2014-07-24
Today from Hiiraan Online:  _
Wararka Maanta- Jimco, Dec 7 , 2012
Qarax uu ku dhaawacmay Xildhibaan Yusuf Xasan ayaa ka dhacay Xaafadda Islii ee magaalada Nairobi



Yusuf Xasan, Xildhibaanka laga soo doorto deegaanka Kamkunji ee magaalada Nairobi


Jimco, December 07, 2012  (HOL) - laba qofood ayaa ku dhintay toban kalena waa ay ku dhaawacmeen qarax loo maleynayo bombka  gacanta laga tuuro oo lala beegsaday Masaajidka Al-Hidaaya ee waddada Jaam Street ee xaafdda Eastleigh.

Dadka uu dhawaaca ka soo gaaray ayaa waxaa ka mid ah Xildhibaan Yusuf Xasan oo ah mudane laga soo doortay deegaanka Kamkunji ee magaalada Nairobi, iyadoo xildhibaanka iyo dadka kale ee la dhaawacmay ay ku sugnaayeen nawaaxig masjidka Al-Hidaaya. Dhaawaca Xildhibaan Yusuf Xasan ayaa waxaa loo qaaday Isbitaalka Aga Khan.

Goobtii uu qaraxaas ka dhacay ayaa waxaa la soo dhoobay ciidamada ammaanka ee dalka Kenya. Sidoo kalena ganacsigii xaafadda Islii ayaa gabi ahaanba xirmay, waxaana aad u kacsan xaaladda xaafadda Islii ee magaalada Nairobi oo dhawaanahanba ay xaaladdeedu ahayd mid cakiran

Wixii khasaare kale oo uu geystay qaraxan kula soco wararkeena dambe haddii Alle idmo.

Salaad Iidow Xasan (Xiis), Hiiraan Online
sxiis@hiiraan.com





Post your comments

2012-12-07 8:04 AM EST
Jimco, December 07, 2012 (HOL) — Maamulka gobolka Banaadir ayaa sheegay in hay'adda horumarinta caalamiga ah ee Turkiga [TIKA] ay dib u dhis ku sameyn doonto waddooyinka magaalada Muqdisho oo aan wax dayactir ah lagu sameyn tan iyo markii ay dhacday dowladdii dhexe ee Soomaaliya 1991-kii.

2012-12-07 7:21 AM EST
Jimco, December 07, 2012 (HOL) — Afduubyadii ay burcadbadeedda Soomaalidu ka geysan jireen xeebaha Soomaaliya ayaa sannadkan 2012 uu aad hoos ugu dhacay sida ay sheegtay hay'adda la socodka badaha bariga Afrika oo fadhigeedu yahay magaalada Mombassa ee dalka Kenya.

2012-12-07 2:59 AM EST
Jimco, December 07, 2012 (HOL) — Hal qof ayaa ku dhintay, ilaa lix qofna way ku dhaawacmayn rabshado xalay ka dhacay magaaladda Hargeysa ka dib markii lagu dhowaaqay natiijadii doorashadda golaha deegaanka ee magaaladda Hargeysa sida ay noo xaqiijiyeen hawl-wadeenadda caafimaadka ee Adna Cisbitaal oo la dhigay dhawaaci.

2012-12-07 2:59 AM EST
Jimco, December 07, 2012 (HOL) — Ururka dhallinyarada SYL II ayaa bandhig lagu dhiiri-galinayo dhaqanka iyo afka Soomaaliga ku qabtay Muqdisho, bandhigan oo ay kasoo qeyb-galeen agaasimaha wasaaradda waxbarashada, hidaha iyo tacliinta Sare, Ismaaciil Macalin Cabdullahi ayaa si aad ah u soo dhaweeyay bandhigga sheegayna in wasaaradu ay dhiiri-gallin doonto dhaqanka Soomaaliyeed iyo afkaba.

2012-12-07 2:52 AM EST
Jimco, December 07, 2012 (HOL) — Madaxweynaha Soomaaliya, Xasan Sheekh Maxamuud ayaa xalay magaalada Istanbuul ee dalka Turkiga kulan kula yeeshay ra'iisul wasaaraha dalkaas Recep Tayyip Erdogan, iyagoo kawada hadlay sidi xiriirka labada dal loo xoojin lahaa.

2012-12-07 2:49 AM EST
Jimco, December 07, 2012 (HOL) — Taliyaha ciidanka booliiska degmada Baydhabo ee gobolka Bay, Col. Mahad C/raxmaan Aadan ayaa sheegay in sarkaal ka tirsan hay'adda FAO oo ay gacanta ku hayaan loo haysto dambi ah inuu la shaqeyn jiray Al-shabaab.

2012-12-07 2:49 AM EST
Jimco, December 07, 2012 (HOL) — Komishanka ama guddiga doorashooyinka Somaliland ee magaaladda Hargeysa, ayaa ku dhawaaqay natiijadii degmooyinka magaaladda Hargeysa, kaas oo si weyn loo hadal hayey.