2014-10-23
Today from Hiiraan Online:  _
Wararka Maanta- Axad, Apr 28, 2013
Hay’adda Camuud Foundation oo Deeq Buugaag ah Ku Wareejisay Maamulka Jaamacadda Hargeysa ee Somaliland (SAWIRRO)



Axad, Abriil 28, 2013 (HOL) — Hay’adda Camuud Foundation, ayaa maanta Jaamacadda Hargeysa ku wareejisay Buugaag ay ugu tallo gashay  inay ardayda jaamacaddaasi wax ka barataa wax ka akhristaan.

Munaasibad ballaadhan oo xarunta Jaamacadda Hargeysa loogu qabtay wareejinta Buugaagtan, ayaa waxa ka soo qayb galay Guddoomiyaha Jaamacadda Hargeysa Dr Cabdi Xuseen Gaas iyo Agaasimaha Fulinta ee Hay’adda Camuud Foundation Cabdiraxmaan Axmed Obsiiye Geeljire, waxaana si rasmi ah buugaagtaasi Camuud Foundation kala Guddoomiyaha Jaamacadda Hargeysa Dr Gaas.

Agaasimaha Fulinta ee Hay’adda Camuud Foundation C/raxmaan Axmed Obsiiye Geeljire oo ugu horrayn ka hadlay munaasibaddaasi, ayaa ku dheeraaday waxyaabaha kala duwan ee ay hay’adda Camuud qabato, isaga oo sheegay inay ka mid yihiin waxyaabaha ay qabtaan caawinta jaamacadaha iyo Goobaha ay dadka danyarta ahi ku noolyihiin, waxaanuu sheegay inay Buugaagtan ugu talo galeen inay ardayda jaamacadda Hargeysa wax ka bartaan oo ay aqoontooda kor ugu qaadaan.

Agaasimaha Hay’adda  Camuud C/raxmaan Axmed Obsiiye, waxa kale uu ugu baaqay dadweynaha reer Somaliland inay ku dadaalaan sidii ay u caawin lahaayeen Jamacadda Hargeysa oo soo saaraysa dhalinyaro aqoonyahano ah oo dalka iyo dadkaba anfici doona.

Guddoomiyaha Jaamacadda Hargeysa Dr Cabdi Xuseen Gaas oo ugu dambayntii ka hadlay munaasibaddaasi uu kula wareegayey buugaagtaasi, ayaa  uga mahad celyey Hay’adda Camuud Foundation deeqdan  buugaagta ah ee ay  ugu deeqday, isaga oo ugu baaqay dadweynaha iyo hay’adaha kale  inay ku daydaan Hay’addan oo ay soo caawiyaan jaamacadda Hargeysa.

Si kastaba ha ahaatee, ardayda jaamacada Hargeysa ayaa soo dhoweysay buugaagtan cilmiga ah ee loogu deeqay jaamacadoodda, gaar ahaan qaybta buugaagta lagu akhristo (Library-ga) .

Barkhad-Ladiif M. Cumar, Hiiraan Online
barkhadladiif@hiiraan.com
Hargeysa, Somaliland





Post your comments

2013-04-28 9:11 AM EST
Axad, Abriil 28, 2013 (HOL) — Dhismaha ciidamada iyo hagaajinta daqliga waa mudnaanta koowad ee maamulka cusub ee gobollka Hiiraan oo tan iyo markii uu la wareegay tallada xoogga saaray sidii dib u habeyn loogu sameyn lahaa ciidamada iyo nidaam-ka ama habka cashuur ururinta gobollka oo markii ugu horeysay howlwadeenada ka shaqeynaya lagu soo xushay aqoon iyo amaano.

2013-04-28 8:57 AM EST
Axad, Abriil 28, 2013 (HOL) — Madaxweynaha Soomaaliya iyo wafdi uu horkacayo oo ka kooban wasiirro iyo xildhibaanno ayaa maanta gaaray magaalada Garoowe ee xarunta Puntland, iyagoo halkaas kula kulmay madaxda Puntland oo uu ugu horreeyo C/raxmaan Faroole.

2013-04-28 8:41 AM EST
Axad, Abriil 28, 2013 (HOL) — Boqolaal qoys ayaa ku barakacay magaalada Buuhoodle kaddib markii daad xooggan ay kusoo rogmadeen kuwaasoo kaga yimid deegaannada galbeedka kaga aaddan magaaladaas.

2013-04-28 8:31 AM EST
Axad, Abriil 28, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta tallaabo dhiiri-gelin ah u sameeyay 1,000 askari oo ka mid ah ciidamada xoogga dalka kuwaasoo tabababar ku qaadanaya xerada Jaziira ee duleedka Muqdisho ku taalla.

2013-04-28 1:10 AM EST
Axad, Abriil 28, 2013 (HOL) — Shirweyne toddobaadyadii lasoo dhaafay uga socday golayaasha maamulka Khaatumo degmada Taleex ee gobolka Sool ayaa soo gabagaboobay; iyadoo ay kasoo bexeen qodobbo dhinacyo kala duwan taabanaya.

2013-04-28 12:44 AM EST
Axad, Abriil 28, 2013 (HOL) — Soomaalida ku nool gobolka Minnesota ee dalka Mareykanka ayaa la sheegay inay kaalinta shanaad ka galeen dadka ajnabiga ah ee qaba cudurka halista ah ee HIV/AIDS-ka, iyadoo dadka kasoo jeeda dalka ay kaalinta koowaad ka galeen dadka cudurkan halista ah qaba.

2013-04-28 12:27 AM EST
Axad, Abriil 28, 2013 (HOL) — Madaxweynaha dowladda federaalka Somalia, Xasan Sheekh Maxamuud iyo wafdi uu hoggaaminayo ayaa maanta oo Axad ah ku wajahan magaalada Garoowe ee xarunta Puntland, isagoo la kulmi doona madaxweynaha Puntland, C/raxmaan Sheekh Maxamed Faroole.