Sunday, May 19, 2013
Today from Hiiraan Online:  _
Wararka Maanta- Axad, Apr 8 , 2012
Madaxweynaha Somaliland oo guddi wasiirro ah u magacaabay wadahadallo dhexmara Dowladda KMG ah iyo Somaliland

Axad, Abriil 08, 2012 (HOL) — Warsaxaafadeed kasoo saakay oo Axad ah xafiiska madaxweynaha Somaliland, Axmed Maxamed Maxamuud (Siilaanyo) ayaa lagu magacaabay guddi farsamo oo heer wasiir ah, kuwaasoo ka shaqeynaya wadahadallo dhexmara dowladda KMG ah ee Soomaaliya iyo Somaliland.

Qoraalka ayaa lagu sheegay in wasiirradan iyo guddiga ka socda dowladda KMG ah ay ku kulmi doonaan magaalada London ee dalka Britain, balse kuma cadda warka xilliga ay kulmi doonaan.

Wasiirrada ay Somaliland u magacowday u gogol-xaarka wadahadallo dhexmara Dowladda KMG ah ee Soomaaliya iyo Somaliland ayaa waxay kala yihiin:

  1. Wasiirka arrimaha dibadda; Maxamed Cabdullaahi Cumar
  2. Wasiirka arrimaha gudaha; Maxamed Nuur Caraale Duur
  3. Wasiirka Howlaha guud iyo Guriyeynta; Axmed Cabdi Xaabsade
  4. Wasiirka Cadaaladdda; Xuseen Axmed Caydiid
  5. Wasiirka Beeraha; Faarax Cilmi Maxamuud (Geedoole)

Sidoo kale, warsaxaafadeedka waxaa lagu sheegay in Somalilanda ay ka go'an tahay fulinta go'aannadii kasoo baxay shirkii London, iyagoo sheegay in guddigan uu ka qaybgalaya kulan loogu gogol-xaaryo wahadallada.

Waa markii ugu horreysay oo Somaliland ay si buuxda u ogolaato inay wadahadallo la furto dowlad Soomaaliyeed tan iyo markii ay ku dhawaaqday inay ka go'day Soomaaliya inteeda kale sannadkii 1991-kii.

Dhanka kale, madaxweynaha Soomaaliya ayaa horay u sheegay inay guddi u magacabaayaan wadahadallo lala galo Somaliland, inkastoo aanay dowladda KMG ah si rasmi ah ugu dhawaaqin magacyada guddigeeda.

Maxamed Xaaji Xuseen, Hiiraan Onilne
maxuseen@hiiraan.com
Muqdisho, Soomaaliya




Post your comments

Columbus, OHIO: Kooxda Twin City Stars oo ku guuleystay koobkii tartanka Spring Break
4/8/2012 11:18 PM EST
Twin City Stars Minnesota 4 vs 2 ku dardaray Kooxda TSS-Tenn kuna guuleystay Koobkii Spring break Tournament ee Ohio.

Hereri & Hargeisa: Wareysi Capt. Cabdi Maxamed Rodol iyo Axmed Xasan Cowke
4/8/2012 10:25 PM EST
Hereri & Hargeisa oo lagu wareysandoono Duuliye Cabdi Maxamed Rodol iyo wariyaha caanka ah ee Axmed Xasan Cowke

Dagaal culus oo Gobolka Galguduud ku dhaxmaray Xarakada Al-shabaab iyo Ahlusunna Waljameeca
4/8/2012 9:02 AM EST
Axad, Abriil 08, 2012 (HOL) — Dagaal culus oo u dhaxeeya xoogagga Xarrakada Mujaahidiinta Al-shabaab iyo kuwa Culima’udiinka Ahlu Sunna Waljameeca ayaa ka dhacay maanta qeybo ka mid ah gobollka Galguduud ee bartamaha dalka Soomaaliya.

Shirweynihii urur siyaasadeedka WADANI oo maanta si rasmi ah uga furmay Magaalada Hargeysa ee Somaliland
4/8/2012 8:48 AM EST
Axad, Abriil 08, 2012 (HOL) — Shirweynihii urur siyaasadeedka WADANI, ayaa maanta si rasmi ah uga furmay magaaladda Hargeysa,gaar ahaanna Hoolka weyn ee hotel Maansoor.

