2014-09-19
Today from Hiiraan Online:  _
Wararka Maanta- Isniin, Apr 1 , 2013
Nin kasoo jeeda Gal-mudug oo Muddo Afduub ahaan loogu Haystey Garoowe oo dib Xoriyadiisa dib loogu soo celiyay


Isniin, Abriil 01, 2013 (HOL) — Nin lagu magacaabo Cabdulaahi Cabdulqaadir Warsame oo muddo 19 maalmood ah afduub loogu haystey magaalada Garoowe ee xarunta maamulka Puntland, ayaa shalay dib xoriyadiisa u helay.

Ninkan oo 12-kii bishii hore ee March laga afduubtay gudaha magaalada Garoowe, ayaa qaar kamid ah kooxdii uu u afduubnaa oo warbaahinta la hadlay ay sheegeen in ay afduubkiisa uga jawaabayeen, afduubka nin lagu magacaabo C/qaadir C/laahi Xaaji Cismaan oo kasoo jeeda gobolka Nugaal, kaasoo lagu haysto dhinaca Gal-mudug.

C/qaadir C/laahi Xaaji Cismaan ayaa waxaa gobolka Mudug ka qafaalay koox dabley ah oo ay hayb wadaagaan Cabdirisaaq Xuseen Tahliil oo isagu kasoo jeeda Gal-Mudug, dhowaanna ay maxkamadda ciidamada qalabka sida ee Puntland ku xukuntay dil toogasho ah, kadib markii lagu soo eedeeyey in uu ka tirsanaa xarakada Al-shabaab.

Qorshaha Cabdulaahi Cabdulqaadir Warsame dib xoriyadiisa loogu soo celiyey ayaa waxaa iska kaashaday dowladda Puntland, isimada iyo qaar kamid ah culimaa’uddiinka waaweyn ee Puntland.

Wuxuuna mar uu si kooban warbaahinta ula hadlay sheegay in uu si aad ah ugu faraxsan yahay qaabka wanaagsan ee lagu sii daayey, isagoo dhinaca kale ugu baaqay dableyda dhinaca Gal-mudug ku haysata C/qaadir C/laahi Xaaji Cismaan, in ay sidaas si lamid ah usii daayaan.

Laga soo bilaabo 17-kii bishii November ee sanadkii hore, markaas oo ahaa xilligii ay ciidamada Puntland magaalada Gaalkacayo ku qabteen Cabdiqaadir Xuseen Tahliil, waxaa la afduubtay ugu yaraan 6 qof, kuwaas oo dhamaantood kasoo jeeda Puntland.

Dadaalo badan oo ay sameeyeen waxgaradka iyo cuqaasha gobolka Mudug iyo labada maamul ee Puntland iyo Gal-mudug ayaa sahlay in 5 qof oo dadkaas kamid ahi ay dib xoriyadooda u helaan, haseyeeshee waxaa weli dhinaca Gal-mudug lagu haystaa C/qaadir C/laahi Xaaji Cismaan, kasoo dableyda haystaa ay sheegeen in ay sii deynayaan marka ay Puntland dib xoriyadiisa ugu soo celiso Cabdirisaaq Xuseen Tahliil.

Maxamed Salaad Xaaji Dirir, Hiiraan Online
Xaajidirir@hiiraan.com
Puntland, Soomaaliya





Post your comments

2013-04-01 2:36 PM EST
Isniin, Abriil 01, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay in dhulkii ay dowladdu lahayd wixii ka horreeyay 1991-kii ay weli yihiin dhul ay dowladdu leedahay, isagoo sheegay in markii ay dowladdu u baahato aysan cidna u dhaafay.

2013-04-01 2:06 PM EST
Isniin, Abriil 01, 2013 (HOL) — Xukuumadda Somaliland ayaa sheegtay in dowladda Turkigu ay qabanayso shir lagu sii ambaqadayo wadahadaladdii horay ugu billowday dowladda Soomaaliya iyo Somaliland kuwaasoo muddo ku jiray hakad.

