Thursday, May 23, 2013
Today from Hiiraan Online:  _
Wararka Maanta- Sabti, Apr 14, 2012
ENG:MAXAMED XAAASHI “Qaran iyo Qabiil meel ma wada fadhiistaan, Qaran wuxuu isku keenaa dadka oo way soo ururiyaa, qabiilkuna waa wax kala kaxeenaya…”


Sabti, April 14, 2012 (HOL)-Wasiirkii hore ee Maaliyadda Eng:Maxamed Xaashi Cilmi,ayaa xalay muxaadiro uu ku wacyigelinayo dhalinyaradda jaamacadaha dhigata ugu jeediyey boqolaal dhalinyaro oo iskugu yimid hotel Maansoor ee magaaaladda Hargeysa.

Munaasibadan oo ay soo agaasimeen ururka UNUGA wadaniyadda Somaliland, ayaa ay ka codsadeen wasiirkii hore maaliyadda inuu uga waramay mudadii uu xilka hayey horumarkii uu gaadhay dhinaca maaliyada iyo cashuur soo ururinta, iyago markii dambana su’aalo ku qotoma waxa uu kula dardaarmay dhalinyaradda halkaasi ka waydiiyey.

Wasiirkii hore maaliyadda Somaliland Eng; Maxamed Xaashi ayaa ka waramay sooyaalkii taariikheed ee Somaliland soo martay, iyo wakhtigii gobonimo doonka ee lixdankii sida ay u shaqaynayeen bulshadii ku dhaqnayd Somaliland iyo sida ay uga fogeyd qabyaaladda, isagoo tilmaamay in dawlada Ingiriiska ay madax banaanidda ka qaateen uu ku yimid isku duubnimada iyo qaranimadda shacabkii wakhtigaasi noolaa oo uu sheegay in aanay qabyaaladdi ka jirin, waxaanu sheegay in wakhtigan oo wax la bartay oo aqoonyahano la yahay dib loogu noqday qabyaaladdii.


 “Qaran iyo Qabiil meel ma wada fadhiistaan, marka  aad eegto kalmada Qaran wuxuu isu keenaa dadka  oo wuu  soo ururiyaa, qabiilkuna waa wax kala kaxeenaya oo reer reer u kala shiraya iyo tafaaruq ayey tahay, waxaan tusaale usoo qaadanaya gumaysigii dalka xukumayey, xisbiyo ayaa jira, waxa ay isticmaali jireen arin qaran oo isku keena, ingiriiska sidii bay ku saareen, marka aad eegto maanta, ingiriisku wuu ka xoog badnaa dawladihii aanu soo marnay, hadana wuu heyn kari waayey ummad isku duuban”ayuu yidhi wasiirkii hore maaliyadda oo ka hadlayey qabiilka iyo Qaranimadu inay kala duwan tahay.

Maxamed Xaashi waxa kale oo uu ka hadlay in wakhtigii ingiriiska Hargeysa laga doortay nin aan reer Hargeysa ahayn markiii dambana la doortay nin ka mid ah beelaha la haybsooco, taasina ay cadaynayso in wakhtigaasi aan qabyaalad wax lagu dooran jirin ee qofka waxa uu yaqaan lagu xulan jiray.

“ israaci Soomaaliya Qiimo weyn ayey inagu taagnaa, waxa aanu ku galnay isku darkii in caasimaddu noqoto Muqdisho, madaxweynuhu noqdo Soomaliya, Ra’isal wasaaruhu noqdo, wasiirka Arrimaha dibadda, arrimaha gudaha, Maaliyadda, labadda taliye ciidan uu noqdo soomaaliya, intaas bay isku wada raacsadeen ayaaanu la galnay sida soomaalinimada u jecleen ayey daliil u ahayd”ayuu raaciyey.


Wasiirkii hore maaliyaddu waxa uu tilmaamay dhibaatadda ay leedahay qabyaaladu waxaanu sheegay in qabyaaladdu tahay eex iyo cadaalad daro, waxaanu dhalinyarada kula dardaarmay inay ka fogaadaan qabyaaladda.

Waxa kale oo uu soo jeediyey in beelaha la haybsooco wax la baro si ummaddu isku dhexgasho, waxa kale oo dhalinyaradu waydiisay in jaamacadda Hargeysa madax ka noqdo si uu horumar la taaban karo uga hirgaliyo, waxaase uu sheegay in uu imika soo cimraysanayo, marka uu soo noqda ay guddida caafimaadka ee cisbitaalka Hargeysa codsadeen inuu la shaqeeyo, waxaanu ardaydii jaamacadaha ku booriyey in wakhtiyadda uu firaaqada yahay xafiisyadooda ugu iman doono sidii uu waayo aragnimaddiisa ugu gudbiyo. 

