3/29/2024
Today from Hiiraan Online:  _
Wararka Maanta- Axad, Dec 2 , 2012
Wafdi ka Socda Dalka Jabuuti oo Gaaray Magaalada Beledweyne ee Xarunta Gobolka Hiiraan


Axad, December, 02, 2012 (HOL) --Wafdi uu horkacayo wasiirka gaashaandhigga dowladda Jabuuti, Mudane C/kariin Max’ed Kaamil ayaa gaaray magaalada Beledweyne ee xarunta gobolka Hiiraan.

Wasiirka ayaa safarkiisa waxa ku wehlinayay taliyaha nabad sugidda dalka Jabuuti, Mudane Xasan Siciid, abaanduulaha ciidamada dalkaasi, Mudane Sakariye Sheekh Ibraahim iyo masuuliyiin kale oo katirsan dowladda Jabuuti.

Masuuliyiinta ayaa markii ay kasoo dageen garoonka diyaaradaha magaalada Beledweyne waxaa halkaasi si diiran ugu soo dhaweeyay, masuuliyiinta maamulka gobolka Hiiraan, saraakiisha ciidamada Jabuuti ee ku sugan Beledweyne, odoyaal iyo waxgarad kale oo ku dhaqan magaalada Beledweyne.


Wafdigani ka socda dalka jabuuti ayaa loo gelbiyay saldhigga ay ciidamada Jabuuti ku leeyihiin duleedka magaalada Beledweyne.

Ilaa imika ma cadda ujeedada booqashada wafdigani, waxaana imika soconaya kulamo ay masuuliyiintani la yeelanayaa maamulka gobolka hiiraan, saraakiisha ciidamada dowladda iyo kuwa Jabuuti ee ku sugan magaalada Beledweyne.

Haduu Alle qadaro wararkeena danbe ayaad uga bogan doontaan faahfaahinta booqashada wafdiga ka socda dalka jabuuti ee yimid magaalada Beledweyne.



Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/2/2012 12:33 PM EST
Axad, December, 02, 2012 (HOL) -- Wafdi uu horkacayay wasiirrka wasaarrrada gaashaandhiga dalka Jabuuti C/qaadir Max’ed Kaamil ayaa maanta gaaray magaalada Baladweyne ee xarunta gobollka Hiiraan.

12/2/2012 5:56 AM EST
Axad, December 02, 2012 (HOL) — Hay’ada la dagaalanka cudurka halista ah ee HIV/AIDS ee Somaliland ayaa ka warbixisay halka uu dalka ka marayo cudurkaasi iyo xakameenta ay ku sameeyeen fiditaanka cudurkaasi.

12/2/2012 5:52 AM EST
Axad, December 02, 2012 (HOL) — Wararka saakay laga hellayo deegaanka Mareer ee gobollka Galguduud oo maalintii shalay dagaal culus ku dhaxmaray labo maleeshiyo beelleed oo ku wada dhaqan deegaannka, ayaa sheegaya in saakay ay ka jirto xaalad degnaasho.

12/2/2012 4:19 AM EST
Axad, December, 02, 2012 (HOL) --Ciidamada dowladda federaalka Soomaaliya ayaa saaka howgallo ballaaran ka fuliyay wadada dheer ee isku xirta magaalooyinka Muqdisho iyo Afgooye, iyadoona howlgalladaasi ay ciidamadu kusoo qabqabteen dad badan.

12/2/2012 4:06 AM EST
Axad, December, 02, 2012 (HOL) -- Maalintii Khamiista bishuna ahayd 29/11/2012 ayay Hiiraan Online u suurto gashay in ay booqato xarunta laga maamulo howlgalka ka dhanka ah burcad badeedda xeebaha Soomaaliya.

12/2/2012 3:45 AM EST
Axad, December, 02, 2012 (HOL) -- Wararka saakay laga hellayo deegaanka Mareer ee gobollka Galguduud oo maalintii shalay dagaal culus ku dhaxmaray labo maleeshiyo beelleed oo ku wada dhaqan deegaannka, ayaa sheegaya in saakay ay ka jirto xaalad degnaasho.