3/28/2024
Today from Hiiraan Online:  _
Wararka Maanta- Sabti, Dec 29, 2012
Ra’iisul Wasaaraha Somalia oo ka hadlay Xasilinta Muqdisho, Qorshaha Jubbooyinka iyo Wadahadallada Somaliland


Sabti, December 29, 2012 (HOL) — Ra’iisul wasaaraha Soomaaliya, Cabdi Faarax Shir-doon (Saacid) oo khudbad u jeediyay maanta xildhibaannada baarlamaanka Soomaaliya ayaa ka hadlay arrimo badan oo ay ka mid yihiin: qorshaha dowladda ee Jubbooyinka, xasilinta Muqdisho, wadahadallada u dhexeeya Somaliland iyo dowladda Soomaaliya, wafdiyo ay dowladdu u dirayso  gobollada dhexe iyo Puntland iyo mushaaraadka ay qaadanayaan xubnaha baarlamaanka Soomaaliya.

Mudane Cabdi Saacid wuxuu khudbadiida ku sheegay inay xukuumadiisu ay diyaarisay 1,000 askari oo qalabkoodu u dhan yihiin kuwaasoo loogu talo-galay inay sugaan ammaanka guud ee magaalada Muqdisho.
“Qorshaha aan ciidamadan u diyaarinay inaanay soo laaban isbaarooyinkii oolli jiray Muqdisho, waxaana rajeynaynaa in xukuumadda aan hormuudka u ahay ay noqoto mid adeegyadeeda gaarsiisa gobollada dalka oo dhan,” ayuu yiri ra’iisul wasaaraha Soomaaliya.

Sidoo kale, ra’iilu wasaaruhu wuxuu sheegay in dowladdu ay ballanqaadayso inay gobollada Jubbooyinka oo dhan laga xoreeyo Xarakada Al-shabaab iyo inuusan dhiig dambe ku daadan magaaladaas.
“Wafdigii ay dowladdu u dirtay Kismaayo waxay soo qabteen howl weyn, dowladduna muddo dheer ayay ka shaqeynaysay sidii lagu horumarin lahaa gobolladaas” ayuu yiri ra’iisul wasaaraha Soomaaliya.

Ra’iisul wasaaruhu wuxuu intaas ku daray in xukuumaddu ay wafdi ballaaran u diri doonto gobollada dhexe ee Soomaaliya, isagoo sheegay in wafdigaas ay u kuur-gelidoonaan xaaladda dadka iyo sidii looga qaybqaadan lahaa horumarinta ammaanka iyo maamul u sameynta.

“Sidoo kale waan la soconnaa in Puntland nalaga jecel yahay oo nalaga sugayo waana ku tegi doonnaa waqtiga ugu habboon,” ayuu yiri ra’iisul wasaare Saacid oo markii ugu horreysay ka hadlay wafdi ay dowladdu u dirayso maamulka Puntland.

Dhanka kale, ra’iisul wasaaraha Soomaaliya wuxuu sheegay inay sida ugu dhaqsiyaha badan dib ugu billaabi doonaan wadahadalladii u dhexeeyay Somaliland iyo dowladda Soomaaliya, kuwaasoo hakad galay xilliyadii ay socdeen doorashooyinka.

“Waxaan sida ugu dhaqsiyaha badan u billaabi doonnaa wadahadalladii aan kula jirnay Somaliland, waxaana rajeynayaa in guul laga gaari doono,” ayuu yiri Saacid iyadoo xildhibaannada baarlamaanka ay aad ugu sacab-tumeen markii uu hadalkan ka dhawaajiyay.

Ra’iisul wasaare Saacid wuxuu soo hadal qaaday mushaaraadka ay qaadan doonaan xildhibaannada baarlamaanka, taasoo ku cad miisaaniyadda dowladda oouu ra’iisul wasaaruhu sheegay in berri la horgeyn doono baarlamaanka. Isagoo sheegay in mushaarka xildhibaan walba uu noqon doono 2740 doollar.

Ugu dambeyn, ra’iisul wasaaraha Soomaaliya wuxuu khudbaddiisa kusoo xiray in xukuumaddiisa ay muhiimadda koowaad siinayso sidii ay dalka oo dhan ugu soo dabaali lahayd xasillooni iyo nabadgalyo buuxda.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/29/2012 11:33 AM EST
Sabti, December 29, 2012 (HOL) — Xabsiga dhexe ee magaalada Garoowe waxaa maanta laga sii daayey dhowr qof oo uu kamid yahay nabadoon Yaasiin Cabdisamed, kuwaasoo ay dhowaan ciidamada Boolisku xireen.

12/29/2012 9:17 AM EST
Sabti, December 29, 2012 (HOL) — Xildhibaanada baarlamaanka Soomaaliya ayaa maanta ansixiyay wasiir ku xigeennada iyo wasiir u dowlayaashii uu dhawaan soo magacaabay ra'iisul wasaaraha Somalia, Cabdi Faarax Shirdoon (Saacid) kuwaasoo ka koobnaa 25-xubnood.

12/29/2012 8:15 AM EST
Sabti, December 29, 2012 (HOL) — Shirkadda Isgaarsiinta Hormuud oo ka mid ah shirkadaha isgaarsiinta ee ka howgalka dalka ayaa soo bandhigtay maanta oo ay taariikhdu ku beegan tahay 29-ka December adeegga cusub oo Internet kaasoo lagu magacaabo 3G (Third Generation) oo aan horay uga jirin Koonfurta Somalia.

