3/28/2024
Today from Hiiraan Online:  _
Wararka Maanta- Isniin, Dec 31, 2012
Xiisad Dagaal oo ka taagan Degmada Baardheere ee Gobolka Gedo

Isniin, December 31, 2012 (HOL) —Xaalad kacsanaan ah ayaa laga soo sheegayaa magaalada Baardheere ee gobolka Gedo, halkaasoo ay gacanta ku hayaan xoogagga Xarakada Al-shabaab.

Ciidamada dowladda Soomaaliya iyo kuwa Kenya ee isgarabsanaya ayaa lagu soo waramayaa in deegaanada ku dhowdhow degmadaasi ay ka wadaan dhaqdhaqaaqyo aad u xooggan oo ay ku doonayaan in ay kusoo weeraraan magaalada Baardheere.

Goobjooge ka gaabsaday in magaciisa la xigto ayaa HOL u sheegay in magaalada ay ka jirto xaalad kacsanaan ah, wuxuuna xusay in xoogagga Al-shabaab ay wadaan diyaargarow aad u xooggan oo ay ku doonayaan in ay kaga hortagaan duulaanka kusoo fool leh.

“Xaaladda magaalada aad ayay u kacsantahay, waxaa lasoo sheegayaa in ciidamada dowladda iyo kuwa Kenya ay weerar kusoo yihiin magaalada,” ayuu goob jooguhu hadalkiisii raaciyay.

Col Cabaas Ibraahim Gureey oo ka mid ah saraakiisha horkaceysa ciidamada dowladda ee ka dagaalama gobollada Jubooyinka iyo Gedo oo aan qadka telefonka kula xiriirnay ayaa sheegay in maalmaha fooda nagu soo hayo ay gacanta ku dhigi doonaan magaalada Baardheere.

“Ciidamadu waxay kaabiga ku hayaan magaalada Baardheere, qorshuhuna wuxuu yahay in Al-shabaab laga xoreeyo goobaha ay uga suganyihiin gobolka,” ayuu masuulkani hadalkiisii raaciyay.

Xiisadahani dagaal ee kasoo cusboonaaday gobolka Gedo ayaa kusoo beegmaya xilli dhawaan wafdi uu hogaaminayo wasiirka gaashaandhigga dowladda Soomaaliya ay gaareen gobolkaaasi Gedo, halkaasoo ay kulamo kula qaateen madaxda maamulka gobolka iyo saraakiisha ciidamada, iyagoona sidoo kale lacago mushaaraad ah gudoonsiiyay ciidamada dowladda ee ka dagaalama gobolkaasi.

 

Xasan Nuur, Hiiraan Online
[email protected]
Muqdisho, Soomaaliya













Click here
12/31/2012 7:39 AM EST
Isniin, December 31, 2012 (HOL) — Madaxweynaha Somaliland Md:Axmed Maxamed Maxamuud Siillaanyo, ayaa sheegay inay si xor oo xalaal ah u dhacday doorashadii golaha deegaanka ee bishii November 28 ka dhacday dalka, waxaanu tilmaamay inay sumacadii Somaliland doorashadaasi kor u qaaday.

12/31/2012 7:35 AM EST
Isniin, December 31, 2012 (HOL) — Hal qof ayaa ku geeriyooday, ilaa saddex kalana way ku dhaawacmeyn Mudaharaad balaadhan oo shalay ilaa xalay fiidkii ka socday magaaladda Boorame, kaas oo lagaga soo horjeeday farogelin ay sheegeen inay xukuumaddu ku hayso doorashadda golaha deegaanka ee degmadda Saylac.

12/31/2012 6:26 AM EST
Isniin, December 31, 2012 (HOL) — Xoghayaha arimaha dibadda dalka Mareykanka Hillary Clinton ayaa la dhigay isbital ku yaal magaalada New-york ee dalka Mareykanka kadib markii la ogaaday in dhiig xijiro ah uu u fariistay madaxa.

12/31/2012 4:42 AM EST
Isniin, December 31, 2012 (HOL) — Degmada Mandheera ee gobolka Waqooyi-bari ee dalka Kenya oo ku dhow xuduudda Soomaaliya ayaa la sheegay inuu ka dillaacay cudur halis ah oo wata qandho daran, iyadoo saraakiisha caafimaadka ay dagaal kula jiraan sidii cudurkaas ay u xakameyn lahaayeen.

12/31/2012 4:30 AM EST
Isniin, December 31, 2012 (HOL) — Xarakada Al-shabaab oo bishan looga qabsaday dagaal la'aan degmada Jowhar ee xarunta gobolka Shabeellada dhexe ayaa sheegay inay wadaan qorsheyaal ay ku weerarayaan degmooyinka gobolkaas ee ka maqan gacantooda, iyagoo sheegay in gobolka uu galay xaalad dagaal.

12/31/2012 1:42 AM EST
Isniin, December 31, 2012 (HOL) — Baarlamaanka Soomaaliya ayaa weydiistay xukuumadda Soomaaliya inay soo gudbiso tirada ciidamada dowladda iyo shaqaalaha rayidka ah ee mushaarka la siiyo, iyadoo dalabkan uu imaanayo xili mudanayaasha baarlamaanka Soomaaliya ay shalay cod aqlabiyad ah ku ansixiyeen miisaaniyadda ay xukuumadda Soomaaliya ku shaqeynasyso sannadka soo socda 2013.

12/31/2012 1:40 AM EST
Isniin, December 31, 2012 (HOL) — Mas’uuliyiinta Ahlusunna Waljamaaca ayaa war-murtiyeed ay kasoo saareen shir muddo toddobaad ah uga socday magaalada Dhuuso-mareeb ee xarunta gobolka Galguduud waxay ku sheegeen in heegan buuxa la geliyay ciidamadooda, isla markaana la siinayo tababrro ay uga mid noqdaan ciidamada dowladda Soomaaliya.