3/29/2024
Today from Hiiraan Online:  _
Wararka Maanta- Khamiis, Jun 21, 2012
Madaxweyne ku-xigeenka Somaliland oo sheegay in Dowladda Jabuuti ay ogolaatay in Fiise ay saarto Baasaboorka Soomaliland

Khamiis, June 21, 2012 (HOL) — Madaxweyne ku xigeenka Somaliland, C/raxmaan Cabdillaahi Ismaaciil (Saylici) ayaa ka warbixiyay safarkii shaqo oo uu kusoo maray dalalka Sweden, Jabuuti iyo Itoobiya.

Madaxweyne ku xigeenka oo shir jaraa’id ku qabtay xarunta madaxtooyada ayaa sheegay in safaraddii uu ku tagay Jabuuti iyo Sweden ay ahaayeen guulo u soo hoyday Somaliland, isla markaana waxyaalo badan oo faa’iido u ah shacabka uu ka keenay safarakaas.

"Mas’uuliyiintii aan dawlada Jabuuti kulanay waxa ka mid ahaa madaxweynaha Md Ismaaciil Cumar Geele iyo Ra’isal Wasaarihiisa Dilayta Maxamed Dilayta oo si diiran oo qiimo leh noo soo dhaweeyey, guud ahaanba mas’uuliyiinta Jabuuti wixii aanu kawada hadalnay sidii loo adkayn lahaa xidhiidhka labada dal ka dhexeeya, sidii waxyaabo badan la iskaga kaashan lahaa," ayuu yiri C/raxmaan Saylici, waxaanu raaciyay. "Waxaa kale oo aan kawada hadalnay in Jabuuti ay xafiis ka furato Somaliland iyada oo ay Somaliland xafiisku leedahay Jabuuti, isaga oo madaxwaynaha Jabuuti magacaabay wakiilka Jabuuti ee Somaliland u fadhiyi doona xafiiskana".

"Waxaan ka codsanay madaxwaynaha Jabuuti in baasaaboorka Somaliland la fiiseeyo oo dalkiisa lagu tegi karo, codsigaasina runtii wuu naga aqbalay," ayuu yiri madaxweyne ku xigeenka oo tilmaamayay waxyaalihii u soo qabsoomay safarkaasi.

Waxa kaloo uu sheegay in lixdii bishan oo ku beegnayd maalinta Qaranimada dalka Sweden ay kaga qayb galeen xaflad balaaran oo lagu qabtay safaarada Sweden ee Addis Ababa, halkaasina uu fursad uga helay in uu kula kulmo madaxda safaarado kala duwan ka qaybgalay munaasibada xuskaasi Sweden.

"Socdaalkaasi wuxuu ahaa socdaal midho badan dhaliyay, waxaanu la kulanay Wasaarada Arrimaha Dibada ee Sweden u qaabilsan Afrika, waxa kale oo aanu kala kulanay hay’ada dawlada Sweden u qaabilsan mucaawimooyinka dibada iyo baarlamaanka Sweden," ayuu yidhi mar uu ka hadlayey masuuliyiintii uu la kulmay markii uu booqashadda ku tagay Sweden.

"Waxaa kaloo aanu u gudbinay qorshaha shanta sanadood ee aynu samaysanay si cid kasta oo wax ina siinaysaa ay mudnaanta u siisto qorshahaas aynu samaysanay oo ay hay’ada Sweden u qaabilsan deeqaha aad ugu qanacday hoostana xariiqday markii aanu tusnay qorshahaasi," ayuu raaciyey.

Madaxweyne ku xigeenku waxa uu sheegay inuu u bandhigay sidi ay u maalgashan lahaayeen Somaliland sida Kalluunka, Beeraha Macdanta iyo Saliidda, waxaanu sheegay in lixda bilood ee oo socda ay safar shaqo ku iman doonaan dalka.

madaxweyne ku xigeenka Somaliland Md Cabdiraxmaan Cabdilaahi Ismaaciil (Saylici) waxa safarkiisa ku wehelinayey Wasiirka Qorsheynta Dr. Sacad Cali Shirre, Wasiirka Ku Xigeenka Hawlaha Guud Cali Cabdi Saa’iq , Maayar Ku Xigeenka Degmada Gabiley Marwo: Khadra X. Gaydh iyo La-taliyaha Madaxweynaha ee Arrimaha Siyaasada.

Barkhad-Ladiif M. Cumar
[email protected]
Hargeysa, Somaliland













Click here
6/21/2012 5:36 PM EST
Khamiis, June 21, 2012(HOL): Shirkii Somalia iyo Somaliland uga socday Magaalada London ee dalka Britain ayaa la soo gebagebeeyay, iyadoo shirkana ay soo baxeen qodobbo dhowr ah, kuwaasi oo ay labada dhinac ku heshiiyeen.

6/21/2012 11:14 AM EST
Khamiis, June 21, 2012(HOL): Madaxweynaha Dowladda Puntland eeSomalia Dr. Cabdiraxman Maxamad Maxamud (Faroole) ayaa booqasho rasmi ah ku tegay Magaalada Jigjiga ee caasimadda Dowladda Deegaanka Somalida ee dalkaEthiopia, iyadoo uu kulamo muhiim ah la yeeshay madaxda Dowladda DeegaankaSomalida (DDS) ee dalka Ethiopia.

