3/28/2024
Today from Hiiraan Online:  _
Wararka Maanta- Khamiis, Dec 6 , 2012
Ra'iisul Wasaaraha Itoobiya oo sheegay inuu wadahadal nabadeed la furayo Madaxweynaha dalka Eritrea Afeworki
Khamiis, December 06, 2012 (HOL) — Ra'iisul waasaraha Itoobiya, Hailemariam Desalegn ayaa wareysi uu siiyay telefishinka Al-jazeera ku sheegay inuu doonayo in wadahadallo uu la furo dalka ay dariska yihiin ee dalka Eritrea oo 12 sano uu kala dhexeeay dagaal ay ku dhinteen 70,000 oo qof.


Ma jirin wax wadahadal ah oo dhexmaray hoggaamiyeyaasha dalka Itoobiya iyo hoggaamiyaha Eritrea, Issaisa Afeworki tan iyo markii uu go'ay xiriirkii labada dal sannadkii 2000 kaddib muran dhinaca xuduudda ah oo soo dhexgalay labada dal.

"Haddii aad i weydiiso, "Ma doonaysaa inaad Asmara tagto oo aad la fariisato Isaias Afeworki?" Waxaan ku oronayaa 'haa'," ayuu yiri r'aiisul wasaaraha Itoobiya isagoo intaas ku daray inuu ka shaqeynayo sidii uu u soo celin lahaa xiriirka Eritrea kala dhexeeyay dalkiisa wixii ka horreeyay dagaalka.

Labada dal ayaa waxay ku dagaalameen lahaanshaha deegaan lagu magacaabo Badme oo ku yaalla xuduudda labada dal, iyadoo dal walba uu sheeganayo inuu isagu leeyahay magaaladaas oo ay dad aad u yar ku nool yihiin.

"Arrintan muhiimadda noo leh waa inaan la dagaalanno faqriga. Arrinta kale ee noo ah muhiimka waa inaan sameysanno xiriir wanaagsan. Haddii aan labadeenna taas sameyno waxaan filayaa inay faa'iido weyn noogu jirto," ayuu Hailemariam mar kale yiri.

Eritrea ayaa ku guuleysatay sannadkii 1993-kii inay ka madaxbannaanaato Itoobiya inteeda kale, kaddib 30-sano oo ay arrintaas u dagaalamaysay, waxaase dalkaas ka jira xukun adag oo uu majaraha u hayo hoggaamiye aad u adag.

Ra'iisul wasaaraha Itoobiya, Hailemariam ayaa xafiiska la wareegay bishii Ogoosto ee sannadkan kaddib markii uu geeriyooday Meles Zenawi oo in ka badan 20-sano ra'iisul wasaare ka ahaa Itoobiya.

"Hoggaamiyihii iga horreeyay Zenawi in ka badan 50-jeer ayuu i weydiistay inaan aado Asmara oo aan wadahadal la furo Isais Afwerki," ayuu yiri ra'iisul wasaaraha Itoobiya oo saddexda sano ee soo socda hoggaamin doona Itoobiya.

Dowladaha Itoobiya iyo Eritrea ayaa waxay midba midda kale ku eedeysaa inay taageerto jabhado labada dal la dagaalama, iyadoo Itoobiya ay bishii Maarso ee sannadkan weerartay saldhig milateri oo ay Eritrea leedahay, kaddib markii ay ku eedeysay dalkaas dilka shan dalxiise oo reer galbeed ah.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/6/2012 10:42 AM EST
Khamiis, December 06, 2012 (HOL) — Shirkadda Diyaaradaha ee Oday express ayaa shaacisay in ay bilowday duulimaad joogto ah oo ay ku tagi doonto magaalada Beledweyne, iyadoona shirkadda ay markii ugu horeeysay shalay ka degtay garoonka magaalada Beledweyne ee xarunta gobolka Hiiraan.

