2014-08-22
Today from Hiiraan Online:  _
Wararka Maanta- Axad, Dec 9 , 2012
Ciidamada Dowladda Somalia iyo AMISOM oo si Rasmi ah ula Wareegay Gacan ku haynta Magaalada Jowhar


Axad, December 09, 2012 (HOL) — Ciidamada dowladda Soomaaliya iyo kuwa AMISOM ayaa si rasmi ah ula wareegay gacan ku haynta degmada Jowhar ee xarunta gobolka Shabeellada dhexe; kaddib markii xoogagga Al-shabaab ay isaga baxeen aroornimadii hore ee maanta oo Axad ah.

Goobjoogayaal ku sugan degmada Jowhar ayaa sheegay in ciidamada dowladda ay dhinaca Koonfureed ka galeen degmada, inkastoo ciidamada isbahaysanaya ay la wareegeen degmada Mahadaay iyo garoonka diyaaradaha Jowhar oo dhinaca waqooyi ka xiga degmadaas.

"Degmada Jowhar waxaa ku sugan ciidamada dowladda iyo kuwa AMISOM oo wata gaadiidka dagaalka oo fara badan, dadka intooda badan guryahooda ayay ku jiraan, waxaase jira dad magaalada dhexmaraya," ayuu yiri goobjooge la hadlay HOL oo diiday in magaciisa uu sheego.

Sidoo kale, goobjooguhu wuxuu sheegay in qarax weyn uu ka dhacay buundada kala qaybisa magaalada, iyadoo aan la ogeyn khasaaraha ka dhashay qaraxaas, iyadoo xilliga qaraxa uu dhacayay ay buundada agteeda ku sugnaayeen ciidammo ka tirsan kuwa dowladda Soomaaliya.

Ciidamada dowladda iyo kuwa AMISOM ee wadajirka u galay degmada Jowhar ayaa muujinaya feejignaan dheeraad ah, iyagoo ka baqdin qaba in la wareerao, iyadoo aan la ogeyn halka ay aadeen xoogaggii -shabaab ee degmadaas ka talinayay.

Degmada Jowhar oo 90-km u jirta Muqdisho ayaa waxay ka mid noqonaysaa dhowr degmo oo Al-shabaab laga qabsaday sannadkan, kuwaasoo ay ka mid yihiin, Marko, Baydhabo, Kismaayo, Afgooye, Balcad iyo Wanlaweyn.

Saraakiisha dowladda Soomaaliya ayaa sheegay inay degmadaas ku galeen dagaal la'aan, waxayna guul weyn ku tilmaameen qabsashadeeda, inkastoo AMISOM aysan weli ka hadlin qabsashada degmada Jowhar.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2012-12-09 7:25 AM EST
Axad, December 09, 2012 (HOL) — Guddoomiyaha xisbiga talada haya ee KULMIYE, Muuse Biixi Cabdi ayaa beeniyay in xisbigiisu uu ku shubtay codadkii doorashada Somaliland ee bishii hore dhammaadkeeda la qabtay, isagoo sheegay in haddii ay cabsho jirto loo baahan yahay in laga dacwoodo maxkamadaha dalka.

2012-12-09 6:37 AM EST
Axad, December 09, 2012 (HOL) — Ciidamada booliska Kenya ayaa howlgallo ballaaran oo ay shalay ilaa xalay ka sameeyeen xaafadda Islii ku qab-qabtay in ka badan 300 oo qof oo u badan Soomaalida ku dhaqan xaafadda Islii.

2012-12-09 6:33 AM EST
Axad, December 09, 2012 (HOL) — Afhayeenka AMISOM ayaa xaqiijiyay in AMISOM iyo ciidamada dowladda Soomaaliya ay la wareegeen gacan ku haynta degmada Jowhar oo 90-km dhinaca waqooyi kaga beegan Muqdisho, sidoo kale afhayeenka Al-shabaab ayaa isaguna sheegay inay xeelad dagaal uga baxeen Jowhar.

2012-12-09 2:03 AM EST
Axad, December 09, 2012 (HOL) — Wararka saakay laga helayo degmada Jowhar ee xarunta gobolka Shabeellada Dhexe ayaa sheegaya in xoogaggii Al-shabaab ay intooda badan isaga baxeen degmadaas iyadoo sii daayay maxaabiistii ay gacanta ku hayeen.

2012-12-09 1:51 AM EST
Axad, December 09, 2012 (HOL) — Hal qof ayaa ku dhintay ku dhawaad shan qof oo kalena dhaawacyo kala duwan ayaa kasoo gaaray bambaano xalay fiidkii lagu weeraray shineemo Muqdisho oo ku taalla degmada Wadajir, xilli halkaas lagu daawanaya ciyaaro iyo filimaan kale.