2014-07-23
Today from Hiiraan Online:  _
Wararka Maanta- Isniin, Dec 3 , 2012
Golaha Wasiiradda oo Ansixiyay Miisaaniyadda Sanadka 2013


Isniin, December 03, 2012 (HOL) —Kulan ay maanta isugu yimaadeen golaha wasiiradda xukuumadda federaalka Soomaaliya ayay uga doodeen arimo dhowr ah, iyagoona cod aqlabiyad ah ku ansixiyay miisaaniyadda xukuumadda ee sanadka 2013.

Kulanka golaha wasiirada ayay uga doodayeen arimo ay kamid yihiin ammaanka, miisaaniyadda sanadka 2013 iyo hantida safaaradaha Soomaaliya ee ku yaal dalalka Talyaaniga iyo Mareykanka.

Wasiirka maaliyadda iyo qorsheynta Mudane Max’uud Xasan Suleymaan ayaa golaha u aqriyay miisaaniyadda sanadda 2013, waxaana miisaaniyadda uu wasiirku u gudbiyay golaha ay ahayd mid ka badan tan sanadkan aynu ku jirno ee 2012, waxaana wasiirku uu sheegay in miisaaniyadda uu soo gudbiyay 75% ay ka iman doonto dakhliga kasoo xaroodo dalka.

Dood dheer iyo falanqeyn kadib ayay golaha wasiiradu cod aqlabiyad ah ku ansixiyeen miisaaniyadda sanadka 2013, waxaana la filayaa in dhawaan la horgeeyo baarlamanka Soomaaliya.

Golaha wasiiradda ayaa dhanka kale isku raacay in aan la ogolaan doonin in dekedda Muqdisho lagu qaado lacag aan ahayn tan canshuurta dowladda dhexe.

Kulanka golaha wasiiradda oo ay maanta uga hadleen arimo badan ayaa waxa sidoo kale lagu soo qaaday sidii laga yeeli lahaa hantida ma guurtada ah ee safaaradaha Soomaaliya ku leedahay dalalka Mareykanka iyo Italy, oo maalmihii u danbeeyay ay soo ifbaxayeen warar sheegaya in laga kireeyay shirkado ajaanib ah, waxaana golaha wasiirada ay iska soo xuleen guddi kasoo baaran dega arintaasi oo ay hogaamin doonto ra’isul wasaare ku xigeenka ahna wasiiradda arimaha dibeddda marwo Fowziya Xaaji Aadan.

Ra’isul wasaaraha Soomaaliya oo kulanka marka uu soo dhamaaday kadib warbaahinta la hadlay ayaa sheegay in siyaasadda dowladda cusub ay tahay in adeegyadeeda ay gaarsiiso gobollada dalka, isagoona ammaan u jeediyay ciidamada xoogga dalka ee ku sugan magaalada Kismaayo oo Shalay gacanta ku dhigay gaadiid walxaha qarxa laga soo buuxiya.

Sidoo kale waxa uu amaanay howlgallada ay ciidamada dowladda ka sameeyeen gobolka banaadir iyo deegaanada hoostaga, kuwaasoo ay ku qaadeen isbaarooyin dhowr ah oo u yaallay kooxo ku labisan dareeska ciidamada dowladda.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2012-12-03 1:51 PM EST
Isniin, December 03, 2012(HOL): Safaaradda Soomaalida ee Shiinaha iyo dhammaan Ganacsatada iyo ardeyda soomaaliyeed ee ku nool dalka China ayaa si wada jir ah, tacsi ugu dirayo Ehelladii iyo asxaabtii uu ka geeriyooday marxuumka.

2012-12-03 12:52 PM EST
Isniin, December 03, 2012 (HOL) —Ururka shaqaalaha aduunka ee (ILO) ayaa maanta tababar usoo xiray xubno katirsan maamulka gobolka banaadir.

2012-12-03 8:15 AM EST
Isniin, December 03, 2012 (HOL) — Xildhibaannada Baarlamaanka Soomaaliya ayaa u yeeray wasiirka gaashaandhigga, C/xakiin Maxamuud Xaaji Fiqi iyo wasiirradda arrimaha dibadda iyo iskaashiga caalamiga ah, Fowziyo Yuusuf Xaaji Aadan si ay u weydiiyaan su'aalo ku saabsan Xarigga wariyihiin BBC-da iyo kireyntii safaaradda Soomaaliya ee Talyaaniga.

