2014-11-24
Today from Hiiraan Online:  _
Wararka Maanta- Isniin, Apr 1 , 2013
Somaliland oo sheegtay inay bilaabanayaan Wadahadalkii ay Soomaaliya kula jirtay iyo Turkiga oo Shirkaasi Qabanqaabinaysa


Isniin, Abriil 01, 2013 (HOL) — Xukuumadda Somaliland ayaa sheegtay in dowladda Turkigu ay qabanayso shir lagu sii ambaqadayo wadahadaladdii horay ugu billowday dowladda Soomaaliya iyo Somaliland kuwaasoo muddo ku jiray hakad.

 Wasiirka Arrimaha dibadda Somaliland  Dr:Maxamed Cabdilaahi Cumar oo mar dhowayd  shirjaraa’id ku qabtay magaalada Hargeysa, ayaa  shaaciyey in labo toddobaad gudahood  si rasmi ah u bilaabmi doono wadda hadaladdii u socday Somaliland iyo Soomaaliya, taas oo ay marti galinayso dawlada Turkiga.

“Dawladda turkiga ayaa casuumad u fidisay Somaliland iyo Soomaaliya oo ay ku marti qaaday inay wada hadaladdii u bilowday sanadkii hore dib loo bilaabo, marka shirkaasi ay qabanayso Turkigu aad baanu u soo dhoweynaynaa”ayuu yidhi wasiirka Arrimaha dibadda Somaliland, Maxamed Cabdilaahi Cumar oo ka hadlayey shirka loo qabanayo Somaliland iyo Soomaaliya.

“Muddo labadda tododbaad gudahood ayuu shirkaasi dhici doonno oo ay halkaasi laga anbo qaaddi doonaa wada hadaladii hore u dhex maray, iyadoo laga duulayo heshiishyaddii iyo baaqii ay beesha caalamku soo jeediyeen ee arrintaasi ku waajahnaa ”ayuu raaciyey hadalkiisa wasiirku.

Wasiirku waxa kale oo uu sheegay in qaabka uu shirku u socon doono ay isla qaadan doonaan labadda dhinac, isla markaana dhowaan ay ku kulmi doonaan dalka Turkiga oo iyadu qabanaysa  shirkaasi.

Si kastaba ha ahaaatee,  shirkan loo qabanayo labadda dhinac ayey xukuumadda Somaliland soo dhoweysay, inkastoo aanay wali shirkaasi ka hadal dawladdda Soomaaliya.

Barkhad-Ladiif  M. Cumar, Hiiraan Online
barkhadladiif@hiiraan.com
Hargeysa, Somaliland





Post your comments

2013-04-01 2:36 PM EST
Isniin, Abriil 01, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay in dhulkii ay dowladdu lahayd wixii ka horreeyay 1991-kii ay weli yihiin dhul ay dowladdu leedahay, isagoo sheegay in markii ay dowladdu u baahato aysan cidna u dhaafay.

2013-04-01 11:50 AM EST
Isniin, Abriil 01, 2013 (HOL) — Wafdi ka socda dalka Finland ayaa maanta soo gaaray Muqdisho, iyagoo la kulmay mas’uuliyiinta dowladda oo uu ka mid yahay madaxweyne Xasan Sheekh Maxamuud, waxanaa kulanka oo ka dhacay xarunta madaxtooyada looga hadlay intiisa badan iskaashiga iyo xiriirka u dhexeeya Somaaliya iyo Finland.

2013-04-01 9:58 AM EST
Isniin, Abriil 01, 2013 (HOL) — Wararka laga hellayo degmada Buula-burte ee xarunta gobolka Hiiraan ayaa sheegaya in dab xoogan khasaare hantiyeed geystay oo uu qabsaday goobo ganacsi oo ku yaala degmada.

2013-04-01 9:37 AM EST
Isniin, Abriil 01, 2013 (HOL) — Sarkaal ka tirsan ciidamada Uganda ee ka midka ah AMISOM ayaa sheegay inay gobolka Shabeellada Hoose ku dileen sarkaal sare oo ka tiranaa Xarakada Al-shabaab, kaasoo la socda gaadiid ay leedahay Al-shabaab oo marayay deegaanno ka tirsan Shabeellada Hoose.

2013-04-01 9:25 AM EST
Isniin, Abriil 01, 2013 (HOL) — Maxkamadda sare ee ciidamadda Milatariga Somaliland, ayaa xukunno kala duwan ku xukuntay koox dabley ahayd oo sanadkii hore soo weeraray xero ciidanku leeyahay.

2013-04-01 9:22 AM EST
Isniin, Abriil 01, 2013 (HOL) — Deeq lacageed ayaa lasoo gaarsiiyay qoys dan-yar ah oo gurigii ay galayeen ama deggenaayeen uu kaga gubtay magaalada Boorama ee gobolka Awdal, iyadoo qoyskaas ay kaalmo deg-deg ah weydiistay walaalahooda Soomaaliyeed.

2013-04-01 9:17 AM EST
Isniin, Abriil 01, 2013 (HOL) — Baarlamaanka Soomaaliya ayaa maanta u yeeray wasiirka arrimaha gudaha iyo amniga Qaranka si wax looga weydiiyo maydad lasoo dhigay waddooyinka Muqdisho, kuwaasoo la sheegay in laga baxay xabsiyo ku yaalla Muqdisho lana toogtay.

2013-04-01 9:10 AM EST
Isniin, Abriil 01, 2013 (HOL) —Ra’iisul wasaaraha Soomaaliya oo dib ugu soo laabtay Muqdisho kaddib socdaal laba maalmood qaatay oo uu ku tagay gobolka Gedo ayaa wuxuu soo saaray wareegto uu ku magacaabay maamul KMG ah oo uu yeesho gobolka Gedo.

2013-04-01 5:58 AM EST
Isniin, Abriil 01, 2013 (HOL) — Nin lagu magacaabo Cabdulaahi Cabdulqaadir Warsame oo muddo 19 maalmood ah afduub loogu haystey magaalada Garoowe ee xarunta maamulka Puntland, ayaa shalay dib xoriyadiisa u helay.

2013-04-01 5:55 AM EST
Isniin, Abriil 01, 2013 (HOL) — Ciidamada booliska ee degmada Garoowe ayaa gelinkii danbe ee shalay gacanta ku dhigay labo nin oo ka tirsanaa koox dabley ah oo asbuucii lasoo dhaafay fal-danbiyeed dhac iyo dil isugu jira ka geystey xarunta xawaaladda KAAH ee magaalada Boosaaso.

2013-04-01 5:48 AM EST
Isniin, Abriil 01, 2013 (HOL) — Madaxweyne Xasan Sheekh Maxamuud ayaa si rasmi ah u furay goor-dhaweyd shirweynaha dib u habeynta garsoorka dalka oo socon doona muddo shan maalmood ah, kaasoo looga hadlayo sida ugu habboon ee garsoorka loogu kalsoonaan karo.

2013-04-01 2:15 AM EST
Isniin, Abriil 01, 2013 (HOL) — Shirweyne qabashadiisa uu ku dhawaaqay madaxweynaha Soomaaliya, Xasan Sheekh Maxamuud bishii Feberaayo ee sannadkan oo looga tashanayo sidii dib u habeyn loogu sameyn lahaa garsoorka dalka ayaa manta ka furmaya Muqdisho.