Thursday, May 23, 2013
Today from Hiiraan Online:  _
Wararka Maanta- Isniin, Oct 8 , 2012
Shirkadda Hormuud oo ballan-qaaday bixinta Mushaaraadka Macallimiin wax ka dhiga Iskuul dadka Dhagaha la' ay wax ku bartaan
Isniin, Oktoobar 08, 2012 (HOL) — Shirkadda Isgaarsiinta Hormuud ayaa maanta ballanqaaday inay bixinayso mushaaraadka macallimiinta wax ka dhiga laba iskuul oo ay wax ka bartaan dadka dhegaha la'a oo Muqdisho ku yaalla kaddib kulan ay la yeelatay mas'uuliyiinta iyo qaar ka mid ah ardayda iskuulladaas wax ka barta.

Iskuulladan ay dadka dhegaha la' wax ka barataan ayaa waxay ku kala yaallaan xaafadda Buulo-xuubeey ee degmada Wadajir iyo xaafadda Laba-dahgax ee degmada Wardhiigley, iyadoo shirkaddu ay sheegtay inay macallin mushaar siinayso muddo lix bilood ah oo ka billaabanaysa bishan Oktoobar.

"Shirkaddu waxay qiimeyn ku sameyn doontaa sida lagu sii wadi karo iskuullada ay wax ka bartaan dadka dhegaha la' oo aanay jirin cid kaalmeysa xilligan," ayuu yiri mas'uul ka tirsan shirkadda isgaarsiinta Hormuud.

Urur ay xubno ka yihiin dadka dhegaha la' oo si iskood ah isugu xil-qaamay ayaa ku guuleysatay furinaanka iskuulladan, waxaana wax ka barta dad badan oo dhego la' kuwaasoo isugu jira dad waaweyn iyo caruur.

Tallaabadan ayaa waxaa si aad ah u soo dhoweeyay ardayda dhagoolayaasha ah ee wax ka barta iskuulladan iyagoo shirkadda ka codsadeen inay waddo adeegyada ay u heyso dadka lixaadaha la’ oo ay ku adkaatay inay helaan waxbarasho ku filan sida dadka lixaadkoodu dhan yahay oo kale.

Shirkadda Hormuud ayaa dhawaan dib u furtay Iskool ay wax ku bartaan dadka indhaha la' kaasoo ay shirkaddu bixin doonto kharashka ku baxaya illaa ardaydu ay ka gaarayaan heer jaamacadeed.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

Suxufiyiinta Ingiriiska iyo Ireland oo taagero weyn u muujiyay suxufiyiinta Soomaaliyeed
10/8/2012 5:37 PM EST
Isniin, October 08, 2012(HOL): Shirweynaha Suxufiyiinta dalalka Ingiriiska iyo Ireland oo lagu qabtay Newcastle ayaa markii ugu horreysay ka hadlay xaaladda dhibka badan ee ay ku shaqeeyaan suxufiyiinta Soomaaliyeed.

Madaxweynaha Soomaaliya oo si weyn loogu soo dhaweeyay Uganda
10/8/2012 11:54 AM EST
Isniin, October 08, 2012(HOL): Madaxweynaha Soomaaliya Xasan Shiikh Maxamuud oo maanta markii ugu horreysay dalka dibaddiisa safar ugu amba baxay ayaa waxaa si weyn loogu soo dhaweeyay garoonka diyaaradaha Entebbe ee magaalada Kampala ee dalka Uganda.

Dad aad u badan ka qaybgalay aas qaran oo Hargeysa loogu sameeyey meydka Abwaan Gaariye (SAWIRRO)
10/8/2012 11:08 AM EST
Isniin, October,08, 2012 (HOL)-Dhawr kun oo qof, ayaa maanta ka qaybgalay aaska Marxuum Maxamed Xaashi Dhamac Gaariye oo barqadii maanta la keenay magaaladda Hargeysa.

