2014-09-30
Today from Hiiraan Online:  _
Wararka Maanta- Talaado, Dec 4 , 2012
AMISOM oo Shaacisay inay Qaadayso Tallaabo ay ku adkenayso Ammaanka Jidka isku xira Marko iyo Lambar 50


Talaado, December 04, 2012 (HOL) — AMISOM ayaa sheegtay inay qaadayso tallaabo lagu adkeynayo ammaanka jidka isku xirta magaalada Marko ee xarunta gobolka Shabeellada Hoose iyo deegaanka Lambar 50 ee isla gobolka Shabeellada hoose, kaddib laba weerar lagu qaaday gaadiid kolonyo ah oo waday wasiirro ka tirsan xukuumadda Soomaaliya oo ka dhacay waddadaas.

Kolonyo gaadiid ah oo ay la socdeen wasiirka arrimaha gudaha, C/kariin Xuseen Guuleed, wasiirka gaashaandhigga, C/xakiin Maxamuud Xaaji Fiqi iyo wasiirka garsoorka, C/llaahi Abyan Nuur ayaa shalay lagu weeraray inta u dhexeysa Marko iyo Muqdisho, iyadoo dagaalkaas uu khasaare kasoo gaaray ilaaladii wafdiga.

"Ciidamada AMISOM waxay ka shaqeynayaan sidii ay shacabka Soomaaliyeed ku heli lahaayeen ammaan, taasna way sii socoonaysaa. Sidoo kale ciidamadeennu waxay kala shaqeynayaan dowladda Soomaaliya sidii amaanka dalka oo dhan lagu xaqiijin lahaa," ayuu taliyaha AMISOM, Jen. Andrew Gutti ku yiri warsaxaafadeed ay soo saareen.

Taliyuhu wuxuu sheegay in Al-shabaab looga adkaaday dagaalladii lagula galay gobollada Koonfurta Soomaaliya, lana sii wadayo sidii lagu xaqiijin lahaa goobaha yaryar ee ay weerarrada ka geystaan. Isagoo xusay in weerarkii dhacay uu ahaa mid ku dhacay qaab dhuumaaleysi ah.

"AMISOM waxay sii wadi doontaa taageerada ay dowladda Soomaaliya siinayso ee ku aaddan dhismaha ciidamada xoogga dalka iyo sidii Al-shabaab looga saari lahaa dalka oo dhan," ayuu Jen. Gutti hadalkiisa ku daray.

Ugu dambeyn, warsaxaafadeedka AMISOM waxaa lagu sheegay in ciidamada dowladda Soomaaliya iyo kuwa Midowga Afrika oo iskaashanaya ay Al-shabaab ka saareen deegaanno badan oo ku yaalla Koonfurta Soomaaliya uuna howgalka sii socon doono inta Al-shabaab laga adkaanayo.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

2012-12-04 11:46 AM EST
Talaado, December 04, 2012 (HOL)- Garoonka diyaaradaha ee magaalada Boosaaso waxaa maanta laga soo dejiyey 5 maxbuus oo in muddo ah ku jirey xabsi ku yaalla Seychelles, kadib markii ay maxkamadi ku riddey xukunno kala duwan oo la xiriira falal Burcad-badeednimo oo ay ku lug lahaayeen.

2012-12-04 8:43 AM EST
Talaado, December 04, 2012 (HOL) — Sarkaal u hadlay Qaramada Midoobay ayaa sheegay maanta oo Salaaso ah in xaaladda bani'aadamnimo ee Soomaaliya ay weli tahay mid khatar ah, balse ay jiraan rajooyin ka dhalanaya isbedel siyaasadeed iyo midka ammaan ee dalka ka hirgalay.

2012-12-04 8:36 AM EST
Talaado, December 04, 2012 (HOL) — Kooxda Xuquuqda aadamaha ee Midawga Yurub, Norway, Switzerland iyo Maraykanka ayaa ku baaqay in wax laga qabto meel ka dhacyada ka dhanka ah saxaafadda iyo weliba xad-gudubyada ku dhisan jinsiga.

2012-12-04 7:21 AM EST
Talaado, December 04, 2012 (HOL) — Taliyaha ciidamada ilaalada waddooyinka, Jen. Cali Xirsi Barre (Cali-gaab) ayaa ka hadlay dhaawac fudud oo uu u geystay askari la sheegay inay isbaaro u taallay jidka 21-Oktoobar ee degmada Waabeir ee Magaalada Muqdisho.

2012-12-04 6:56 AM EST
Talaado, December 04, 2012 (HOL) — Maxaabiis budhcad badeed ah oo lagu soo maxkamadeeyey dalka Seychelles ayaa shalay lagu soo wareejiyey gacanta Somaliland.

2012-12-04 5:42 AM EST
Talaado, December 04, 2012 (HOL) —Kooxo ku hubeysan baastoolado ayaa shalay gelinkii danbe toogasho ku dilay Sheekh siweyn looga yaqaanay magaalada Baardheere xilli uu kusii jeeday masaajid.

2012-12-04 3:01 AM EST
Talaado, December 04, 2012 (HOL) — Ra'iisul wasaaraha Soomaaliya, Cabdi Faarax Shir-doon (Saacid) oo warbaahinta la hadlay ayaa sheegay in wafdiyo heer wasiir ah ay xukuumaddiisu u dirayso gobollada dhexe iyo magaalada Kismaayo oo uu weli ka taagan yahay muran dhinaca maamulka ah.

2012-12-04 2:42 AM EST
Talaado, December 04, 2012 (HOL) — Ugu yaraan sideed askari oo ka tirsanaa ciidamadii dagaalamay ayaa ku dhintay tiro kalena way ku dhaawacmeen dagaal culus oo ciidamada dowladda Soomaaliya iyo xoogagga Al-shabaab ku dhexmaray deegaanka Garsaale oo ku dhow degmada Jowhar ee xarunta gobolka Shabeellada Dhexe.

2012-12-04 2:25 AM EST
Talaado, December 04, 2012 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo afar wasiir ay ku jiraan ayaa maanta u dhoofay dalka Turkiga, waxaana wafdigan sii sagootiyay guddoomiyaha baarlamaanka Soomaaliya, Prof. Maxamed Cismaan Jawaari.