2014-09-23
Today from Hiiraan Online:  _
Wararka Maanta- Isniin, Apr 1 , 2013
Ra’iisul Wasaaraha Xukuumadda Soomaaliya oo Maanta Maamul meel ku gaar ah u Magaacabay Gobolka Gedo (SAWIRRO)



Isniin, Abriil 01, 2013 (HOL) —Ra’iisul wasaaraha Soomaaliya oo dib ugu soo laabtay Muqdisho kaddib socdaal laba maalmood qaatay oo uu ku tagay gobolka Gedo ayaa wuxuu soo saaray wareegto uu ku magacaabay maamul KMG ah oo uu yeesho gobolka Gedo.

Guddoomiyaha gobolka Gedo ayaa waxaa loo magacaabay, Maxamed Cabdi Kaliil oo horay xilkan u hayay, iyadoo mas’uuliyiinta kale ee maamulka guud ee gobolka iyo kan degmooyinka lagu sheegay wareegtada in dib laga soo magacaabi doono.

Wareegtada ayaa la sheegay inay dhaqan-galayso marka uu saxiixo madaxweynaha Soomaaliya, Xasan Sheekh Maxamuud, iyadoo wareegtadan ay noqonayso tii ugu horreysay oo uu maamul KMG ah ugu sameeyo ra’iisul wasaaruhu gobolladii uu booqashada ku tagay bishii lasoo dhaafay.

Sidoo kale, ra’iisul wasaaraha Soomaaliya ayaa booqday maanta intii uusan kasoo duulin degmada Garbahaarey furumo ay ku sugan yihiin ciidammo ka tirsan kuwa dowladda Soomaaliya, isagoo ciidamadaas kula dardaarmay inay ka hortagaan kooxaha nabadda kasoo horjeeda.

Dhanka kale, dowladda Soomaaliya iyo ururka Ahlusunna Waljamaaca ee ku sugan gobolka Gedo ayaa waxay kala saxiixdeen heshiis ay qodobbadiisu ka mid ahaayeen in ciidamada maamulka Ahlusunna ee ku sugan gobolka Gedo la qarameeyo.

Heshiiskan ayaa waxaa dhinaca dowladda Soomaaliya u saxiixay wasiirka gaashaandhigga, C/xakiiin Maxamuud Xaaji Fiqi, iyadoo dhinaca Ahlusunna uu u saxiixay, Sheekh Maxamed Xuseen Al-Qaaddi, iyadoo heshiiskan uu ka mid noqonayo heshiisyo ay dowladdu la sameysatay Ahlusunna.

Ra’iisul wasaaraha Soomaaliya ayaa markii uu dib ugu soo laabtay Muqdisho waxaa garoonka diyaaradaha kusoo dhaweeyay dadweyne badna iyo xubno ka tirsan dowladda Soomaaliya oo isugu jiray wasiirro iyo xildhibaanno.








Maxamed Xaaji Xuseen, Hiiraan Online
maxuseen@hiiraan.com
Muqdisho,Soomaaliya





Post your comments

2013-04-01 2:36 PM EST
Isniin, Abriil 01, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay in dhulkii ay dowladdu lahayd wixii ka horreeyay 1991-kii ay weli yihiin dhul ay dowladdu leedahay, isagoo sheegay in markii ay dowladdu u baahato aysan cidna u dhaafay.

2013-04-01 2:06 PM EST
Isniin, Abriil 01, 2013 (HOL) — Xukuumadda Somaliland ayaa sheegtay in dowladda Turkigu ay qabanayso shir lagu sii ambaqadayo wadahadaladdii horay ugu billowday dowladda Soomaaliya iyo Somaliland kuwaasoo muddo ku jiray hakad.