12/6/2012 8:15 AM EST
Khamiis, December 06, 2012 (HOL) — Golaha wasiirrada xukuumadda Soomaaliya ayaa kulan ay maanta ku yeesheen Muqdisho waxay ku mamnuuceen ka ganacsiga hubka iyo direyska ciidamada, iyagoo sidoo kalena isku raacay in dib looga billaabo dekedda Muqdisho dhoofka xoolaha.

12/6/2012 7:33 AM EST
Khamiis, December 06, 2012 (HOL) — Maamulka gobolka Bay ee dowladda Soomaaliya ayaa xabsiga dhigay sarkaal ka tirsan hay'adda cunnada iyo beeraha adduunka ee FAO, kaasoo ciidamada Baydhabo ay xalay kala baxeen gurigiisa.

12/6/2012 7:23 AM EST
Khamiis, December 06, 2012 (HOL) — Kooxda kubadda cagta ee dalka Eritrea iyo dhakhtarkooda ayaa weydiistay dowladda Uganda magangalyo, iyagoo sheegay in haddii ay dalkooda ku laabtaan ay ka baqayaan inay xaalad khatar ah la kulmaan.

12/6/2012 7:00 AM EST
Khamiis, December 06, 2012 (HOL) — Qarax bambaano oo ay ku dhaawacmeen ugu yaraan 13 qof oo u badan haween ayaa ka dhacay goor-dhow qaybta dahabka lagu iibiyo ee suuqa Bakaaraha, iyadoo ciidamada dowladda ay markiiba halkaas howlgal ka billaabeen.

12/6/2012 5:13 AM EST
Khamiis, December, 06, 2012 (HOL) -- Tan iyo wixii ka danbeeyay dhawaan markii ay rag hubeysan ku toogteen magaalada Baladweyne guddoomiyihii golaha odayaasha dhaqanka gobollka Hiiraan nabadoon Max’ed Shiikh Xusseen Maryacade, ciidamada maamulka gobolka iyo AMISOM waxa ay ku howlanaayeen sidii loo xoojin lahaa amniga magaalada.

12/6/2012 3:57 AM EST
Khamiis, December 06, 2012 (HOL) — Qarax xooggan oo xalay fiidkii ka dhacay magaalada Nairobi gaar ahaan waaaxda California ee xaafadda Islii ayaa sababay dhimashada hal qof iyo dhaawaca todobo kale.

12/6/2012 2:27 AM EST
Khamiis, December 06, 2012 (HOL) — Madaxweynaha Turkiga, Cabdalla Guul ayaa ku dhawaaqay Arbacadii shalay in shacabka iyo xukuumadda dalka Turkiga ay siin doonaan Soomaaliya taageero weyn oo dib loogu dhisayo, si ay beesha caalamka ugu noqdaan tusaale.

12/6/2012 2:21 AM EST
Khamiis, December 06, 2012 (HOL) — Ra'iisul wasaaraha Soomaaliya, Cabdi Faarax Shir-doon (Saacid) iyo taliyaha ciidamada AMISOM, Jen. Andrew Gutti ayaa xalay fiidkii kulan looga hadlayay ammaanka ku yeeshay madaxtooyada Soomaaliya sida lagu sheegay warbixin ay soo saartay AMISOM.

12/6/2012 2:20 AM EST
Khamiis, December 06, 2012 (HOL) — Dadweynaha reer Somaliland oo maalmihii u dambeeyey is-waydiinayey urur waliba gobolada codadka uu ka helay iyo inta musharax ee usoo baxday, ayaa waxa iska soo daba dhacaya degmooyinkii u dambeeyey natiijadii ay ururadu iyo xisbiyadu ka haleen.

12/6/2012 2:12 AM EST
Khamiis, December 06, 2012 (HOL) — Kooxo hubeysan ayaa xalay ku dilay Muqdisho nabaddoon iyo haweeney rayid ah, iyadoo dilka nabaddoonka la sheegay inay geysteen kooxo bastoolado ku hubeysan oo ay markii dambe u suurogashay inay goobta ka baxsadaan.