Waa markii ugu horaysay oo dhalinyaro intaas leeg nin siyaasi ahi muxaadiro ku saabsan waayo aragnimadiisa u jeediyo, iyadoo ay iskugu jireen kuwa dhigta jaamacadaha iyo dhalinyaradaha Hay’adaha madaxa banaan iyo kuwa caalamiga ahba ka shaqeeya.





Barkhad-Ladiif M. Cumar
barkhadladiif@hiiraan.com
Hargeysa, Somaliland




Post your comments

Maxkamadda Gobolka Bari oo Xukunno kala duwan ku ridday dhallinyaro la sheegay inay ka tirsanaayeen Al-shabaab
4/14/2012 8:46 AM EST
Sabti, Abriil 14, 2012 (HOL) — Maxkamadda darajada koowaad ee Gobolka Bari ee Puntland ayaa maanta xukunno dil iyo xabsi isugu jira ku ridday toddoba qof oo la sheegay inay ka tirsanaayeen xoogagga Al-shabaab ee ka dagaalama Soomaaliya.

Dagaal Ciidamada Itoobiya iyo Xoogagga Al-shabaab ku dhexmaray Deegaanno ka tirsan Gobolka Bay ee Koonfurta Soomaaliya
4/14/2012 8:46 AM EST
Sabti, Abriil 14, 2012 (HOL) — Dagaal u dhexeeyay ciidamada Itoobiya iyo xoogagga Al-shabaab ayaa maanta ka dhacay deegaanka Jiiro Mad-Sheekh oo ku dhow degmada Bardaale ee gobolka ee gobolka Bay.

Madaxweynaha Somaliland Axmed Siilaanyo oo ka qaybgalay shirweynaha golaha dhexe ee xisbiga KULMIYE
4/14/2012 8:38 AM EST
Sabti, April 14, 2012 (HOL)- Madaxweynaha Somaliland,Md: Axmed Maxamed Maxamuud Siillaanyo ayaa maanta ka qaybgalay shirweynihi 3aad ee golaha dhexe ee xisbiga taladda haya ee KULMIYE oo ka qabsoomay hotel Maansoor ee magaaaladda Hargeysa.

G/lle Sare Shiikh Aweys Macoow Maxaad oo loo magacaabay U qeybsanaha Arrimaha Milleriga Soomaaliya ee dalka Talyaaniga
4/14/2012 8:24 AM EST
Sabti, April 14, 2012(HOL): U Qeybsanaha Arrimaha Milleteriga ee Soomaaliya G/lle Sare Shiikh Aweys Macoow Maxaad oo fadhigiisu yahay Roma ee dalka Talyaaniga ayaa si rasmi maanta hawshiisi u billaabay...

Xildhibaano eedeeyay Dowladda KMG ah iyo Amisom
4/14/2012 8:19 AM EST
Sabti, Abriil 14, 2012 (HOL) — Xildhibaanno ka tirsan baarlamaanka Soomaaliya oo ku sugan magaalada Nairobi ee dalka Kenya, ayaa dowladda KMG ah iyo AMISOM ku eedeeyay mas'uuliyadda weerarrada argagaxiso ee ka dhacaya Muqdisho.

Hay'adda UNICEF oo Magaalada Muqdisho ka billowday olole lagu tallaalayo Caruurta iyo Haweenka Uurka leh
4/14/2012 7:35 AM EST
Sabti, Abriil 14, 2012 (HOL) — Hay'adda daryeelka caruurta dunida ee UNICEF ayaa maanta ka billowday sideed degmo oo magaalada Muqdisho ka tirsan wajigii hore talaal lagula dagaalamayo lixda cudur ee dila caruurta iyo cudurka teetanada oo laga tallaabayo haweenka uurka leh.

Guddoomiyihii Degmada Cabdul-Casiis ee Gobolka Banaadir oo xilkii Wareejiyay kaddib dagaal dhaliyay dhimasho iyo dhaawac
4/14/2012 7:25 AM EST
Sabti, Abriil 14, 2012 (HOL) — Degmada C/casiis ee gobolka Banaadir ayaa waxaa maanta ka dhacday munaasabad ay xilalka kula kala wareegayeen guddoomiyihii hore ee degmadaas, Yuusuf Cali Xasan (Yuusuf Indhoole) iyo guddoomiyaha cusub, C/llaahi Xasan Fanax, waxaana munaasabaddaas ka qaybgalay guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan).