12/29/2012 7:48 AM EST
Sabti, December 29, 2012 (HOL) — Dowladda Soomaaliya ayaa hay'adaha gargaraka ugu baaqday inay caawiyaan shacabka ku dhibaateysan goboka Jubbada Hoose, kaddib markii ay Kismaayo ku tageen laba maalmood oo booqasho ah.

12/29/2012 7:19 AM EST
Sabti, December 29, 2012 (HOL) — Wararka kasoo baxaya degmada Maxaas ee gobolka Hiiraan ayaa sheegaya in dab xoog leh oo sababay khasaare naf iyo maalba leh uu ka kacay dhul keymo ah oo ku yaala deegaanno hoos taga degmada Maxaas.

12/29/2012 7:09 AM EST
Sabti, December 29, 2012 (HOL) — Xarunta baarlamaanka Soomaaliya ayaa lagu dhaariyay maanta laba xidhibaan oo cusub, kuwaasoo bedelay xildhibaanno ka mid ahaa baarlamaanka oo iscasilay, iyadoo aan la ogeyn sababta keenta inay iska casilaan kuraastooda.

12/29/2012 7:03 AM EST
Sabti, December 29, 2012 (HOL) — Madaxweynaha Somaliland, ayaa maanta xadhiga jaray waddo laami ah oo isku xidhi doonta xaafadda Daami, Sheikh Nuur ilaa suuqa dhexe ee magaaladda Hargeysa. Sidoo kale, madaxweynuhu wuxuu dhagax dhigay saldhig loo dhisayo xaafadda Daami oo ay maalgalinayso shirkadda qurxinta guryaha ee Al Nuur, Waxaana munaasibad balaadhan oo halkaasi lagu qabtay ka soo qaybgalay madax dhaqameedka xaafadaasi, siyaasiyiin, qaybaha kala duwan ee bulshadda ee xaafadaasi iyo madaxda sare ee xukuumaddda. Ugu horeyn waxa halkaasi ka hadlay la taliyaha madaxweynaha ee beelaha laga tirada badan yahay Mr:Barkhad jaamac Xirsi, ayaa sheegay in madaxweyne Siilaanyo yahay madaxweynihii u horeeyey ee soo booqda xaafadaasi, isla markaana laamidani tahay laamidii u horeeyey ee xafadaasi laga hirgaliyo taas oo u ku bogaadiyey madaxweynaha.

12/29/2012 6:12 AM EST
Sabti, December 29, 2012 (HOL) — Hay'adda dhakhaatiirta aan xuduudda lahayn ee MSF ayaa ka digtay khatar caafimaad oo ka dhalan karta xeryaha qoxootiga Dhadhaab ee dalka Kenya, halkasoo aanu ka jirin adeeg caafimaad oo dabooli kara baahida halkaas ka jira, ihyadoo dowladda Kenya ay ku cadaadinayso in ka badan 100,00 oo ah Soomaali ku nool magaalooyinka waaweyn ee Kenya inay tagaan xeryaha qoxootiga.

12/29/2012 5:33 AM EST
Sabti, December 29, 2012 (HOL) — Kaddib markii ay hay’adda MSF Swiss si kama dambeys ah u joojisa howlihii ay ka waday isbitaalka guud ee magaalada Baladweyne xarunta gobolka Hiiraan, ayaa waxaa arinta ka hadllay mas’uuliyiinta maamulka gobollka Hiiraan.

12/29/2012 5:31 AM EST
Sabti, December 29, 2012 (HOL) — Garoonka diyaaradaha ee magaalada Boosaaso waxaa ka dhoofay badmaaxiin u dhashay dalka Yemen, kuwaas oo muddo 3 sano ku dhow u afduubnaa kooxo ka tirsan Burcad-badeedka Soomaalida.

12/29/2012 1:23 AM EST
Sabti, December 29, 2012 (HOL) — Ugu yaraan 18 ruux oo 16-qof oo ka mid ah ay yihiin Soomaali ayaa ku geeriyooday 32-ruux oo kalena way ku dhaawacmeen kaddib markii ay ku duntay shamiinto saarnayd gaari si dhuumaaleysi ah loogu waday oo kasoo qaaday deegaan lagu magacaabo Ajdaadiyah kuna socday magaalada Tripoli ee xarunta dalka Liibiya.

12/29/2012 1:22 AM EST
Sabti, December 29, 2012 (HOL) — Nabadoon kamid ahaa kuwa ugu caansan Puntland, laguna magacaabi jirey Maxamuud Aadan Dalab (Goobe) ayaa xalay fiidkii lagu diley magaalada Gaalkacayo ee xarunta gobolka Mudug.

12/29/2012 1:19 AM EST
Sabti, December 29, 2012 (HOL) — Dowladda federaalka dalka Nigeria ayaa sheegtay inay heshiis is-afgarad ah oo ay qayb uga noqonayso howl-galka AMISOM la saxiixatay ururka Midowga Afrika, iyadoo Nayjeeriya ay sheegtay in 140 askari oo booliis ah kaga sugan yihiin Muqdisho.