yurub iyo Mareykanka ayaa si adag u cambaareeyay dilkii Muqdisho loogu geystay toddobaadkii hore ku-xigeenka garyaqaanka guud ee dalka, Axmed Sheekh Nuur Macallin kaasoo ay mas’uuliyaddiisa sheegatay Xarakada Al-shabaab oo dagaal kula jirta dowladda Soomaaliya.