2013-04-01 11:50 AM EST
Isniin, Abriil 01, 2013 (HOL) — Wafdi ka socda dalka Finland ayaa maanta soo gaaray Muqdisho, iyagoo la kulmay mas’uuliyiinta dowladda oo uu ka mid yahay madaxweyne Xasan Sheekh Maxamuud, waxanaa kulanka oo ka dhacay xarunta madaxtooyada looga hadlay intiisa badan iskaashiga iyo xiriirka u dhexeeya Somaaliya iyo Finland.

2013-04-01 9:58 AM EST
Isniin, Abriil 01, 2013 (HOL) — Wararka laga hellayo degmada Buula-burte ee xarunta gobolka Hiiraan ayaa sheegaya in dab xoogan khasaare hantiyeed geystay oo uu qabsaday goobo ganacsi oo ku yaala degmada.

2013-04-01 9:37 AM EST
Isniin, Abriil 01, 2013 (HOL) — Sarkaal ka tirsan ciidamada Uganda ee ka midka ah AMISOM ayaa sheegay inay gobolka Shabeellada Hoose ku dileen sarkaal sare oo ka tiranaa Xarakada Al-shabaab, kaasoo la socda gaadiid ay leedahay Al-shabaab oo marayay deegaanno ka tirsan Shabeellada Hoose.

2013-04-01 9:25 AM EST
Isniin, Abriil 01, 2013 (HOL) — Maxkamadda sare ee ciidamadda Milatariga Somaliland, ayaa xukunno kala duwan ku xukuntay koox dabley ahayd oo sanadkii hore soo weeraray xero ciidanku leeyahay.

2013-04-01 9:22 AM EST
Isniin, Abriil 01, 2013 (HOL) — Deeq lacageed ayaa lasoo gaarsiiyay qoys dan-yar ah oo gurigii ay galayeen ama deggenaayeen uu kaga gubtay magaalada Boorama ee gobolka Awdal, iyadoo qoyskaas ay kaalmo deg-deg ah weydiistay walaalahooda Soomaaliyeed.

2013-04-01 9:17 AM EST
Isniin, Abriil 01, 2013 (HOL) — Baarlamaanka Soomaaliya ayaa maanta u yeeray wasiirka arrimaha gudaha iyo amniga Qaranka si wax looga weydiiyo maydad lasoo dhigay waddooyinka Muqdisho, kuwaasoo la sheegay in laga baxay xabsiyo ku yaalla Muqdisho lana toogtay.

2013-04-01 9:10 AM EST
Isniin, Abriil 01, 2013 (HOL) —Ra’iisul wasaaraha Soomaaliya oo dib ugu soo laabtay Muqdisho kaddib socdaal laba maalmood qaatay oo uu ku tagay gobolka Gedo ayaa wuxuu soo saaray wareegto uu ku magacaabay maamul KMG ah oo uu yeesho gobolka Gedo.

2013-04-01 5:55 AM EST
Isniin, Abriil 01, 2013 (HOL) — Ciidamada booliska ee degmada Garoowe ayaa gelinkii danbe ee shalay gacanta ku dhigay labo nin oo ka tirsanaa koox dabley ah oo asbuucii lasoo dhaafay fal-danbiyeed dhac iyo dil isugu jira ka geystey xarunta xawaaladda KAAH ee magaalada Boosaaso.

2013-04-01 5:48 AM EST
Isniin, Abriil 01, 2013 (HOL) — Madaxweyne Xasan Sheekh Maxamuud ayaa si rasmi ah u furay goor-dhaweyd shirweynaha dib u habeynta garsoorka dalka oo socon doona muddo shan maalmood ah, kaasoo looga hadlayo sida ugu habboon ee garsoorka loogu kalsoonaan karo.

2013-04-01 2:15 AM EST
Isniin, Abriil 01, 2013 (HOL) — Shirweyne qabashadiisa uu ku dhawaaqay madaxweynaha Soomaaliya, Xasan Sheekh Maxamuud bishii Feberaayo ee sannadkan oo looga tashanayo sidii dib u habeyn loogu sameyn lahaa garsoorka dalka ayaa manta ka furmaya Muqdisho.