2014-08-20
Today from Hiiraan Online:  _
Wararka Maanta- Jimco, Nov 30, 2012
Dowladda Falastiin oo loo ogolaaday in ay kor-jooge ka noqoto Qaramada Midoobay


Jimco, November 30, 2012 (HOL) —Golaha guud ee Qaramada Midoobay ayaa cod aqlabiyad ah ku ansixiyay in sare loo qaado maqaamka ay dowladda Falastiin ku leedahay Qaramada Midoobay islamarkaasina laga dhigo xubin katirsan kor-joogeyaasha Qaramada Midoobay.

138 dowladood ayaa u codeeysay in Falastiin ay kamid noqoto, waxaa kasoo horjeesatay 9 dowladood halka ay ka aamuseen 41 kale.

Madaxweeynaha dowladda Falastiin Max’uud Cabbaas oo qudbad ka jeediyay fadhiga golaha ayaa sheegay in qaraarkani uu yahay fursaddii ugu danbeeysay ee lagu badbaadin lahaa xal ay gaaraan dowladaha falastiin iyo Israa'il.

Xog-hayaha guud ee Qaramada Midoobay Bank Moon ayaa sheegay in go'aanka la gaaray uu adkeynayo wadahadallo markale dhexmara labada dal, isagoona ka codsaday labada dowladood in ay dib u cusbooneysiiyaan dadaalladooda dhinaca wadahadallada ah. 

Ogolaanshaha la siiyay dowladda Falastiin in ay xubin ka ahaato kor-joogeyaasha Qaramada Midoobay ayaa awood u siineysa in ay kamid noqoto hay’adaha caalamiga ah ee UN-ta.

Dowladaha Israa’il iyo Mareykan oo iyagu kamid ahaa 9-ka dowladood ee qaraarka kasoo horjeestay ayaa sheegay in arintani ay caqabad ku noqon doonto hanaanka nabadda labada dal.

Dibadbaxyo waaweyn oo lagu taageerayo go’aanka Qaramada Midoobay ay ku ansixisay qaraarka ayaa waxa ay ka dhaceen qaar kamid ah magaalooyinka waaweyn ee ku yaal dhulka Falastiin.

 

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2012-11-30 10:51 AM EST
Jimco, November 30, 2012 (HOL) —Fanaanadda caanka ah ee Saynab Maxamed Cumar Laba Dhagax ayaa maanta muqdisho soo gaartay kadib safarro ay kusoo bixisay dalalka Kenya iyo Uganda.

2012-11-30 10:42 AM EST
Jimco, November 30, 2012 (HOL)-Madaxweeynaha dowladda Federaalka Soomaaliya Mudane Xasan Sheekh Max’uud iyo wafdigii uu horkacayay ayaa dib ugu laabtay magaalada Muqdisho ee caasimadda dalka Soomaaliya.

2012-11-30 10:01 AM EST
Jimco, November 30, 2012 (HOL)- Madaxweynaha Puntland Dr. Cabdiraxmaan Maxamed Maxamuud Faroole oo shaly magaalada Boosaaso soo gaarey, islamarkaana si weyn loogu soo dhoweeyey, ayaa shir uu Saxaafadda u qabtay kaga hadlay arimo badan.

2012-11-30 10:00 AM EST
Jimco, November 30, 2012 (HOL)- Madaxweynaha Puntland oo maalintii labaad ku sugan magaalada Boosaaso ee xarunta gobolka Bari ayaa maanta soo kormeeray dekedda magaalada Boosaaso isaga oo ay weheliyeen xubno ka tirsan golahiisa wasiirada.

2012-11-30 6:41 AM EST
Khamiis, November, 29, 2012 (HOL)-guud ahaan sanaaduuqdii codbixinta ee golaha deegaanka ayaa xalayba la wada tiriyey, iyadoo magaaladda Hargeysa ilaa tobankii habeenimo la dhameeyey, isla markaana lagu wareejiyey xarunta guud ee Guddida Doorashooyinka.

2012-11-30 4:00 AM EST
Jimco, November 30, 2012 (HOL) —Dagaal culus oo sababay khasaarooyin kala duwan ayaa ka dhacay nawaaxiga degmada Xudur ee gobolka Bakool, iyadoona dagaalku uu u dhexeeyay xoogagga Al-shabaab iyo ciidamada dowladda federaalka Soomaaliya.

2012-11-30 2:51 AM EST
Jimco, November 30, 2012 (HOL) —Maamulka ururka Ahlusunna ee degmada Beledxaawo ayaa gacanta ku dhigay xoolo fara badan oo loo iibgeeyay degmadaasi, kuwaasoo maamulku sheegay in ay leeyihiin Al-shabaab