2014-10-25
Today from Hiiraan Online:  _
Wararka Maanta- Khamiis, Jun 21, 2012
Wada hadalladii Somalia iyo Somaliland oo la soo gebagebeeyay, qodobbana laga soo saaray



Khamiis, June 21, 2012(HOL): Shirkii Somalia iyo Somaliland labada maalmood uga socday Magaalada London ee dalka Britain ayaa la soo gebagebeeyay, iyadoo shirkana ay soo baxeen qodobbo dhowr ah, kuwaasi oo ay labada dhinac ku heshiiyeen.

Qodobadda ay labada dhinac ku heshiiyeen ayaa waxaa ka mid ah

In labada madaxweyne ee labada dhinac ay si dhaqsi ah isu arkaan si ay horay ugu sii wadaan wixii qabsoomay iyo mustaqbalka waxyaabaha horyaalla.

In Wada hadallada Somalia iyo Somaliland ay sii socdaan, ayna ka dhex socdaan Somaliland iyo TFG ama dowladdii bedesha.

 In labada dhinac ay iska kaashadaan la dagaallanka argagixisada, burcad badeedda iyo cid kasta oo dooneyso  in ay sun ku aasto xeebaha Soomaaliya.

In ay si wadajir ah uga hortagaan wax kasta oo wiiqi kara wada hadallada labada dhinac u billowday.

In ay Beesha Caalamka  ugu baaqayaan in ay fududeyso in ay wada hadallada sii socdaan, ayna ku kordhiso khubarro dhinacyada dhaqaalaha iyo amniga ah.

In ay ku heshiiyeen in ay labada dhinaca is-dhaafsadaan wixii waayo-aragnimo ah oo ku saabsan la xiriirka beesha caalamka, gaar ahaan marka ay timaado arrimaha horumarinta, gargaarka bani’aadannimada  iyo caawinta dadka Somalia iyo Somaliland


Mustaqbalka dhow ayaa la filayaa in madaxda sare ee Somalia iyo Somaliland ay is-arkaan si wada hadallada hadda billowday horay loogu sii wado, waxayna wada hadalladani yihiin kuwo la soo wada dhaweynayo oo loo baahnaa in xilli hore ay billowdaan maadaama labada dhinac ay yihiin dad aanan u baahneyn in loo  kala turjumo.

Wada hadallada ay labada dhinac yeesheen ayaa waxay ka dambeeyeen shirkii February sanadkan lagu qabtay magaalada London ee looga hadlay arrimaha Soomaaliya, kaasi oo madaxdii ka qeybgashay ee caalamka ka socotay ay ugu baaqeen Somalia iyo Somaliland in ay wada hadallo yeesheen, si ay u dhammeeyaan mad-madowga dhexdooda yaalla.


Intii uu socday Shirkii 23-kii February ee sanadkan London ka dhacay ayay madaxdii ka qeybgashay ballanqaadeen in ay la dagaallami doonaan argagixisada iyo burcad badeedda bariga Afrika, hayeeshee dowladda Soomaaliya ayaa shirkaas  looga soo jeediyay dalab ah in waqtiga ka harsan xilliga KMG ah in ay ku soo af-jarto ama ay ku dhammeyso arrimaha roadmap-ka, si Soomaaliya loogu helo dowlad buuxda.

Waa wada hadalladii ugu horreeyay oo Somalia iyo Somaliland toos u dhexmaray tan iyo wixii ka dambeeyay markii ay Somaliland gooni isaga taagtay Somalia inteeda kale, waxaana la rajeynayaa in haddii labada dhinac ay si daacad ah u wada shaqeeyaan ay ugu dambeynta soo baxdo natiijo wax ku ool ah.







Halkan ka fiirso Qodobada ay dhinacyadu ku heshiiyeen

Ibrahim Cumar Baafo, Hiiraan Online
Ibrahim.mohamed@hiiraancom
London, UK





Post your comments

2012-06-21 11:14 AM EST
Khamiis, June 21, 2012(HOL): Madaxweynaha Dowladda Puntland eeSomalia Dr. Cabdiraxman Maxamad Maxamud (Faroole) ayaa booqasho rasmi ah ku tegay Magaalada Jigjiga ee caasimadda Dowladda Deegaanka Somalida ee dalkaEthiopia, iyadoo uu kulamo muhiim ah la yeeshay madaxda Dowladda DeegaankaSomalida (DDS) ee dalka Ethiopia.

2012-06-21 8:42 AM EST
Khamiis, June 21, 2012 (HOL) — Madaxweyne ku xigeenka Somaliland, C/raxmaan Cabdillaahi Ismaaciil (Saylici) ayaa ka warbixiyay safarkii shaqo oo uu kusoo maray dalalka Sweden, Jabuuti iyo Itoobiya.

2012-06-21 8:31 AM EST
Khamiis, June 21, 2012 (HOL) — Qoraal ay soo saareen waxgaradka degmada Buur-hakaba ee gobolka Bay ayay ku dhaliileen doorka samafal ee NGO-ga maxalliga ah ee lagu magacaabo SARDO oo xiriir wadashaqeyneed la leh hay’ada Qaramada Midoobay u qaabilsan dhinacyada cunnada iyo beeraha ee FAO.

