2014-09-02
Today from Hiiraan Online:  _
Wararka Maanta- Talaado, Dec 4 , 2012
Dowladda Seychelles oo maamulka Puntland kusoo wareejisay maxaabiis horay loogu xukumay Burcad-badeednimo



Talaado, December 04, 2012 (HOL)- Garoonka diyaaradaha ee magaalada Boosaaso waxaa maanta laga soo dejiyey 5 maxbuus oo in muddo ah ku jirey xabsi ku yaalla Seychelles, kadib markii ay maxkamadi ku riddey xukunno kala duwan oo la xiriira falal Burcad-badeednimo oo ay ku lug lahaayeen.

 

Raggan oo diyaarad gaar ah lagu keenay, waxaa gudaha garoonka kula wareegey mas'uuliyiin ka tirsan Puntland oo ay kamid ahaayeen Taliyaha ciidamada asluubta Gen. Cali Nuur iyo wasiir ku-xigeenka wasaaradda dekedaha, gaadiidka badda iyo ladagaalanka Burcad-badeeda.

 

Shantan nin oo labo kamid ahi ay kasoo jeedaan deegaanada Puntland, sadexda kalena ay kasoo jeedaan gobollada dhexe ee dalka ayaa ka hadlay dareenkooda ku aadan in ay dalkooda hooyo mar kale dib ugu soo laabtaan, waxayna sheegeen inay aad ugu faraxsan yihiin muddo dheer kadib in ay ciidooda soo caga dhigtaan.

 


Taliyaha ciidamada asluubta Puntland Gen.Cali Nuur oo isagu soo wareejinta raggan warbaahinta uga warbixiyey, ayaa sheegay in arintani ay qayb ka tahay heshiis ay horay u galeen maamullada ka jira Soomaaliya iyo qaar kamid ah dalalka ay ku xiran yihiin dadka loo qabtay falalka la xiriira Burcad-badeednimada.

 

Gen. Cali Nuur ayaa intaas raaciyey in ujeedada maxaabiistan dhinaca Puntland loo keenay ay tahay sidii ay inta xukunkooda uga dhiman dalkooda ugu qaadan lahaayeen, maadaama ay ku jiraan qaar muddadii ay dalka Seychelles ku xirnaayeen xabsiga aad ugu xanuunsaday.

 

Dhinaca kale waxaa isla maanta madaxweynaha Puntland Dr. Cabdiraxmaan Maxamed Maxamuud Faroole -oo weli magaalada Boosaaso ku sugani uu xarigga ka jaray qayb cusub oo lagu soo kordhiyey xabsiga weyn ee magaalada Boosaaso. Qaybtan ayaa ah mid loogu tala galay in lagu xiro Burcad-badeed 40 qof kor u dhaafaya oo shanta maanta la keenay ay ugu horreeyaan.

 


Wuxuuna madaxweynuhu sheegay in arintani ay faa'iido weyn u tahay qoysaska ay raggani kasoo jeedaan, isagoo xusay in si wanaagsan loola dhaqmi doono, muddada ay xabsiga ku jiraanna loo sameyn doono dhaqan celin; si marka la sii daayo ay bulshada ula jaan qaadaan.

 

Waa markii ugu horeysey oo maxaabiis u xiran arimo Burcad-badeednimo oo dalka dibaddiisa lagu xukumay lagu soo wareejiyo Puntland, waxayna arintani kusoo aadeysaa xilli isla maanta sidan oo kale maamulka Soomaaliland loogu wareejiyey 9 nin oo iyaga laga keenay dhinaca Seychelles.

 

Maxamed Salaad Xaaji Dirir, Hiiraan Online

xaajidirir@hiiraan.com

Puntland, Soomaaliya





Post your comments

2012-12-04 8:43 AM EST
Talaado, December 04, 2012 (HOL) — Sarkaal u hadlay Qaramada Midoobay ayaa sheegay maanta oo Salaaso ah in xaaladda bani'aadamnimo ee Soomaaliya ay weli tahay mid khatar ah, balse ay jiraan rajooyin ka dhalanaya isbedel siyaasadeed iyo midka ammaan ee dalka ka hirgalay.

2012-12-04 8:36 AM EST
Talaado, December 04, 2012 (HOL) — Kooxda Xuquuqda aadamaha ee Midawga Yurub, Norway, Switzerland iyo Maraykanka ayaa ku baaqay in wax laga qabto meel ka dhacyada ka dhanka ah saxaafadda iyo weliba xad-gudubyada ku dhisan jinsiga.

2012-12-04 7:21 AM EST
Talaado, December 04, 2012 (HOL) — Taliyaha ciidamada ilaalada waddooyinka, Jen. Cali Xirsi Barre (Cali-gaab) ayaa ka hadlay dhaawac fudud oo uu u geystay askari la sheegay inay isbaaro u taallay jidka 21-Oktoobar ee degmada Waabeir ee Magaalada Muqdisho.

2012-12-04 6:56 AM EST
Talaado, December 04, 2012 (HOL) — Maxaabiis budhcad badeed ah oo lagu soo maxkamadeeyey dalka Seychelles ayaa shalay lagu soo wareejiyey gacanta Somaliland.

2012-12-04 5:42 AM EST
Talaado, December 04, 2012 (HOL) —Kooxo ku hubeysan baastoolado ayaa shalay gelinkii danbe toogasho ku dilay Sheekh siweyn looga yaqaanay magaalada Baardheere xilli uu kusii jeeday masaajid.

2012-12-04 3:19 AM EST
Talaado, December 04, 2012 (HOL) — AMISOM ayaa sheegtay inay qaadayso tallaabo lagu adkeynayo ammaanka jidka isku xirta magaalada Marko ee xarunta gobolka Shabeellada Hoose iyo deegaanka Lambar 50 ee isla gobolka Shabeellada hoose, kaddib laba weerar lagu qaaday gaadiid kolonyo ah oo waday wasiirro ka tirsan xukuumadda Soomaaliya oo ka dhacay waddadaas.

2012-12-04 3:01 AM EST
Talaado, December 04, 2012 (HOL) — Ra'iisul wasaaraha Soomaaliya, Cabdi Faarax Shir-doon (Saacid) oo warbaahinta la hadlay ayaa sheegay in wafdiyo heer wasiir ah ay xukuumaddiisu u dirayso gobollada dhexe iyo magaalada Kismaayo oo uu weli ka taagan yahay muran dhinaca maamulka ah.

2012-12-04 2:42 AM EST
Talaado, December 04, 2012 (HOL) — Ugu yaraan sideed askari oo ka tirsanaa ciidamadii dagaalamay ayaa ku dhintay tiro kalena way ku dhaawacmeen dagaal culus oo ciidamada dowladda Soomaaliya iyo xoogagga Al-shabaab ku dhexmaray deegaanka Garsaale oo ku dhow degmada Jowhar ee xarunta gobolka Shabeellada Dhexe.

2012-12-04 2:25 AM EST
Talaado, December 04, 2012 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo afar wasiir ay ku jiraan ayaa maanta u dhoofay dalka Turkiga, waxaana wafdigan sii sagootiyay guddoomiyaha baarlamaanka Soomaaliya, Prof. Maxamed Cismaan Jawaari.