6/21/2012 8:31 AM EST
Khamiis, June 21, 2012 (HOL) — Qoraal ay soo saareen waxgaradka degmada Buur-hakaba ee gobolka Bay ayay ku dhaliileen doorka samafal ee NGO-ga maxalliga ah ee lagu magacaabo SARDO oo xiriir wadashaqeyneed la leh hay’ada Qaramada Midoobay u qaabilsan dhinacyada cunnada iyo beeraha ee FAO.

6/21/2012 8:09 AM EST
Khamiis, June 21, 2012 (HOL) — Booliiska dalka Malawi ayaa sheegay in 47 ruux oo Soomaali ah ay maydadkooda kasoo saareen harada Malawi (Lake Malawi) welina ay ku maqan yihiin kuwo kale oo doonida la socday.

6/21/2012 7:54 AM EST
Khamiis, June 21, 2012 (HOL) — Saakay waabarigii hore ayaa waxaa magaalada Beledweyne ee xarunta gobolka Hiiraan ka dhacay qarax illaa hadda aan la kala ogeyn inuu ahaa bam kuwa gacanta laga tuuro ah iyo miinooyinka meelaha fog laga hago.

6/21/2012 7:48 AM EST
Khamiis, June 21, 2012 (HOL) — Idiris Siciid Maxamed oo muwaadin Qurbo-joog ah oo marti ku ahaa guri habeen dhawayd Ciidamadda Boolisku baaray ayaa sheegay in illaa hadda alaabtiisa ay bari maqan tahay, isla markaana meel uu u dacwooda iyo cid haysa aanu garanayn, kaddib markii qoloba-qolo ku tuurtay.

6/21/2012 7:42 AM EST
Khamiis, June 21, 2012 (HOL) — Hay'adda dhaqaatiirta aan xuduudda lahayn ee MSF ayaa warsaxaafadeed ay soo saartay maanta oo Khamiis ah waxay ku sheegtay in xeryaha qoxootiga Dhadhaab ee dalka Kenya ahayn goob magangalyo ahaan loo joogi karo.

6/21/2012 7:01 AM EST
Khamiis, June 21, 2012 (HOL) — Wasiirka difaaca Soomaalia ayaa sheegay maanta in lamaane u dhashay dalka Koonfur Afrika oo kooxo burcad-badeed Soomaaliyeed ah ay afduubeen ku qabsadeen muddo 20-bilood laga joogo ayaa xorriyadooda dib loogu soo celiyay, waxayna labadan lamaane ay noqonayaan kuwii ugu waqtiga dheeraa oo Soomaaliya lagu haysto.

6/21/2012 6:35 AM EST
Khamiis, June 21, 2012 (HOL) — Dagaalyahanno katirsan xoogagga Al-shabaab ayaa xalay 3:30 aroornimo waxa ay weerar isugu jira madaafiic iyo hub fudfudud ku qaadeen degmada Beledxaawo oo ay gacanta ku hayaan ciidamada dowladda KMG ee Soomaaliya.

6/21/2012 3:47 AM EST
Khamiis, June 21, 2012 (HOL) — Ugu yaraan saddex wiil oo dhallinyaro ah ayaa ku dhintay mid kalena dhaawac halis ah ayaa kasoo gaaray weerar ay koox hubeysan xalay ku qaadeen guri ku yaalla xaafadda Suuqa Xoolaha ee degmada Huriwaa.

6/21/2012 3:42 AM EST
Khamiis, June 21, 2012 (HOL) — Afhayeenka Xarakada Al-Shabaab Sheekh Cali Maxamuud Raage (Sheekh Cali Dheere) ayaa ka sheegay in Soomaaliya ay xiligan ka jiraan laba dowladood oo kala madax-bannaan.

6/21/2012 3:20 AM EST
Khamiis, June 21, 2012 (HOL) — Ra'yi ururin la sameeyay ayaa lagu ogaaday in 75% dadka Soomaaliyeed ay taageersan yihiin dastuurka qabyo-qoraalka ah ee loo sameynayo Soomaaliya, iyadoo dadku ay diidmo ka muujiyeen in haweenka ay loo ogolaado inay jagooyinka sarsare ee dowladda qabtaan.

6/21/2012 3:09 AM EST
Khamiis, June 21, 2012 (HOL) — Ehellada askari ka tirsan ciidamada dowladda KMG ah oo maxkamadda ciidamada dowladdu ay ku xukuntay dil toogasho ayaa ka cabanaya qaabka uu xukunku u dhacay, iyagoo sheegay in xukunkaas uu ahaa mid aan cadaaladda waafaqsanayn.

6/21/2012 2:38 AM EST
Khamiis, June 21, 2012 (HOL) — Wararka laga helayo magaalada London ee dalka Britain ayaa sheegaya in shirkii uga furmay ergooyinka ka socday Soomaaliya iyo Somaliland ee ka furmay duleedka bari ee magaaldaas aan wax natiijo ah weli laga gaarin.

6/21/2012 2:36 AM EST
Khamiis, June 21, 2012 (HOL) — Saxiixayaasha khariidadda nabadda ama Roadmap-ka Soomaaliya oo shir ku leh magaalada Nairobi ee dalka Kenya ayaa waxay si aad ah uga doodeen dastuurka oo dhowr jeer ay horay isugu khilaafeen.