3/29/2024
Today from Hiiraan Online:  _
Wararka Maanta- Sabti, Dec 8 , 2012
Guddiga Doorahooyinka Somaliland oo sheegay in dib loogu noqonayo tirinta Codadka Magaalada Hargeysa

Axad, December 09, 2012 (HOL) — Guddiga Doorashooyinka Somaliland ayaa sheegay in dib loogu noqonayo tirintii sanaaduuqda degmadda Hargeysa ee natiijadeedu rabshaduhu ka dhasheen, isla markaana hakiyeen natiijadii ku meelgaadhka ahayd ee lagu dhowaaqay.

Gudoomiyaha guddida Doorashooyinka Eng: Ciise Xamari oo warbaahinta la hadlayey ayaa sheegay inay kulan ay maanta ku yeesheen xaruntoodda xisbiyada ay isla garteen in dib loo hubiyo sanaaduuqdii codbixinta ee degmadda Hargeysa, isla markaana la isku dayo in xisbi walba ku qanco si xisbiyadu uga wada raali noqdo.

 “waxa jira cabashooyin ku saabsan arrimaha doorashooyinka, sidaa darteed waxa uu komishanka doorashoyinku go’aan ku gaadhay, maadaama degmadda Hargeysa go’aankeedii ay ku dhawaaqday cabashooyin ka yimaadeen in aanu hakinay go’aankii degmada Hargeysa, dib u eegisna ku samaynayno”ayuu yidhi gudoomiyaha guddida doorashooyinka qaranka Ciise Xamari, intaas ku daray in qaab kasta oo ay ku  qanci karaan loo samaynayo xisbiyada iyo ururada cabanaya.

Gudoomiyuhu waxa uu sheegay in mudaharaadkii ka dhacay magaaladda Hargeysa ay ka dhasheen natiijadii ka soo baxday degmada Hargeysa, isagoo arrintaasi ka hadlaya waxa uu yidhi “mudaharaadkii magaaladda Hargeysa ka dhacay waxay ku saabsanaayeen tabashooyin ku sal leh doorashooyinka”.

Guddida doorashooyinka ayaa isla gartay in dib loo eego sanaaduuqdii degmadda Hargeysa oo urur siyaasadeedka XAQSOOR ka biyo diideen natiijadii ka soo baxday, isla markaana tilmaamay in lagaga shubtay, taas oo keentay mudaharaad dhimasho iyo dhaawacba keentay.

Haseyeeshee, xaafadihii shalay ka dhaceen mudaharaadka ayaa degan, waxana ilaa xalay lagu jiray sidii la iskula afgaran lahaa in mudaharaadka la joojiyo, xalna looga gaadhi lahaa wixii cabasho ah ee ku saabsan arrimaha doorashooyinka.
 
Barkhad-Ladiif M. Cumar, Hiiraan Online
[email protected]
Hargeysa, Somaliland












Click here
12/8/2012 9:52 AM EST
Sabti, December 08, 2012 (HOL) — Waxaa maanta qabuuraha Muslimiinta ee magaalada Nairobi lagu aasay qaar kamid ah dadkii ku dhintay qaraxii xalay ka dhacay masaajid ku yaal xaafadda Islii ee magaalada Nairobi.

12/8/2012 8:31 AM EST
Sabti, December 08, 2012 (HOL) — Xildhibaanno ka tirsan baarlamaanka Soomaaliya iyo koox fanaaniin ah ayaa maanta gaaray magaalada Baladweyne ee xarunta gobollka Hiiraan, halkaa oo ay ku soo dhaweeyeen mas’uuliyiinta ka tirsan maamulka gobolka.

12/8/2012 8:22 AM EST
Sabti, December 08, 2012 (HOL) — Guddiga doorashada Puntland ayaa saddex toddobaad oo dheeraad ah ku kordhiyay mudada furashada xisbiyada oo xiligii horay loogu qabtay uu dhammaad ku dhow yahay.

12/8/2012 7:24 AM EST
Sabti, December 08, 2012 (HOL) — Maxkamadda ciidamada qalabka sida ee Somalia ayaa xakun xabsi daa’in ah ku ridday maanta oo Sabti ah taliyihii hore ee ciidamada Asluubta Soomaaliyeed, Jen. Cabdi Maxamad Ismaaciil (Indho-buur) kaddib markii lagu eedeeyay inuu xabsiga dhexe kasii daayay 14 maxaabiis oo Al-shabaab ka tirsanaa.

12/8/2012 6:51 AM EST
Sabti, December 08, 2012 (HOL) — Madaxweynaha dowladda Soomaaliya, Xasan Sheekh Maxamuud oo maanta dib ugu soo laabtay Muqdisho ayaa cambaareeyay qaraxii xalay ka dhacay xaafadda Islii ee magaalada Nairobi oo uu ku dhaawamay xildhibaan Yuusuf Xasan oo ka tirsan baarlamaanka Kenya.

12/8/2012 6:30 AM EST
Sabti, December 08, 2012 (HOL) — Maamulka Ahlusunna Waljamaaca ee gobolka Galguduud ayaa ka manuucay xarunta gobolkaas ee Dhuusomareeb in hub lagu dhex qaato iyo si macno-darro ah rasaas loogu dhex-rido, iyagoo sheegay inay tallaabo ka qaadi doonaan ciddii jabisa amarkaas.

12/8/2012 3:10 AM EST
Sabti, December 08, 2012 (HOL) — Madaxweynaha Soomaaliya oo booqasho saddex maalmood qaadatay ku tagay dalka Turkiga ayaa sheegay in waxyaabihii ugu weynaa ee uu kala hadlay madaxda dalka Turkiga ay ugu muhiimsanaayeen sidii ammaanka dalka loo sugi lahaa.

12/8/2012 3:07 AM EST
Sabti, December 08, 2012 (HOL) - Shan qof ayaa ku dhimatay lix kalena waa ay ku dhaawacmeen qarax xalay lala eegtay Xildhibaan Yuusuf Xasan xilli uu dadweeyne kula hadlayay masaajid ku yaal wadada loo yaqaan Jam street oo ka tirsan xaafadda islii ee magaalada Nairobi.

12/8/2012 3:04 AM EST
Sabti, December 08, 2012 (HOL) — Xarunta golaha shacabka ee Muqdisho ayaa lagu qabtay kulan ay talooyin iyo su’aalo ay isku dhaafsanayeen guddoomiyaha baarlamaanka Soomaaliya, Maxemed Cismaan Jawaari iyo dhallinyarada magaalada Muqdisho. Kulankan oo ahaa kii ugu horreeyay noociisa oo ay yeeshaan madaxda dalka iyo dhallinyarada Muqdisho.