3/28/2024
Today from Hiiraan Online:  _
Wararka Maanta- Sabti, Dec 29, 2012
Dab geystay khasaare isugu jirta naf iyo maal oo kacay deegaanno ka tirsan Degmada Maxaas ee Gobolka Hiiraan
Sabti, December 29, 2012 (HOL) — Wararka kasoo baxaya degmada Maxaas ee gobolka Hiiraan ayaa sheegaya in dab xoog leh oo sababay khasaare naf iyo maalba leh uu ka kacay dhul keymo ah oo ku yaala deegaanno hoos taga degmada Maxaas.

Guddoomiyaha degmada Maxaas ee dowladda Soomaaliya Muumin Max’ed Xalane ayaa isaga oo ku sugan magaalada Baladweyne waxaa warbaahinta uga warbixiyay dab-ka iyo khasaaraha ilaa hadda la og-yahay ee ka dhashay.

Waxaa uu sheegay guddoomiyaha in dabku uu kacay dhul keymo ah oo ay ku noolaayeen dad reer miyi ah, isaga oo intaa ku darray  xiriir uu la sameeyay dadka ku dhaqan deegaannadaas u sheegeen in ay jiraan dhamashada dad iyo duunyo intaba sidoo kalana dabku uu baabi’iyay aqlo ama guryo ay dhowr ah oo ay degnaayeen dadka reer miyiga ah.

‘’Runtii dhul ballaaran ayuu ku fiday dabka dhimashada caruur waa naloo sheegay inkastoo aynu tiro rasmi ah ilaa iyo hadda heynin, sidoo kale tiro xoolo ah oo dabka ku dhintayna waa ay jiraan, saacado badan ayuu dabku socday inkastoo hadda la damiyay,’’ ayuu yiri,’’ guddoomiyaha degmada Maxaas ee dowladda Soomaaliya.

Ilaa iyo hadda lama garanayo sababta rasmiga ah ee uu ka dhashay dabka, hasse ahaatee dadka reer miyiga ah waxaa caado u ah marka la gaaryo xiliyada habeenkii ay shitaan dab si loo ogaado in goobtaasi reero degan yihiin, waxaana suuragal ah in dabeysha xiliyada habeenkii soo dhacda sahashay in uu dabku qabsado dhulka keymaha ah.

Degmada Maxaas ee gobollka Hiiraan waxaa hadda maamulkeeda gacanta ku haya kooxda Al-shabaab oo ilaa iyo hadda wax war ah ka soo saarin dabka la sheegay in uu ka kacay deegaannada hoos taga degmada.

C/raxmaan Diini, Hiiraan Online
[email protected]
Baladweyne, Soomaaliya












Click here
12/29/2012 1:22 PM EST
Sabti, December 29, 2012 (HOL) — Ra’iisul wasaaraha Soomaaliya, Cabdi Faarax Shir-doon (Saacid) oo khudbad u jeediyay maanta xildhibaannada baarlamaanka Soomaaliya ayaa ka hadlay arrimo badan oo ay ka mid yihiin: qorshaha dowladda ee Jubbooyinka, xasilinta Muqdisho, wadahadallada u dhexeeya Somaliland iyo dowladda Soomaaliya, wafdiyo ay dowladdu u dirayso gobollada dhexe iyo Puntland iyo mushaaraadka ay qaadanayaan xubnaha baarlamaanka Soomaaliya.

12/29/2012 11:33 AM EST
Sabti, December 29, 2012 (HOL) — Xabsiga dhexe ee magaalada Garoowe waxaa maanta laga sii daayey dhowr qof oo uu kamid yahay nabadoon Yaasiin Cabdisamed, kuwaasoo ay dhowaan ciidamada Boolisku xireen.

12/29/2012 9:17 AM EST
Sabti, December 29, 2012 (HOL) — Xildhibaanada baarlamaanka Soomaaliya ayaa maanta ansixiyay wasiir ku xigeennada iyo wasiir u dowlayaashii uu dhawaan soo magacaabay ra'iisul wasaaraha Somalia, Cabdi Faarax Shirdoon (Saacid) kuwaasoo ka koobnaa 25-xubnood.

12/29/2012 8:15 AM EST
Sabti, December 29, 2012 (HOL) — Shirkadda Isgaarsiinta Hormuud oo ka mid ah shirkadaha isgaarsiinta ee ka howgalka dalka ayaa soo bandhigtay maanta oo ay taariikhdu ku beegan tahay 29-ka December adeegga cusub oo Internet kaasoo lagu magacaabo 3G (Third Generation) oo aan horay uga jirin Koonfurta Somalia.

