2014-07-31
Today from Hiiraan Online:  _
Wararka Maanta- Axad, Dec 30, 2012
Guddoomiyaha Gobolka Hiiraan oo Isbitaalka Baladweyne kulan wadatashi ah kula yeeshay Qeybaha Bulshada


Axad, December 30, 2012 (HOL) — Guddoomiyaha maamulka gobolka Hiiraan, Cabdifataax Xasan Afrax ayaa maanta kulan ballaaran kula qaatay gudaha isbitaalka magaalada Baladweyne qeybaha bulshada iyo guud ahaa shaqaallaha isbitaalka, kadib markii ay joojisay hay’adda MSF gacantii ay sii jirtay isbitaalka guud ee Baladweyne.

Kulanka oo ahaa mid wadatashi ah loogana arinsanayay sidii loo sii wadi lahaa adeegyada caafimaad ee uu isbitaalka u qabto bulshada ku dhaqan gobollka, ayaa waxaa ka soo qeyb-galay dad ka kooban qeybaha bulshada, mas’uuliyiinta iyo shaqaallaha ka howlgala isbitaalka.

Ugu horeyn waxaa kulanka ka hadllay madaxa caafimaadka Isbitaalka Baladweyne Axmed Max’ed Khaliif oo ku dheeraaday marxaladihii kala duwanaa ee uu soo maray isbitaalka iyo sababaha keenay in hay’adda MSF Swiss joojiso gacantii ay siin jirtay isbitaalka.

"Hay’adda MSF Swiss waxaa ay noo sheegtay in howlihii ay ka hayeen Soomaaliya intoodii badneyn joojiyeen, inta dhimanna joojin doonaan, sababo la xiriira shaqaalle iyaga ka tirsan oo afduub loogu heysto gudaha dalka Soomaaliya, sidaa daraadeed waxaa ay na siiyeen dawada ilaa sadax bilood lagu sii socodsiin lahaa isbitaalka, sidaana ayeeyna ku joojisay kaalmadii ay siin jirtay isbitaalka," ayuu yiri Axmed Maxamed Khaliif.

Madaxa caafimaadka isbitaalka guud ee magaalada Baladweyne, waxaa uu si gaar ah ugu mahad celiyay mas’uuliyiinta maamulka gobollka Hiiraan oo istaagay sidii loo sii wadi lahaa howlaha isbitaalka.

"Waxaa rabaa in aan halka ka cadeeyo guddoomiyaha gobollka waxaa si gaar ah uu ugu deeqay isbitaalka lacag dhan $ 2500 oo doolar oo uu bil walba siinayo isbitaalka si loogu kaalmeysto biyaha, korantada iyo nadaafada isbitaalka," ayuu mas'uulkani hadalkiisa raaciyay.

Sidoo kale madaxa caafimaadka gobolka, Dr. Xasan Cumar Siyaad oo hadal ka jeediyay kulanka ayaa sheegay in hay’adduhu ku shaqeeyaan waqti iyo mudo la og-yahay marka ay uu dhamaadana waqtigii loogu talagalay joojiyaan howlahooda, laakiin looga baahan yahay bulshada gobollka in ay mar walba gartaan in ay isbitaalka iyaga leeyihiin loogana fadhiyo sidii ay u sii socodsiin lahaayeen howlihiisa.

Guddoomiyaha gobolka Hiiraan, C/fitaax Xasan Afrax oo intaa kaddib hadlka qaatay ayaa siweyn ugu dheeraaday muhiimada isbitaalka iyo waliba taariikhda fog ee uu leeyaha, waxaana uu uga mahad celiyay hay’adda MSF Swiss mudadii lixda sano aheyd oo ay gacanta ku heysay isbitaalka.

Laakiin waxaa uu sheegay in marnaba arin dhici karta aysan aheyn in isbitaalka Baladweyne uu u xirmo hay’adda MSF ayaa joojisay gacantii ama kaalmadii ay sii jirtay.

"Marka hore waxaan leenahay hay’adda MSF wey mahadsan tahay, laakiin aan isweydiino mar haddii ay hay’addu guurtay isbitaalkii Baladweyne sidaa miyeey ugu dhamaatay oo waa uu xirmayaa miyaa… maya..maya.. arintaa wax dhici kara ma’aha, isbitaalku waa uu shaqeynayaa, waliba in ka badan intii ay gacanta ku heysay hay’adda MSF," ayuu yiri guddoomiyaha gobolka Hiiraan.

Waxaa uu sheegay in ka maamul ahaan in habeen iyo maalin isku taagi doonaan sidii loo gacan siin lahaa isbitaalka, madaama ayuu yiri la og-yahay kaalita caafimaadka uu kaga jiro nolasha aadanaha.

Waxaa uu si gaar ah fariin ugu dirray dowladda Soomaaliya gaar ahaan wasaarrada hormarinta adeega bulshada isaga oo ugu baaqay in ay soo faragaliso xaalada isbitaalka magaalada Baladweyne oo isbitaal guud oo bulshada u dhaxeeya.

