2014-11-01
Today from Hiiraan Online:  _
Wararka Maanta- Talaado, Apr 2 , 2013
Ururka Qareennada Somaliland oo Golaha Wakiillada Somaliland ugu Baaqay in ay Sameeyaan Xeerka Qareenadda Somaliland


Talaado, Abriil 02, 2013 (HOL) — Ururka Qareenadda Somaliland, ayaa ugu baaqay golaha Wakiiladda inay sameeyaan xeerka mihnadda qareenimo lagu nidaamiyo oo tayo leh si loo helo cadaalad iyo xeer madax banaan oo waafaqsan xeerarka caalamka.

Garyaqaanadan ayaa sheegay in rusqad siinta looyarka ay xukuumaddu gacanta ku hayso, taas oo aan u madax banaanaan karin hawshiisa qareenimo, isla markaana mabaadiidda aasaasiga ah ee doorka qareenada ee qaramadda midoobay lagu aqoonsaday doorka halbawlaha ah ee uu leeyahay urur mihnadeedka qareenadda kor u qaadista heer beega iyo anshaxa mihnadda iyo hirgelinta cadaalada oo xukuumduhu ixtiraamaan madax banaanidda qareenadda.

Sidoo kale, waxay wasiirka Cadaaladda usoo jeediyeen inuu joojiyo dhaqangelinta xeerka dastuurka aan waafaqsanayn ee hor yaalla golaha Wakiiladda, kaas oo aanay raali ka ahayn maadaama oo madax banaanidda qareenadda ka hor imanayo. 

1. Waxaan ugu baaqaynaa golaha Wakiilada oo uu xeerka qareenaddu horyaal in ay dib u habayn balaadhan ku sameeyaan xeerkan, soo saaraan xeer mihnadda qareenimo lagu nidaamiyo oo tayo leh, dhamaystiran heer beegga caalamiga ah ee xuquuqda aadamaha iyo madax banaanidda mihnadda qareenimo waafaqsan.

2. waxaan ugu baaqaynaa guud ahaan xukuumadda, goleyaasha sharci deijnta iyo garsoorkaba in la aqoonsado doorka qareenadu cadaladda ay ku leeyihiin  lana ilaaliyo mabadiidda madax banaanida iyo xorriyadda mihnadda qareenimo.

3. waxaan ugu baaqaynaa wasiirka cadaaladda  joojinta dhaqangelinta xeerka dastuurka khilaafsan ee golaha Wakiiladda horyaal iyo farogelinta madax banaanida mihnadda qareenimo”ayaa lagu yidhi baaq laga soo saaray saddex qodob oo dabar ku ah madax banaanidda looyaradda.

Waxaana ku saxeexnaa Garyaqaan Yuusuf Kiric Cawad, Jaamac Cilmi Xaashi, Abuubakar Sh. Maxamuud.

Dhinaca kale, shir ay  yeesheen ururadda qareenada oo saddex cisho socday, ayaa lagu doortay gudoomiye cusub Garyaqaan: Foosi Sheikh Yoonis, ku xigeenna Xasan Cali Xasan, xoghayaha Maxamed Maxamuud Xaashi (Timo) iyo gole ka kooban 12 qof.

Barkhad-Ladiif M. Cumar, Hiiraan Online
barkhadladiif@hiiraan.com
Hargeysa, Somaliland





Post your comments

2013-04-02 11:03 AM EST
Talaado, 2 April, 2013(HOL) :- Ergadii ka qeybqaadaneysay shirka la doonayo in maamul goboleed loogu dhiso sedexda gobo lee J/hoose J/dhexe iyo Gedo ayaa maanta ansixisay Axdi KMG ah oo ay ku shaqeyn doonto dowlad goboleedka loogu magic daray Jubbaland ee la filayo in loo dhiso gobollada Jubooyinka.

2013-04-02 8:56 AM EST
Talaado, Abriil 02, 2013 (HOL) — Shirweynaha Qaran ee wadatashiga garsoorka Soomaaliya oo maalintii laabad si toos ah uga socda magaalada Muqdisho, kaasoo ay ka qaybgaleen guddoomiyaha Baarlamanaka, Prof. Maxamed Sheekh Cusmaan Jawaari, guddoomiyaha maxkamadda sare, Avv. Ceydiid Ilkaxanaf, xeer ilaaliyaha guud ee Qaranka iyo dhammaan rrgada mataleysa dadka Soomaaliyeed ee shirka lagu casuumay.

2013-04-02 8:14 AM EST
Talaado, Abriil 02, 2013 (HOL) — Taliyaha ciidamada AMSIOM, Jen. Andrew Gutti ayaa sheegay in ciidamadooda iyo kuwa dowladda Soomaaliya oo is-garabsanaya ay ku guuleysteen inay furaan waddada isku xirta Muqdisho iyo Baydhabo oo dhirirkeedu yahay 241-km.

2013-04-02 7:55 AM EST
Talaado, Abriil 02, 2013 (HOL) — Kooxo hubeysan ayaa ku toogtay gudaha degmada Gaarisa ee gobolka Waqooyi-bari ee dalka Kenya lab aka mid ah ciidamada dharka cad ee booliiska Kenya, iyagoo isla weerarkaas dhaawac ugu geystay mid kale.

2013-04-02 6:27 AM EST
Talaado, Abriil 02, 2013 (HOL) — Maalintii Axadda ahayd ee lasoo dhaafay ayaa waxaa (31 Maarso, 2013), waxaa lagu soo gaba-gaboobay tartankii 13- aad ciyaaraha kubadda cagta ee Indoor Soccer Cup magaalada Columbus ee gobolka Ohio.

2013-04-02 2:19 AM EST
Talaado, Abriil 02, 2013 (HOL) — Culummaa’uddiinka Ahlusunna Waljamaaca oo ka mid ah maamullada uu xiriirka wanaagsan kala dhexeeyo dowladda Soomaaliya ayaa sheegay inaan lagu casuumin shirka looga tashanayo dib u habeynta garsoorka dalka.

2013-04-02 1:54 AM EST
Talaado, Abriil 02, 2013 (HOL) — Ciidammo ka tirsan kuwa AMISOM oo aad u fara badan ayaa shalay gallinkii dambe illaa xalay gaarayay magaaalada Baydhabo ee xarunta gobolka Bay, kuwaasoo maray dhinaca dhulka waxayna fariisimo ka sameysteen gudaha iyo duleedyada Baydhabo.