2014-07-26
Today from Hiiraan Online:  _
Wararka Maanta- Talaado, Apr 2 , 2013
Ergadii Shirka Kismaayo oo ansixisay Axdi KMG ah oo ay ku shaqeyn doonto Dowlad goboleedka Jubbaland [SAWIRRO]




Talaado, 2 April, 2013(HOL) :- Ergadii ka qeybqaadaneysay shirka la doonayo in maamul goboleed loogu dhiso sedexda gobo lee J/hoose J/dhexe iyo Gedo ayaa maanta ansixisay Axdi KMG ah oo ay ku shaqeyn doonto dowlad goboleedka loogu magic daray Jubbaland ee la filayo in loo dhiso gobollada Jubooyinka.

Sida ay warbaahinta u xaqiijiyeen gudiga farsamada shirka maamul u sameytna Jubooyinka Axdigan KMG ayaa qoristiisa la bilaabay bishii 8-aad ee sanadkii tagay, waxa uuna ka koobanyahay shan cutub iyo 50 qodob.

Ergada ka qeybqaadaneysay shirka ayaa loo qeybiyay axdiga KMG ee Jubbaland shalay gelinkii danbe, waxaana saaka loo fariistay cod u qaadidda axdigan oo la filayo in lagu maamulo gobollada Jubooyinka marka la dhiso maamul goboleedka Jubbaland.

Saaka ayay bilaabatay cod u qaadidda axdiga KMG, waxaa shirka goobjoog ka ahayd 870 Ergo oo ka kala socotay sedexda gobol, waxaana codeysay dhamaan ergadii goobta ku sugnayd, ma jirin cid diiday, sidoo kalena ma jirin cid ka aamustay.

“870 qof ayaa fadhida, 870-kuba way codeeyeen, wax ka aamusay ma jiro wax diidayna ma jiro, sidaas daraadeed maanta oo bisha April laba tahay, waxaan cadeeynayaa anigoo ah shir gudoonkii shirka, in ay dhalatay dowladdii Jubbaland,” sidaa goobta ka aqriyay Macalin Max’ed oo ah gudoomiyaha gudiga qabanqaabada, ahaana shirgudoonkii shirka.

Ansixinta dastuurka kadib ayaa waxaa goobata ka hadlay masuuliyiin sar sare oo katirsan maamulka KMG ee Kismaayo, siyaasiyiin, haween iyo odoyaal, waxaana dhamaantoodba ay muujiyeen dareenkooda ku aadan sida ay ugu faraxsanyihiin ansixinta axdiga KMG ee Jubbaland.

Ra’isul wasaarihii hore ee Soomaaliya Cumar C/rashiid Cali Sharmaake oo isna goobta ka hadlay ayaa u hambalyeeyay ergadii codka kalsoonida siisay axdiga KMG, wuxuuna sheegay in shirkan la geliyay naf iyo maal sidii uu u miro dhali lahaa, wuxuuna kula dardaarmay ergada ina y sii ambaqaadaan qeybaha ka harsan dhismaha dowlad goboleedka Jubbaland.

Ansixinta axdigan KMG ee la filayo in lagu maamulo dowlad goboleedka la doonayo in loo sameeyo gobollada Jubooyinka ayaa kusoo beegmeysa xilli xukuumadda Soomaaliya ay dhawaan maamul u dhistay gobolka Gedo oo kamid ah sedexda gobol ee la isku yiraahdo Jubooyinka.

 





Xasan Nuur, Hiiraan Online
Hnur@hiiraan.com
Kismaayo-Soomaaliya.





Post your comments

2013-04-02 8:56 AM EST
Talaado, Abriil 02, 2013 (HOL) — Shirweynaha Qaran ee wadatashiga garsoorka Soomaaliya oo maalintii laabad si toos ah uga socda magaalada Muqdisho, kaasoo ay ka qaybgaleen guddoomiyaha Baarlamanaka, Prof. Maxamed Sheekh Cusmaan Jawaari, guddoomiyaha maxkamadda sare, Avv. Ceydiid Ilkaxanaf, xeer ilaaliyaha guud ee Qaranka iyo dhammaan rrgada mataleysa dadka Soomaaliyeed ee shirka lagu casuumay.

2013-04-02 8:23 AM EST
Talaado, Abriil 02, 2013 (HOL) — Ururka Qareenadda Somaliland, ayaa ugu baaqay golaha Wakiiladda inay sameeyaan xeerka mihnadda qareenimo lagu nidaamiyo oo tayo leh si loo helo cadaalad iyo xeer madax banaan oo waafaqsan xeerarka caalamka.

2013-04-02 8:14 AM EST
Talaado, Abriil 02, 2013 (HOL) — Taliyaha ciidamada AMSIOM, Jen. Andrew Gutti ayaa sheegay in ciidamadooda iyo kuwa dowladda Soomaaliya oo is-garabsanaya ay ku guuleysteen inay furaan waddada isku xirta Muqdisho iyo Baydhabo oo dhirirkeedu yahay 241-km.

2013-04-02 7:55 AM EST
Talaado, Abriil 02, 2013 (HOL) — Kooxo hubeysan ayaa ku toogtay gudaha degmada Gaarisa ee gobolka Waqooyi-bari ee dalka Kenya lab aka mid ah ciidamada dharka cad ee booliiska Kenya, iyagoo isla weerarkaas dhaawac ugu geystay mid kale.

2013-04-02 6:27 AM EST
Talaado, Abriil 02, 2013 (HOL) — Maalintii Axadda ahayd ee lasoo dhaafay ayaa waxaa (31 Maarso, 2013), waxaa lagu soo gaba-gaboobay tartankii 13- aad ciyaaraha kubadda cagta ee Indoor Soccer Cup magaalada Columbus ee gobolka Ohio.

2013-04-02 2:19 AM EST
Talaado, Abriil 02, 2013 (HOL) — Culummaa’uddiinka Ahlusunna Waljamaaca oo ka mid ah maamullada uu xiriirka wanaagsan kala dhexeeyo dowladda Soomaaliya ayaa sheegay inaan lagu casuumin shirka looga tashanayo dib u habeynta garsoorka dalka.

2013-04-02 1:54 AM EST
Talaado, Abriil 02, 2013 (HOL) — Ciidammo ka tirsan kuwa AMISOM oo aad u fara badan ayaa shalay gallinkii dambe illaa xalay gaarayay magaaalada Baydhabo ee xarunta gobolka Bay, kuwaasoo maray dhinaca dhulka waxayna fariisimo ka sameysteen gudaha iyo duleedyada Baydhabo.