"Waxaan leenahay dowladda Soomaaliya oo aan ugu baaqeynaa waa in aad soo faragalisaan xaalada isbitaalka Baladweyne, xitaa haddii aadan awood badan laheyn, waxaan aaminsan-nahay in aad naga cod dheer tihiin, sidaa daraadeed waa in aad nagu caawisaan codkiina," ayuu C/fitaax Afrax hadalkiisa ku daray.

Waxaa kulanka intii uu socday lagu soo bandhigay Account N0 oo cidii daneyneysa in ay caawiso isbitaalka dhaqaale u soo marin karto waxaana uu noqonayaa {BWYD000360} kaasoo ka furan shirkada Dahab-shiil.

Dhinaca kale, Maryan Max’ed Cabdul oo ah marwada guddoomiyaha gobollka Hiiraan ayaa dhinaceeda maanta ugu deeqday isbitaalka guud ee Baladweyne kuna wareejisay maamulka Isbitaalka 124 Joodari oo loo isticmaali doono sariiraha yaala isbitaalka, waxaana ka guddoomiya maamulka isbitaalka Baladweyne.

Waxaa ay sheegtay Maryan in gacantan aysan noqon doonin tii ugu danbeysan, laakiin mar walba la bar bar taagan tahay isbitaalka wax ka qabashada xaalad kasta oo la soo darista.



C/raxmaan Diini, Hiiraan Online
diini@hiiraan.com
Baladweyne, Soomaaliya





Post your comments

2012-12-30 1:14 PM EST
Axad, December 30, 2012 (HOL) — Kulan ballaaran oo ay isugu yimaadeen qaybaha kala duwan ee bulshada iyo maamulka gobolka Bari, islamarkaana uu kasoo qayb galay wasiirka amniga Puntland, ayaa maanta ka dhacay xarunta dowladda hoose ee degmada Boosaaso.

2012-12-30 11:30 AM EST
Axad, December 30, 2012 (HOL) — Maxkamadda derejada 1-aad ee gobolka Bari - laanteeda magaalada Boosaaso- ayaa maanta xukuno kala duwan ku riddey eedaysaneyaal ay tiradoodu 17 qof gaareyso, kadib markii lagu helay ku lug lahaanshaha falal Burcad-badeednimo.

2012-12-30 6:59 AM EST
Axad, December 30, 2012 (HOL) — Mudaharaad balaadhan ayaa maanta ka dhacay magaalada Boorame ee gobolka Awdal, kaasoo lagu diidan yahay sababta illaa hadda loo dhaarin laayahay maayarkii iyo ku xigeenkii degmadda Saylac oo khilaaf ka taagan yahay.

2012-12-30 6:44 AM EST
Axad, December 30, 2012 (HOL) — Maamulka Puntland ayaa laba maado oo cusub kusoo kordhiyay waxbarashada dugsiyada ku yaalla deegaannada uu maamulkaas ka taliyo, waxaana labadan maaddo ay kala yihiin maaddo lagu baranayo nabadda iyo mid lagu baranayo dimuqraadiyadda.

2012-12-30 6:06 AM EST
Axad, December 30, 2012 (HOL) — Xidlhibannada baarlamaanka Soomaaliya ayaa maanta cod aqlabiyad ah ku ansixiyay miisaaniyadda ay xukuumaddu ku shaqeyn doonto sannadka soo socda ee 2013, kaddib markii wax ka bedel lagu soo sameeyay qodobbadii ay mudanayaashu doodda adag ka yeesheen kuna diideen isla todobaadkan miisaaniyada.

2012-12-30 5:43 AM EST
Axad, December 30, 2012 (HOL) — Madaxweynaha Puntland Dr. Cabdiraxmaan Maxamed (Faroole) oo khudbad ka jeediyey xaflad lagu soo xirayey olole caafimaad oo lagu qabtay Isbitaalka weyn ee magaalada Boosaaso ayaa ka hadlay arimo badan.

2012-12-30 1:02 AM EST
Axad, December 30, 2012 (HOL) — Iyadoo shalay ay ku dhinteen dalka Liibiya 16-qof oo tahriibayaal Soomaali ah ayaa waxaa lasoo bandhigay magacyada maydadkii dadkaas, iyadoo xaaladda saddex ka mid ah kuwii dhaawacmayna aad looga dayrinayo.

2012-12-30 1:00 AM EST
Axad, December 30, 2012 (HOL) — Garoonka diyaaradaha ee Muqdisho ayaa ah mid aad u mashquul badan dhowrkii maalmood ee lasoo dhaafay iyadoo halkaas ay kasoo degaan maalin walba in ka badan 100 qof oo kasoo ambabaxay magaalada Nairobi ee xarunta dalka Kenya.