Guddiga Gurmadka Deegaanka Hosingoow ee Gobolka Jubbada Hoose oo eedeeyay DKMG ah iyo Hay'adaha Samafalka
4/14/2012 7:14 AM EST
Sabti, Abriil 14, 2012 (HOL) — Kulan ay Muqdisho ku yeesheen guddiga gurmadka deegaanka Hoosingoow ee gobolka Jubbada Hoose oo ay ka qaybgaleen mas'uuliyiin ka tirsan dowladda federaalka, xildhibaano, odoyaasha dhaqanka, culmmada, aqoonyahanno, haween iyo dhallinyaro deegaanka kasoo jeeda ayaa waxaa looga hadlay sidii gurmad deg-deg ah loogu fidin lahaa dadka ku nool deegaankaas oo ay soo wajaheen daruufo iyo dhibaatooyin kale.

Haween Muqdisho loogu qabtay Aqoon-isweydaarsi ku saabsan joojinta Qaraxyada iyo dhisidda Qoysas nabadeed
4/14/2012 6:54 AM EST
Sabti, Abriil 14, 2012 (HOL) — In ka badan 150-haween ah oo ka socday qaybaha bulshada ayaa saakay aqoon is-weydaarsi ayaa ka dhacay hoteelka Saxafi ee Muqdisho, iyadoo munaasabadda furitaanka dooddan ay kasoo qeyb-galeen madax ka kala socotay ururrada haweenka, qurba-joogta iyo marti-sharaf lagu casuumay.

Maydka Mid ka mid ah Shaqaalaha Shirkadda Hormuud oo laga helay duleedka Degmada Garbahaarey ee Gobolka Gedo
4/14/2012 3:57 AM EST
Sabti, Abriil 14, 2012 (HOL) — Mid ka mid ah shaqaalaha shirkadda isgaarsiinta ee Hormuud oo lagu magacaabi jiray, C/qaadir Diiriye Maxamuud ayaa maydkisa laga helay Khamiistii lasoo dhaafay duleedka degmada Garbahaarey ee xarunta gobolka Gedo.

Madaxweyne Shariif oo Magaacaabay Guddiga Dowladda KMG Somalia uga qaybgalaya Wadahadallada Somaliland
4/14/2012 2:22 AM EST
Sabti, Abriil 14, 2012 (HOL) — Madaxweynaha Soomaaliya ayaa magacaabay guddi heer wasiir ah oo dowladda KMG ah uga qaybgalaya wadahadallada lala furayo Somaliland, waxaana guddigan uu madax uga dhigay wasiirka arrimaha gudaha iyo ammaanka Qaranka, C/samad Maxamuud Xasan.

Xukuumadda Kenya oo shaacisay inay qabatay ruux gudaha Kenya tababar ku siin jiray xubno taageersan Al-shabaab
4/14/2012 2:21 AM EST
Sabti, Abriil 14, 2012 (HOL) — Dowladda Kenya ayaa sheegtay in Khamiistii lasoo dhaafay ay xirtay Cabdullaahi Cabdulmaajid oo ay sheegtay inuu ahaa ruux tababar ku siin jiray gudaha Kenya xubno ka tirsan Al-shabaab.

Degmooyinka Yaaqshiid iyo Wardhiigley oo xalay siyaabo kala duwan loogu dilay laba qof oo midkood uu rayid ahaa
4/14/2012 2:16 AM EST
Sabti, Abriil 14, 2012 (HOL) — Kooxo hubeysan ayaa xalay laba qof siyaabo kala duwan ugu dilay degmooyinka Wardhiigley iyo Yaaqshiid ee gobolka Banaadir, iyadoo mid ka mid ah labadan qof la sheegay inuu ka tirsanaa dowladda KMG ah.

Hay’adda Laanqeynta Cas ee ICRC oo raashin gargaar ah ka qaybisay qeybo ka mid ah Gobolka Hiiraan
4/14/2012 2:16 AM EST
Sabti, Abriil 14, 2012 (HOL) — Mudo dhowr sano laga joogo kaddib ayay hay’adda ICRC gargaar raashin ah gaarsiiyay dad ku dhibaateysan qeybo ka mid ah gobolka Hiiraan, kuwaasoo inta muddo ah ka cabanayay nolal xumo lasoo dirstay.