2012-12-03 8:14 AM EST
Isniin, December 03, 2012 (HOL) — Goobjoogayaashii Caalamiga ahaa ee u kuurgaliyey qaabka doorashooyinka golaha deegaanku uga dhaceen Somaliland ayaa sheegay inay si nabadgalyo ah uga dhacday doorashaddu Somaliland, isla markaana dadku si weyn ugu soo baxeen codeynta, taas oo keentay inay ka bataan dadkii doorashooyinkii hore codeen jiray,kuwaas oo dadweynaha somaliland ku tilmaamay qaar u bislaaday dimuqraadiyada iyo usoo bixitaanka doorashooyinka.

2012-12-03 7:46 AM EST
Isniin, December 03, 2012 (HOL) — Roobab xooggan oo Sabtidii lasoo dhaafay ka da'ay magaalada Muqdisho ayaa burburiyay guryo ka sameysan cooshado oo ay ku noolaayeen barakacayaal deegaannadoodii uga soo tagay dagaallo iyo abaaro ku dhuftay sannadkii hore.

2012-12-03 7:27 AM EST
Isniin, December 03, 2012 (HOL) — Dibadbax lagu taageerayay amarkii isbaarada lagu qaadayay ee uu dhawaan bixiyay madaxweynaha Soomaaliya, Xasan Sheekh Maxamuud ayaa maanta ka dhacay garoonka Koonis Istaadiyum ee magaalada Muqdisho.

2012-12-03 6:56 AM EST
Isniin, December 03, 2012 (HOL) — Wafdi isugu jiray wasiirro iyo saraakiil ciidan oo uu hoggaaminayay wqasiirka arrimaha gudaha iyo ammaanka Qaranka, C/kariin Xuseen Guuleed ayaa ayaa lagu weeraray maanta duleedka degmada Marko ee xarunta gobolka Shabeellada Hoose, iyagoo kusoo jeeday Muqdisho, kaddib markii ay soo gabagabeeyeen safar ay ku joogeen degmada Marko.

2012-12-03 6:26 AM EST
Isniin, December 03, 2012 (HOL) — Xildhibaannada baarlamaanka Soomaaliya ayaa maanta cod aqlabiyad ah ku ansixiyay xeer hoosaasyada uu baarlamaanka Soomaaliya ku shaqeyn doono afarta sano ee soo socota, iyadoo aanay jirin cid kasoo horjeesatay iyo cid ka aamustay.

2012-12-03 3:17 AM EST
Isniin, December 03, 2012 (HOL) — Ugu yaraan shan ka mid ah dhinacyadii dagaalku u dhexeeyay ayaa ku dhintay dagaal culus oo shalay gallinkiii dambe ku dhexmarya duleedka degmada Bardaale ee gobolka Bay ciidamada dowladda Soomaaliya iyo xoogagga Al-shabaab.

2012-12-03 3:09 AM EST
Isniin, December 03, 2012 (HOL) — Danjiraha Jabuuti u jooga Soomaaliya, Dayib Dubad Rooble ayaa shaaca ka qaaday in ciidamada ka socda dalka Jabuuti ee qaybta ka ah howlgalka AMISOM ee Soomaaliya lasoo dhameystiri doono toddobaadka soo socda.

2012-12-03 2:53 AM EST
Isniin, December 03, 2012 (HOL) — Wasiirka arrimaha gudaha iyo Amniga Qaranka ee xukuumadda Soomaaliyeed, Cabdikariin Xuseen Guuleed ayaa sheegay in degmada Marko iyo deegannada kale ee gobolka Shabeellada hoose ay kaga sugan tahay dowladda Soomaaliya la geyn doono ciidammo suga ammaanka oo isugu jira booliis iyo nabad-sugid.

2012-12-03 2:26 AM EST
Isniin, December 03, 2012 (HOL) — Maxaabiis ku jirtay xabsiga degmada Baydhabo oo looga shakisnaa inay ka tirsan yihiin Al-shababa ayaa ka baxsay xalay xabsiga degmada Baydhabo ee xarunta gobolka Bay, iyadoo mas'uuliyiinta gobolkaas ay u sheegeen warbaahinta inay socdaan baaritaanno ku aaddan qaabkii ay maxaabiistu ku baxsatay.

2012-12-03 2:15 AM EST
Isniin, December 03, 2012 (HOL) — Xildhibaannada baarlamaanka Soomaaliya ayaa lagu wadaa inay maanta codka u qaadaan xeer hoosaadyada ay ku shaqeynayaan muddada uu baarlamaankan jiray oo afar sano ah, iyadoo horay ay mudanayaashu uga doodeen xeerkan.