2014-09-02
Today from Hiiraan Online:  _
Wararka Maanta- Isniin, Apr 29, 2013
Dagaal Khasaare nafeed geystay oo Ciidamada Dowladda iyo Al-shabaab ku dhexmaray Deegaanno ka tisran Gobolka Bakool


Isniin, Abriil 29, 2013 (HOL) — Ugu yaraan shan qof oo isugu jiray ciidankii dagaalamay iyo dad shacab ah ayaa ku dhintay dagaal ciidammo ka kala tirsan dowladda Soomaaliya iyo Al-shabaab ku dhexmaray deegaanno ku yaalla goblka Bakool.

Dagaalladan ayaa waxaa la sheegay inay qarxeen kaddib markii ciidamada dowladda Soomaaliya ay weerar ku qaadeen deegaannadaas oo ay gacanta ku haysay Al-shabaab, iyadoo aan si dhab ah loo ogeyn khasaaraha dhaawac ee dagaalladaas ka dhashay.

“Ciidamada dowladda ayaa weerarka qaaday, waxaana u suurogashay inay ka saaraan Al-shabaab deegaannada lagu dagalaamay oo Garas-weyne uu ka mid yahay ciidamada dowldda ayaa qabsaday,” ayuu yiri guddoomiyaha gobolka Bakool, Maxamed Macallin oo la hadlay saxaafadda.

Goobjoogayaal ku sugan deegaannada ay dagaalladu ka dhaceen ayaa sidoo kale sheegay in dagaalladu ay socdeen muddo saacad ka badan, iyagoo aan sheegay in dadka deegaanku ay kala yaaceen markii dagaalku billowday.

“Laba qof oo shacab ah ayaa ku dhintay dagaalka, dhowr kalena dhaawacyo ayaa kasoo gaaray, inkastoo hadda ay xaaladdu deggen tahay haddana weli waxaa la maqlayaa rasaas dhacaysa,” ayuu yiri goobjooge ku sugan meel ka baxsan Ceel-garas oo la hadlay warbaahinta.

Xarakada Al-shabaab weli kama hadli dagaalka, iyadoo dagaalkan uu daba-socdo dagaal toddobaadkii hore ka dhacay isla deegaanno ka tirsan gobolka Bakool oo ay ka mid tahay Garas-weyne, iyadoo Al-shabaab ay sheegtay inay iska difaacday weerarradii lagu soo qaaday.

Gobolka Bakool oo intiisa badan ay ka taliso Al-shabaab ayaa Al-shabaab waxay dib ula wareegtay bsihii hore degmada Xudur oo ay muddo sannad ah ku sugnaayeen ciidamada dowaldda iyo kuwa Itoobiya oo caawinayay.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-04-29 2:30 PM EST
Isniin, Abriil 29, 2013 (HOL) — Xoghayaha guud ee Qaramada Midoobay, Ban Ki-Moon ayaa u magacaabay Soomaaliya danjire cusub oo bedeli doona Augustine Phillip Mahiga oo saddex sano wakiil uga ahaa xoghayaha guud arrimaha Soomaaliya, gaar ahaan dhinaca siyaasadda.

2013-04-29 1:53 PM EST
Isniin, Abriil 29, 2013 (HOL) — Madaxweynaha Soomaaliya Xasan Sheekh Maxamuud oo waxyar kahor intii uusan galabta ka dhoofin magaalada Garoowe ee xarunta maamulka Puntland warbaahinta la hadlay, ayaa sheegay inuu ku faraxsan yahay booqashada uu kusoo gaarey Puntland.

2013-04-29 1:17 PM EST
Isniin, Abriil 29, 2013 (HOL) — Madaxweynaha Soomaaliya, Xasan Sheekh Maxamud iyo wafdi uu hoggaaminayay ayaa galabta soo gabagabeeyay socdaal shaqo oo labo maalmood qaatay oo ay ku joogeen xarunta Puntland ee Garoowe, isagoo dib ugu soo laabtay gellinkii dambe ee maanta magaalada Muqdisho.

