2014-11-28
Today from Hiiraan Online:  _
Wararka Maanta- Axad, Dec 2 , 2012
Xaalad deganaasho oo laga soo sheegayo deegaan Mareer ee gobollka Galguduud oo ay ku dagaallameen labo maleeshiyo beelleed


Axad, December 02, 2012 (HOL) — Wararka saakay laga hellayo deegaanka Mareer ee gobollka Galguduud oo maalintii shalay dagaal culus ku dhaxmaray labo maleeshiyo beelleed oo ku wada dhaqan deegaannka, ayaa sheegaya in saakay ay ka jirto xaalad degnaasho.

Hasse ahaatee dadka deegaannka ayaa warbaahinta u sheegay in dhinacyadii diriray wali ku wada sugan yihiin aagaga dagaallka, islamarkaana ay wadan isku hub urursi iyo dhaq dhaqaaq u muuqda mid colaadeed.

Dagaallkii shalay ka dhacay deegaannka Mareer oo ka tirsan degmada Dhuusa-mareeb ayaa waxaa ku dhintay dad kor u sii dhaafaya 10 ruux halka tiro intaa ka sii badanna ay ku dhaawacmeen.

Wararku waxaa ay sheegayaan in dagaallka labada beellood uu salka ku hayo baarago xoolaha ka cabi jireen oo la duugay iyo waliba dhul daaqsimeed leysku heysto, taasoo keentay in uu gacan hadal dhaxmaro labada dhinac.

Waxgaradka iyo odayaasha ku dhaqan gobollka Galguduud ayaa ugu baaqay labada beelleed in ay xabada joojiyaan wixii khilaaf ah ee jirana lagu dhameeyo wada hadal.

Dagaallka labada dhinac dhaxmaray ayaa soo gaaray ilaa xalay fiidnimadii, waana tan keentay khasaaraha baaxada leh ee ka dhashay dagaallka.

Dadka ku dhaawamay oo kor u sii dhaafaya 20 ruux ayaa la kala dhigay goobo caafimaad oo ku kala yaala degmada Cadaado iyo deegaannka Ceel-garas ee gobollka Galgaduud sida ay sheegeen mas’uuliyiin ka tirsan maamulka Ximin iyo Xeeb.

Gobollka Galguduud inta badan waxaa ku soo noq noqda dagaallada salka ku haya muranka la xiriira hab-ka loo wadaago dhul daaqsimeedka, ceelasha biyaha iyo waliba isticmaalka baraagaha, mana ah dagaallkii ugu horeeyay ee noocsiisa ah ee ka dhacay gobollka.

C/raxmaan Diini, Hiiraan Online
diini@hiiraan.com
Baladweyne, Soomaaliya




Post your comments

2012-12-02 12:33 PM EST
Axad, December, 02, 2012 (HOL) -- Wafdi uu horkacayay wasiirrka wasaarrrada gaashaandhiga dalka Jabuuti C/qaadir Max’ed Kaamil ayaa maanta gaaray magaalada Baladweyne ee xarunta gobollka Hiiraan.

2012-12-02 5:56 AM EST
Axad, December 02, 2012 (HOL) — Hay’ada la dagaalanka cudurka halista ah ee HIV/AIDS ee Somaliland ayaa ka warbixisay halka uu dalka ka marayo cudurkaasi iyo xakameenta ay ku sameeyeen fiditaanka cudurkaasi.

2012-12-02 5:15 AM EST
Axad, December, 02, 2012 (HOL) --Wafdi uu horkacayo wasiirka gaashaandhigga dowladda Jabuuti Mudane C/kariin Max’ed Kaamil ayaa gaaray magaalada Beledweyne ee xarunta gobolka Hiiraan.

2012-12-02 4:19 AM EST
Axad, December, 02, 2012 (HOL) --Ciidamada dowladda federaalka Soomaaliya ayaa saaka howgallo ballaaran ka fuliyay wadada dheer ee isku xirta magaalooyinka Muqdisho iyo Afgooye, iyadoona howlgalladaasi ay ciidamadu kusoo qabqabteen dad badan.

2012-12-02 4:06 AM EST
Axad, December, 02, 2012 (HOL) -- Maalintii Khamiista bishuna ahayd 29/11/2012 ayay Hiiraan Online u suurto gashay in ay booqato xarunta laga maamulo howlgalka ka dhanka ah burcad badeedda xeebaha Soomaaliya.

2012-12-02 3:45 AM EST
Axad, December, 02, 2012 (HOL) -- Wararka saakay laga hellayo deegaanka Mareer ee gobollka Galguduud oo maalintii shalay dagaal culus ku dhaxmaray labo maleeshiyo beelleed oo ku wada dhaqan deegaannka, ayaa sheegaya in saakay ay ka jirto xaalad degnaasho.