2014-10-31
Today from Hiiraan Online:  _
Wararka Maanta- Talaado, Apr 2 , 2013
Ergada ka Qeybgaleysa Shirweynaha dib loogu habeynayo Garsoorka Somalia oo loo Qaybiyay Afar Guddi Howleed (SAWIRRO)



Talaado, Abriil 02, 2013 (HOL) — Shirweynaha Qaran ee wadatashiga garsoorka Soomaaliya oo maalintii laabad si toos ah uga socda magaalada Muqdisho, kaasoo ay ka qaybgaleen guddoomiyaha Baarlamanaka, Prof. Maxamed Sheekh Cusmaan Jawaari, guddoomiyaha maxkamadda sare, Avv. Ceydiid Ilkaxanaf, xeer ilaaliyaha guud ee Qaranka iyo dhammaan rrgada mataleysa dadka Soomaaliyeed ee shirka lagu casuumay.

Ugu horreyn, waxaa khudbad ku saabsan kaalinta Baarlamanka kaga aaddan garsoorka ka jeediyay Prof. Jawaari oo ku tilmaamay shirka muhiimad u leh aayaha garsoorka dalka, isagoo rajo wanaagsan ka muujiyay in shirkan ay kasoo bixi doonaan qodobbo dhaxal-gal ah oo shacbiga Soomaaliyeed ay ku heli doonaan garsoor ku dhisan cadaalad.

“Waxaa muhiimad gaar ah leh inaan dhammaanteen isla garanno in la helo garsoor madax-bannaan, sharcigana uu yahay saldhigga awoodda dowladda, sidaas darteed waxaan talo kusoo jeedinayaa in lasoo uruuriyo dhammaan shuruucdii waddanka si loo helo keyd sharci oo ay ku cad yihiin qodobbada garsoorka,” ayuu Prof. Jawaari ku yiri khudbaddii uu ka jeediyay shirka.

Sidoo kale, guddoomiyaha maxkmadda sare, Ceydiid Ilkaxanaf oo ka hadlay Kulanka ayaa xusay in garsooraha Soomaaliyeed uu u baahan yahay inuu helo amni iyo dhaqaale ku filan si uu ugu cadaalad falo ummadda.



Wuxuu intaas ku daray in xabsiyada qaarkood ay xilligan ku jiraan dad xiran todobaad, bilooyin iyo sannado; kuwaasoo aan weli la horkeenin maxkmad loona baahan yahay in wax laga qabto.

Xeer ilaaliyaha guud ee Qaranka, C/qaadir Maxamed ayaa xusay in mararka qaar ay saraakiil ka tirsan ciidamada qalabka sida soo xiraan dad aan dambi lahayn kaddibna ay iyagu xabsiyada kasii daayaan shakhsiyaadkii ay rabaan; iyagoo wax maxkmad ah soo marsiin, sidaas awgeedna ay muhiim tahay in si qoto dheer looga fiirsado awoodda uu yeelanayo garsoorka Soomaaliya.

Guddiyadan loo qaybiyay ergada ka qaybgaleysa shirweynaha ayaa loo kala xil-saaray afar qodob oo muhiim ah kuwaasoo kala ah dhismaha hay’adaha cadaaladda, helitaanka cadaaladda iyo waxa muwaadinka Soomaaliyeed ka hortaagan inuu helo cadaalad, kaalinta ciidamada booliska iyo asluubta kaga aaddan maxaabiista ku jirta xabsiyada iyo xiriirka ay la leeyihiin muwaadiniinta, Jjinsiyadda iyo nidaamka cadaaladda iyo saameynta ay ku leeyihiin naafada iyo caruurta.

Tala soo jeedinta guddiyadan ayaa la filayaa inay soo gudbiyaan maalin kaddib oo lagu ballansan yahay in si saraaxad leh looga doodo.






Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-04-02 11:03 AM EST
Talaado, 2 April, 2013(HOL) :- Ergadii ka qeybqaadaneysay shirka la doonayo in maamul goboleed loogu dhiso sedexda gobo lee J/hoose J/dhexe iyo Gedo ayaa maanta ansixisay Axdi KMG ah oo ay ku shaqeyn doonto dowlad goboleedka loogu magic daray Jubbaland ee la filayo in loo dhiso gobollada Jubooyinka.

2013-04-02 8:23 AM EST
Talaado, Abriil 02, 2013 (HOL) — Ururka Qareenadda Somaliland, ayaa ugu baaqay golaha Wakiiladda inay sameeyaan xeerka mihnadda qareenimo lagu nidaamiyo oo tayo leh si loo helo cadaalad iyo xeer madax banaan oo waafaqsan xeerarka caalamka.

2013-04-02 8:14 AM EST
Talaado, Abriil 02, 2013 (HOL) — Taliyaha ciidamada AMSIOM, Jen. Andrew Gutti ayaa sheegay in ciidamadooda iyo kuwa dowladda Soomaaliya oo is-garabsanaya ay ku guuleysteen inay furaan waddada isku xirta Muqdisho iyo Baydhabo oo dhirirkeedu yahay 241-km.

2013-04-02 7:55 AM EST
Talaado, Abriil 02, 2013 (HOL) — Kooxo hubeysan ayaa ku toogtay gudaha degmada Gaarisa ee gobolka Waqooyi-bari ee dalka Kenya lab aka mid ah ciidamada dharka cad ee booliiska Kenya, iyagoo isla weerarkaas dhaawac ugu geystay mid kale.

2013-04-02 6:27 AM EST
Talaado, Abriil 02, 2013 (HOL) — Maalintii Axadda ahayd ee lasoo dhaafay ayaa waxaa (31 Maarso, 2013), waxaa lagu soo gaba-gaboobay tartankii 13- aad ciyaaraha kubadda cagta ee Indoor Soccer Cup magaalada Columbus ee gobolka Ohio.

2013-04-02 2:19 AM EST
Talaado, Abriil 02, 2013 (HOL) — Culummaa’uddiinka Ahlusunna Waljamaaca oo ka mid ah maamullada uu xiriirka wanaagsan kala dhexeeyo dowladda Soomaaliya ayaa sheegay inaan lagu casuumin shirka looga tashanayo dib u habeynta garsoorka dalka.

2013-04-02 1:54 AM EST
Talaado, Abriil 02, 2013 (HOL) — Ciidammo ka tirsan kuwa AMISOM oo aad u fara badan ayaa shalay gallinkii dambe illaa xalay gaarayay magaaalada Baydhabo ee xarunta gobolka Bay, kuwaasoo maray dhinaca dhulka waxayna fariisimo ka sameysteen gudaha iyo duleedyada Baydhabo.