2014-11-28
Today from Hiiraan Online:  _
Wararka Maanta- Axad, Dec 30, 2012
Manhajka waxbarashada Puntland oo lagu kordhiyay Maadooyinka gaar ah oo ka hadlay Nabadda iyo Dimuqraadiyadda


Axad, December 30, 2012 (HOL) — Maamulka Puntland ayaa laba maado oo cusub kusoo kordhiyay waxbarashada dugsiyada ku yaalla deegaannada uu maamulkaas ka taliyo, waxaana labadan maaddo ay kala yihiin maaddo lagu baranayo nabadda iyo mid lagu baranayo dimuqraadiyadda.

Wasaaradda waxbarashada ee Puntland ayaa shaaca ka qaadday in maadooyinkan lagu kordhin doono maaddooyinka waxbarashada dugsiyada kala duwan ee Puntland ku yaalla, si maskaxda dhallinyarada looga dhiso labadan maaddo.

"Lagama maarmaan ayay noqotay in labadan maaddo ee ku saabsan nabadda iyo dimuqraadiyadda lagu daro manaahijta waxbarasho ee ka baxa dugsiyada Puntland," ayuu yiri agaasimaha wasaaradda waxbarashada ee Puntland, Maxamed C/wahaab oo saxaafadda la hadlay.

Magaalada Garoowe ee xarunta Puntland ayaa lagu soo bandhigay shalay oo Sabti ahayd buug lagu magacaabay hagaha macallinka kaasoo ka hadlaya nabadda, dimuqraadiyadda iyo maamul-wanaagga, waxaana buuggan  soo saaristiisa iska kaashaday hay’adda horumarka iyo cilmi-baarista ee Puntland iyo hay’adda Inter Peace.

Macallimiinta wax ka dhiga dugsiyada Puntland iyo ardayda ayaa si weyn u soo dhaweeyay maadooyinka cusub ee lagu soo kordhiyay manhajka waxbarasho ee Puntland, iyadoo Puntland ay noqonayso deegaannadii ugu horreeyay oo laga hir-geliyo in waxbarahada lagu daro maaddo ka hadlaysa nabadda.

Baarlamaanka Puntland ayaa dhawaan ansixisay nidaamka xisbiyada badan oo looga gudbayo habkii hore ee awoodda lagu qaybsan jiray, taasoo ku dhisnayd qabiil iyadoo tani ay sahlayso in mas'uulka u tartamaya hoggaaminta Puntand ay shacabku soo doortaan.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

2012-12-30 1:14 PM EST
Axad, December 30, 2012 (HOL) — Kulan ballaaran oo ay isugu yimaadeen qaybaha kala duwan ee bulshada iyo maamulka gobolka Bari, islamarkaana uu kasoo qayb galay wasiirka amniga Puntland, ayaa maanta ka dhacay xarunta dowladda hoose ee degmada Boosaaso.

2012-12-30 11:30 AM EST
Axad, December 30, 2012 (HOL) — Maxkamadda derejada 1-aad ee gobolka Bari - laanteeda magaalada Boosaaso- ayaa maanta xukuno kala duwan ku riddey eedaysaneyaal ay tiradoodu 17 qof gaareyso, kadib markii lagu helay ku lug lahaanshaha falal Burcad-badeednimo.

2012-12-30 6:59 AM EST
Axad, December 30, 2012 (HOL) — Mudaharaad balaadhan ayaa maanta ka dhacay magaalada Boorame ee gobolka Awdal, kaasoo lagu diidan yahay sababta illaa hadda loo dhaarin laayahay maayarkii iyo ku xigeenkii degmadda Saylac oo khilaaf ka taagan yahay.

2012-12-30 6:56 AM EST
Axad, December 30, 2012 (HOL) — Guddoomiyaha maamulka gobolka Hiiraan, Cabdifataax Xasan Afrax ayaa maanta kulan ballaaran kula qaatay gudaha isbitaalka magaalada Baladweyne qeybaha bulshada iyo guud ahaa shaqaallaha isbitaalka, kadib markii ay joojisay hay’adda MSF gacantii ay sii jirtay isbitaalka guud ee Baladweyne.

2012-12-30 6:06 AM EST
Axad, December 30, 2012 (HOL) — Xidlhibannada baarlamaanka Soomaaliya ayaa maanta cod aqlabiyad ah ku ansixiyay miisaaniyadda ay xukuumaddu ku shaqeyn doonto sannadka soo socda ee 2013, kaddib markii wax ka bedel lagu soo sameeyay qodobbadii ay mudanayaashu doodda adag ka yeesheen kuna diideen isla todobaadkan miisaaniyada.

2012-12-30 5:43 AM EST
Axad, December 30, 2012 (HOL) — Madaxweynaha Puntland Dr. Cabdiraxmaan Maxamed (Faroole) oo khudbad ka jeediyey xaflad lagu soo xirayey olole caafimaad oo lagu qabtay Isbitaalka weyn ee magaalada Boosaaso ayaa ka hadlay arimo badan.

2012-12-30 1:02 AM EST
Axad, December 30, 2012 (HOL) — Iyadoo shalay ay ku dhinteen dalka Liibiya 16-qof oo tahriibayaal Soomaali ah ayaa waxaa lasoo bandhigay magacyada maydadkii dadkaas, iyadoo xaaladda saddex ka mid ah kuwii dhaawacmayna aad looga dayrinayo.

2012-12-30 1:00 AM EST
Axad, December 30, 2012 (HOL) — Garoonka diyaaradaha ee Muqdisho ayaa ah mid aad u mashquul badan dhowrkii maalmood ee lasoo dhaafay iyadoo halkaas ay kasoo degaan maalin walba in ka badan 100 qof oo kasoo ambabaxay magaalada Nairobi ee xarunta dalka Kenya.