12/29/2012 7:48 AM EST
Sabti, December 29, 2012 (HOL) — Dowladda Soomaaliya ayaa hay'adaha gargaraka ugu baaqday inay caawiyaan shacabka ku dhibaateysan goboka Jubbada Hoose, kaddib markii ay Kismaayo ku tageen laba maalmood oo booqasho ah.

12/29/2012 7:09 AM EST
Sabti, December 29, 2012 (HOL) — Xarunta baarlamaanka Soomaaliya ayaa lagu dhaariyay maanta laba xidhibaan oo cusub, kuwaasoo bedelay xildhibaanno ka mid ahaa baarlamaanka oo iscasilay, iyadoo aan la ogeyn sababta keenta inay iska casilaan kuraastooda.

12/29/2012 7:03 AM EST
Sabti, December 29, 2012 (HOL) — Madaxweynaha Somaliland, ayaa maanta xadhiga jaray waddo laami ah oo isku xidhi doonta xaafadda Daami, Sheikh Nuur ilaa suuqa dhexe ee magaaladda Hargeysa. Sidoo kale, madaxweynuhu wuxuu dhagax dhigay saldhig loo dhisayo xaafadda Daami oo ay maalgalinayso shirkadda qurxinta guryaha ee Al Nuur, Waxaana munaasibad balaadhan oo halkaasi lagu qabtay ka soo qaybgalay madax dhaqameedka xaafadaasi, siyaasiyiin, qaybaha kala duwan ee bulshadda ee xaafadaasi iyo madaxda sare ee xukuumaddda. Ugu horeyn waxa halkaasi ka hadlay la taliyaha madaxweynaha ee beelaha laga tirada badan yahay Mr:Barkhad jaamac Xirsi, ayaa sheegay in madaxweyne Siilaanyo yahay madaxweynihii u horeeyey ee soo booqda xaafadaasi, isla markaana laamidani tahay laamidii u horeeyey ee xafadaasi laga hirgaliyo taas oo u ku bogaadiyey madaxweynaha.

12/29/2012 6:12 AM EST
Sabti, December 29, 2012 (HOL) — Hay'adda dhakhaatiirta aan xuduudda lahayn ee MSF ayaa ka digtay khatar caafimaad oo ka dhalan karta xeryaha qoxootiga Dhadhaab ee dalka Kenya, halkasoo aanu ka jirin adeeg caafimaad oo dabooli kara baahida halkaas ka jira, ihyadoo dowladda Kenya ay ku cadaadinayso in ka badan 100,00 oo ah Soomaali ku nool magaalooyinka waaweyn ee Kenya inay tagaan xeryaha qoxootiga.

12/29/2012 5:33 AM EST
Sabti, December 29, 2012 (HOL) — Kaddib markii ay hay’adda MSF Swiss si kama dambeys ah u joojisa howlihii ay ka waday isbitaalka guud ee magaalada Baladweyne xarunta gobolka Hiiraan, ayaa waxaa arinta ka hadllay mas’uuliyiinta maamulka gobollka Hiiraan.

12/29/2012 5:31 AM EST
Sabti, December 29, 2012 (HOL) — Garoonka diyaaradaha ee magaalada Boosaaso waxaa ka dhoofay badmaaxiin u dhashay dalka Yemen, kuwaas oo muddo 3 sano ku dhow u afduubnaa kooxo ka tirsan Burcad-badeedka Soomaalida.

12/29/2012 1:23 AM EST
Sabti, December 29, 2012 (HOL) — Ugu yaraan 18 ruux oo 16-qof oo ka mid ah ay yihiin Soomaali ayaa ku geeriyooday 32-ruux oo kalena way ku dhaawacmeen kaddib markii ay ku duntay shamiinto saarnayd gaari si dhuumaaleysi ah loogu waday oo kasoo qaaday deegaan lagu magacaabo Ajdaadiyah kuna socday magaalada Tripoli ee xarunta dalka Liibiya.

12/29/2012 1:22 AM EST
Sabti, December 29, 2012 (HOL) — Nabadoon kamid ahaa kuwa ugu caansan Puntland, laguna magacaabi jirey Maxamuud Aadan Dalab (Goobe) ayaa xalay fiidkii lagu diley magaalada Gaalkacayo ee xarunta gobolka Mudug.

12/29/2012 1:19 AM EST
Sabti, December 29, 2012 (HOL) — Dowladda federaalka dalka Nigeria ayaa sheegtay inay heshiis is-afgarad ah oo ay qayb uga noqonayso howl-galka AMISOM la saxiixatay ururka Midowga Afrika, iyadoo Nayjeeriya ay sheegtay in 140 askari oo booliis ah kaga sugan yihiin Muqdisho.