Taliska AMISOM oo soo bandhigay shax cusub oo afar saldhig oo waaweyn ay uga sameysanayaan Soomaaliya
4/8/2012 8:37 AM EST
Axad, Abriil 08, 2012 (HOL) — Taliyaha ciidamada AMISOM, Jen. Fred Mugisha oo wareysi siiyay BBC Arabic ayaa sheegay in ciidamadooda ay bilaabeen markii ugu horreysay muddo afar sano ah inay ka howlgalaan meel ka baxsan Muqdisho.

Madaxweynaha Somalia oo sheegay in Qaraxii Tiyaatarka uu ku yimid khalad ka dhashay Qabanqaabadii Xaflada
4/8/2012 8:01 AM EST
Axad, Abriil 08, 2012 (HOL) — Madaxweynaha Soomaaliya, Shariif Sheekh Axmed oo xalay koox suxufiyiin iyo fannaaniin ah kula hadlayay madaxtooyada Soomaaliya ayaa sheegay in qaraxii ka dhacay tiyaatarka Muqdisho uu ku yimid khalad ka yimid wasaaradda warfaafinta.

Guddoomiyaha Baarlamaanka iyo Ra'iisul Wasaaraha DKMG oo ka Tacsiyeeyay Geeridii Xildhibaan Mowliid Macaani
4/8/2012 7:23 AM EST
Axad, Abriil 08, 2012 (HOL) — Afhayeenka baarlamaanka Soomaaliya, Shariif Xasan Sheekh Aadan oo ku sugan degmada Baydhabo ee gobolka Bay iyo ra'iisul wasaare C/weli Maxamed Cali oo isna ku sugan Muqdisho ayaa waxay ka tacsiyeeyeen geeridii ku timid xildhibaan Mowliid Macaani Maxamuud.

Safaaradda Somalia ee Liibiya oo shaacisay Magacyada Tahriibayaal ku dhintay Badda u dhexeysa dalalka Liibiya iyo Talyaaniga
4/8/2012 6:51 AM EST
Axad, Abriil 08, 2012 (HOL) — Toddoba ruux oo lix ka mid ah ahaayeen haween ayaa ku geeriyooday dooni ay tahriibayaal Soomaaliyeed la socdeen oo cilladi ay ku qabsatay badda u dhexeysa dalalka Liibiya iyo Talyaaniga.

Masuuliyiintii u xir-xirnaa Musuqmaasuqa oo Cuntadii ka soomay iyo Boqor Buurmadow oo Rumaan sii hayna loo jaray
4/8/2012 6:35 AM EST
Axad, Abriil 08, 2012 (HOL) — Saddexdii masuul ee lagu eedeeyey musuqmaasuqa, ayaa shalay joojiyey cuntaddii, kadib markii ay sheegeen in xadhigooddu yahay mid sharci daro, xadhigoodduna mudadii sharciga ahaa uu dhaafay.

Guddiga Olombikada Soomaaliyeed oo shir wadatashi ah ku yeeshay Muqdisho kaddib geeridii madaxdii Isboortiga Soomaaliyeed
4/8/2012 5:17 AM EST
Axad, April 08, 2012(HOL): Waxaa shalay oo Sabti ahayd 07/04 kulan aan caadi aheyn ku yeeshay guddiga fulinta GOS iyo madaxda xiriirada magaalada Muqdishu.

Al-shabaab oo ku hanjabtay inay dib u qabsanayso Degmooyinkii laga qabsaday ee ku yaalla Koonfurta iyo Bartamaha Somalia
4/8/2012 3:10 AM EST
Axad, Abriil 08, 2012 (HOL) — Xarakada Al-shabaab ayaa sheegtay inay waddo qorshey ay ku doonayso inay dib ugu qabsato degmooyin ku yaalla gobollada bartamaha iyo Koonfurta Soomalaiya oo ay qabsadeen ciidamada DKMG ah iyo kuwa Itoobiya oo iskaashanaya.

Xildhibaan Mowliid Macaani iyo mid ka mid ah la taliyeyaasha ra'iisul wasaaraha Soomaaliya oo ku geeriyooday Nairobi
4/8/2012 2:35 AM EST
Axad, Abriil 08, 2012 (HOL) — Xildhibaan Mowliid Macaani Maxamuud ayaa dhaawac kasoo gaaray qaraxii Arbacadii lasoo dhaafay ka dhacay Tiyaatarka Muqdisho ugu geeriyooday saakay oo Axad ah isbitaalka Aga Khan ee magaalada Nairobi ee dalka Kenya.