2013-04-01 11:50 AM EST
Isniin, Abriil 01, 2013 (HOL) — Wafdi ka socda dalka Finland ayaa maanta soo gaaray Muqdisho, iyagoo la kulmay mas’uuliyiinta dowladda oo uu ka mid yahay madaxweyne Xasan Sheekh Maxamuud, waxanaa kulanka oo ka dhacay xarunta madaxtooyada looga hadlay intiisa badan iskaashiga iyo xiriirka u dhexeeya Somaaliya iyo Finland.

2013-04-01 9:58 AM EST
Isniin, Abriil 01, 2013 (HOL) — Wararka laga hellayo degmada Buula-burte ee xarunta gobolka Hiiraan ayaa sheegaya in dab xoogan khasaare hantiyeed geystay oo uu qabsaday goobo ganacsi oo ku yaala degmada.

2013-04-01 9:37 AM EST
Isniin, Abriil 01, 2013 (HOL) — Sarkaal ka tirsan ciidamada Uganda ee ka midka ah AMISOM ayaa sheegay inay gobolka Shabeellada Hoose ku dileen sarkaal sare oo ka tiranaa Xarakada Al-shabaab, kaasoo la socda gaadiid ay leedahay Al-shabaab oo marayay deegaanno ka tirsan Shabeellada Hoose.

2013-04-01 9:25 AM EST
Isniin, Abriil 01, 2013 (HOL) — Maxkamadda sare ee ciidamadda Milatariga Somaliland, ayaa xukunno kala duwan ku xukuntay koox dabley ahayd oo sanadkii hore soo weeraray xero ciidanku leeyahay.

2013-04-01 9:22 AM EST
Isniin, Abriil 01, 2013 (HOL) — Deeq lacageed ayaa lasoo gaarsiiyay qoys dan-yar ah oo gurigii ay galayeen ama deggenaayeen uu kaga gubtay magaalada Boorama ee gobolka Awdal, iyadoo qoyskaas ay kaalmo deg-deg ah weydiistay walaalahooda Soomaaliyeed.

2013-04-01 9:17 AM EST
Isniin, Abriil 01, 2013 (HOL) — Baarlamaanka Soomaaliya ayaa maanta u yeeray wasiirka arrimaha gudaha iyo amniga Qaranka si wax looga weydiiyo maydad lasoo dhigay waddooyinka Muqdisho, kuwaasoo la sheegay in laga baxay xabsiyo ku yaalla Muqdisho lana toogtay.

2013-04-01 5:58 AM EST
Isniin, Abriil 01, 2013 (HOL) — Nin lagu magacaabo Cabdulaahi Cabdulqaadir Warsame oo muddo 19 maalmood ah afduub loogu haystey magaalada Garoowe ee xarunta maamulka Puntland, ayaa shalay dib xoriyadiisa u helay.

2013-04-01 5:55 AM EST
Isniin, Abriil 01, 2013 (HOL) — Ciidamada booliska ee degmada Garoowe ayaa gelinkii danbe ee shalay gacanta ku dhigay labo nin oo ka tirsanaa koox dabley ah oo asbuucii lasoo dhaafay fal-danbiyeed dhac iyo dil isugu jira ka geystey xarunta xawaaladda KAAH ee magaalada Boosaaso.

2013-04-01 5:48 AM EST
Isniin, Abriil 01, 2013 (HOL) — Madaxweyne Xasan Sheekh Maxamuud ayaa si rasmi ah u furay goor-dhaweyd shirweynaha dib u habeynta garsoorka dalka oo socon doona muddo shan maalmood ah, kaasoo looga hadlayo sida ugu habboon ee garsoorka loogu kalsoonaan karo.

2013-04-01 2:15 AM EST
Isniin, Abriil 01, 2013 (HOL) — Shirweyne qabashadiisa uu ku dhawaaqay madaxweynaha Soomaaliya, Xasan Sheekh Maxamuud bishii Feberaayo ee sannadkan oo looga tashanayo sidii dib u habeyn loogu sameyn lahaa garsoorka dalka ayaa manta ka furmaya Muqdisho.