2013-04-29 1:05 PM EST
Isniin, Abriil 29, 2013 (HOL) — Kaddib markii dowladda Federaalka ee Soomaaliya iyo maamulka Puntland oo 24-tii saac ee ugu dambeeyey magaalada Garoowe shirar gaar gaar ah ku lahaa ay isku mari waayeen arimo dhowr ah, ayaa waxaa soo baxaya warar hordhac ah oo sheegaya in Puntland aysan ka qayb geli doonin shirka arimaha Soomaaliya looga hadli doono ee dhowaan la filayo in uu ka dhaco magaalada London.

2013-04-29 12:55 PM EST
Isniin, Abriil 29, 2013 (HOL) — Maalamahan waxaa magaalada Baydhabo ee gobolka bay soo gaarayay ciidamo ka tirsan kuwa Midowga Afirka ee AMISOM iyagoo ka imaanayay dhinaca magaalada Muqdisho ee xarunta Soomaaliya, ciidamadaas oo wata gaadiidka gaashaaman ayaa la wareegay fariisimo ay ku sugnaayeen ciidamada Itoobiya.

2013-04-29 12:35 PM EST
Isniin, Abriil 29, 2013 (HOL) — Madaxweynaha Puntland C/raxmaan Maxamed Maxamuud Faroole ayaa sheegay in dowladda Federaalka iyo maamulka Puntland oo galabta Garoowe ku shiray ay arimo dhowr ah isku mari waayeen.

2013-04-29 12:17 PM EST
Isniin, Abriil 29, 2013 (HOL) — Wasiirka Arrimaha gudaha Somaliland, Mr: Maxamed Nuur Caraale (Duur), oo maanta golaha Wakiiladda Horyimid ayaa ka warbixiyey saddexdii bilood ee ina dhaaftay wixii u qabsoomay, waxaanu sheegay inay ciidan badan oo boolis ah ay tobabaro aqoontooda kor loogu qaadayo usoo xidheen, isla markaana aanay wax amni daro ahi aanay deegaanka ka jirin.

2013-04-29 11:55 AM EST
Isniin, Abriil 29, 2013 (HOL) — Waxaa goor dhow soo gabagaboobey shir muddo saacado ah qaatay oo ay g Isniin, Abriil 29, 2013 (HOL) — Waxaa goor dhow soo gabagaboobey shir muddo saacado ah qaatay oo ay galabta magaalada Garoowe ku yeesheen wefdi uu horkacayo madaxIsniin, Abriil 29,

2013-04-29 8:09 AM EST
Isniin, Abriil 29, 2013 (HOL) — Golaha wasiirrada Soomaalya ayaa maanta kulan ay ku yeesheen Muqdisho ku meelmariyay magacaabista garyaqaanka guud ee dalka oo loo magacaabay, Dr. Cismaan Cilmi Guuleed, iyadoo ay si aqlabiyad ah isugu raaceen wasiirradii kulanka ka qaybgalay magacaabista garyaqaanka guud ee dalka.

2013-04-29 7:59 AM EST
Isniin, Abriil 29, 2013 (HOL) — Wasiirka Wasaaradda Diinta iyo Aw-qaafta Somaliland Sheekh Khaliil Cabdilaahi Axmed, ayaa sheegay in falal dhaqan xumo ah oo aan hore u jiri jirin ay dalka ku soo badanayaan, isla markaana loo baahan in wax laga qabto si umaddu u dhaqan guurin.

2013-04-29 6:22 AM EST
Isniin, Abriil 29, 2013 (HOL) — Madaxweynaha Soomaaliya, Xasan Sheekh Maxamuud ayaa kulan ay albaabbadu u xiran yihiin kula leh magaalada Garoowe madaxweynaha Puntland, C/raxmaan Sheekh Maxmed Faroole, iyadoo wadahadllada labada madaxweyne ay socdaa muddo saacado ah.

2013-04-29 6:12 AM EST
Isniin, Abriil 29, 2013 (HOL) — Ururka Midowga Yurub iyo Mareykanka ayaa si adag u cambaareeyay dilkii Muqdisho loogu geystay toddobaadkii hore ku-xigeenka garyaqaanka guud ee dalka, Axmed Sheekh Nuur Macallin kaasoo ay mas’uuliyaddiisa sheegatay Xarakada Al-shabaab oo dagaal kula jirta dowladda Soomaaliya.