2012-06-21 8:09 AM EST
Khamiis, June 21, 2012 (HOL) — Booliiska dalka Malawi ayaa sheegay in 47 ruux oo Soomaali ah ay maydadkooda kasoo saareen harada Malawi (Lake Malawi) welina ay ku maqan yihiin kuwo kale oo doonida la socday.

2012-06-21 7:54 AM EST
Khamiis, June 21, 2012 (HOL) — Saakay waabarigii hore ayaa waxaa magaalada Beledweyne ee xarunta gobolka Hiiraan ka dhacay qarax illaa hadda aan la kala ogeyn inuu ahaa bam kuwa gacanta laga tuuro ah iyo miinooyinka meelaha fog laga hago.

2012-06-21 7:48 AM EST
Khamiis, June 21, 2012 (HOL) — Idiris Siciid Maxamed oo muwaadin Qurbo-joog ah oo marti ku ahaa guri habeen dhawayd Ciidamadda Boolisku baaray ayaa sheegay in illaa hadda alaabtiisa ay bari maqan tahay, isla markaana meel uu u dacwooda iyo cid haysa aanu garanayn, kaddib markii qoloba-qolo ku tuurtay.

2012-06-21 7:42 AM EST
Khamiis, June 21, 2012 (HOL) — Hay'adda dhaqaatiirta aan xuduudda lahayn ee MSF ayaa warsaxaafadeed ay soo saartay maanta oo Khamiis ah waxay ku sheegtay in xeryaha qoxootiga Dhadhaab ee dalka Kenya ahayn goob magangalyo ahaan loo joogi karo.

2012-06-21 7:01 AM EST
Khamiis, June 21, 2012 (HOL) — Wasiirka difaaca Soomaalia ayaa sheegay maanta in lamaane u dhashay dalka Koonfur Afrika oo kooxo burcad-badeed Soomaaliyeed ah ay afduubeen ku qabsadeen muddo 20-bilood laga joogo ayaa xorriyadooda dib loogu soo celiyay, waxayna labadan lamaane ay noqonayaan kuwii ugu waqtiga dheeraa oo Soomaaliya lagu haysto.

2012-06-21 6:35 AM EST
Khamiis, June 21, 2012 (HOL) — Dagaalyahanno katirsan xoogagga Al-shabaab ayaa xalay 3:30 aroornimo waxa ay weerar isugu jira madaafiic iyo hub fudfudud ku qaadeen degmada Beledxaawo oo ay gacanta ku hayaan ciidamada dowladda KMG ee Soomaaliya.

2012-06-21 3:47 AM EST
Khamiis, June 21, 2012 (HOL) — Ugu yaraan saddex wiil oo dhallinyaro ah ayaa ku dhintay mid kalena dhaawac halis ah ayaa kasoo gaaray weerar ay koox hubeysan xalay ku qaadeen guri ku yaalla xaafadda Suuqa Xoolaha ee degmada Huriwaa.

2012-06-21 3:42 AM EST
Khamiis, June 21, 2012 (HOL) — Afhayeenka Xarakada Al-Shabaab Sheekh Cali Maxamuud Raage (Sheekh Cali Dheere) ayaa ka sheegay in Soomaaliya ay xiligan ka jiraan laba dowladood oo kala madax-bannaan.

2012-06-21 3:20 AM EST
Khamiis, June 21, 2012 (HOL) — Ra'yi ururin la sameeyay ayaa lagu ogaaday in 75% dadka Soomaaliyeed ay taageersan yihiin dastuurka qabyo-qoraalka ah ee loo sameynayo Soomaaliya, iyadoo dadku ay diidmo ka muujiyeen in haweenka ay loo ogolaado inay jagooyinka sarsare ee dowladda qabtaan.

2012-06-21 3:09 AM EST
Khamiis, June 21, 2012 (HOL) — Ehellada askari ka tirsan ciidamada dowladda KMG ah oo maxkamadda ciidamada dowladdu ay ku xukuntay dil toogasho ayaa ka cabanaya qaabka uu xukunku u dhacay, iyagoo sheegay in xukunkaas uu ahaa mid aan cadaaladda waafaqsanayn.

2012-06-21 2:38 AM EST
Khamiis, June 21, 2012 (HOL) — Wararka laga helayo magaalada London ee dalka Britain ayaa sheegaya in shirkii uga furmay ergooyinka ka socday Soomaaliya iyo Somaliland ee ka furmay duleedka bari ee magaaldaas aan wax natiijo ah weli laga gaarin.

2012-06-21 2:36 AM EST
Khamiis, June 21, 2012 (HOL) — Saxiixayaasha khariidadda nabadda ama Roadmap-ka Soomaaliya oo shir ku leh magaalada Nairobi ee dalka Kenya ayaa waxay si aad ah uga doodeen dastuurka oo dhowr jeer ay horay isugu khilaafeen.