Munaasabad lagu Taageeray Ra'iisul Wasaaraha Soomaaliya oo xubno Siyaasiyiin ah ay ku qabteen Magaalada Muqdisho
10/8/2012 10:16 AM EST
Isniin, Oktoobar 08, 2012 (HOL) — Magaalada Muqdisho ayaa waxaa maanta lagu qabtay xaflad lagu taageerayo ra'iisul wasaaraha cusub ee Soomaaliya, Cabdi Faarax Shir-doon oo maalin ka hor uu madaxweynaha Soomaaliya u magacaabay xil ra'iisul wasaaraha.

Kooxdii ugu horaysay Somaliland ee dalbatay inay Qareenimo ku shaqeeyaan oo laga qaaday Imtixaan Tijaabo ah
10/8/2012 8:48 AM EST
Isniin, Oktoobar 08, 2012 (HOL) — Guddida ruqsad bixinta iyo anshax marinta Qareenadda ayaa sheegay natiijada imtixaan ay ka qaadeen kooxdii u horreysay ee qareenadda Somaliland.

Wafdi ka socda hay'adaha Samafalka ee Qaramada Midoobay oo Booqday Magaalada Baladweyne ee Gobolka Hiiraan
10/8/2012 8:22 AM EST
Isniin, Oktoobar 08, 2012 (HOL) — Wafdi ka socda hay’addaha samafalka QM ayaa maanta gaaray magaalada Baladweyne ee xarunta gobolka Hiiraan oo dhawaan ay ku dhuftay fatahaad uu sameeyay wabiga Shabeelle.

Dagaal culus oo Duleedka Baydhabo ku dhexmaray ciidamada Dowaldda Soomaaliya, kuwa Itoobiya iyo Xoogagga Al-shabaab
10/8/2012 6:55 AM EST
Isniin, Oktoobar 08, 2012 (HOL) — Ugu yaraan lix qof oo dhinacyadii dagaalamay ka tirsan ayaa ku dhintya dagaal culus oo deegaanka Goof-guduud ee duleedka Baydhabo ku dhexmaray ciidamada dowladda Soomaaliya, kuwa Itoobiya iyo xoogagga Al-shabaab.

Madaxweynaha Somalia iyo wafdi uu Hoggaaminayo oo u dhoofay dalka Uganda
10/8/2012 6:20 AM EST
Isniin, Oktoobar 08, 2012 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa maanta u dhoogay dalka Uganda, halkaas oo uu uga qaybgalayo munaasabad lagu xusayo 50-sano guuradii kasoo wareegtay markii Uganda ay xorriyadda qaadatay.

Xarakada Al-shabaab oo Deegaannada ay gacanta ku hayso ka mamnuucay Hay'adda gargaarka ee Islamic Relief
10/8/2012 5:57 AM EST
Isniin, Oktoobar 08, 2012 (HOL) — Xarakada Al-shabaab ayaa deegaannada ay ka taliso ka mamnuucday maanta oo Isniin ah hay'adda Islaamiga ah ee Islamic Relief oo fadhigeedu yahay magaalada London ee dalka Britain.

Maamulka Jaamacadda Kismaayo oo ka cabanaya Ciidamada Dowladda iyo AMISOM oo Saldhig ka sameystay Xarunta Jaamacadda
10/8/2012 5:45 AM EST
Isniin, Oktoobar 08, 2012 (HOL) — Maamulka Jaamacadda Kismaayo ayaa cabasho ka muujiyay ciidamada dowladda iyo kuwa AMISOM oo dhawaan saldhig ciidan ka sameystay xarunta jaamacadda Kismayo oo ku taal duleedka waqooyi ee magaalada.

Abaanduulaha Ciidamada Xoogga Somalia oo sheegay inay isku xirayaan Baladweyne, Muqdisho, Baydhabo iyo Kismaayo
10/8/2012 3:16 AM EST
Isniin, Oktoobar 08, 2012 (HOL) — Taliye ku xigeenka ciidamada milateriga Somalia, Jen. C/kariin Yuusuf Aadan (Dhega-badan) ayaa sheegay in qorshahoodu uu yahay mid ay ku doonayaan inay isugu furaan magaalada Muqdisho, degmada Baydhabo ee gobolka Bay, degmada Baladweyne ee gobolka Hiiraan iyo degmada Kismaayo ee gobolka Jubbada Hoose.