3/29/2024
Today from Hiiraan Online:  _
Wararka Maanta- Sabti, July 16, 2011
Xildhibaanno ka tirsan Baarlamaanka oo ka digay in shirka wadatashiga lagu qabto meel aan Muqdsiho ahayn

Sabti, July 16, 2011 (HOL) – Xidlhiabanno ka tirsan baarlamaanka KMG Soomaaliya oo maanta kulan ku yeeshay Muqdisho ayaa ka digay in shirka wadatashiga ah lagu qabto meel aan Muqdisho ahayn, iyagoo sheegay in haddii ay taasi dhacdo aysna kasoo bixi doonin go'aanno ay Soomaalidu isku raacsan tahay.

Mudanayaashan ayaa sheegay inay maqneen in kulanka wadatashiga ah lagu qaban doono meel aan Muqdisho ahayn, waxayna madaxda DKMG ah ugu baaqeen inay ka fiirsadaan go'aankaas.

"Waxaan maqalnay in kulanka wadatashiga ah ee maamullada Soomaaliya iyo DKMG ah ay ka qaybgalayaan lagu qabanayo magaalada Garoowe, waana taas midda aan ka digayno," ayay xildhibaannadan ku sheegeen bayaan ay kulankooda kasoo saareen.

Xildhibaanadan ayaa sheegay in kulankaas ay tahay in lagu qabto Muqdisho haddii la doonayo inay kasoo baxaan talooyin Soomaalidu u dhan tahay, waxayna sidoo kale ay sheegeen in haddii caasimadda laga wareejiyo shirka ay noqonayso in la liiday jirtaankeeda.

Inkastoo aan si dhab ah loo ogeyn halka lagu qabanayo iyo waqtiga la qabanayo shirka wadatashiga ah, ayaa haddana waxaa dhawaan uu madaxweynaha Puntland C/raxmaan Sheekh Maxamed Faroole uu sheegay in shirku uu ka dhacayo Garoowe.

Hadalka xildhibaannadan kasoo baxay, ayaa wuxuu imaanayaa iyadoo dorraad ay sidoo kale digniin noocan oo kale ah ay soo saareen golaha odayaasha dhaqanka iyo midnimada beelaha Muqdisho.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/16/2011 10:27 PM EST
Axad, 17 July 2011(HOL): Soomaalida ku dhaqan magaalada Borlänge oo lagu qiyaaso ku dhawaad 2000 oo qofood ayaa waxay u guntadeen in ay la jaan-qaadaan dhaqdhaqaaqyada bulshadeed ee ka jira dalka Sweden magaalooyinkiisa waa weyn, waxaaney hadda dad magaalada waxbarasho dhinaca theory-ga ah oo ku saabsan sharciyada lagu kaxeeyo gaadiidka.

7/16/2011 9:43 PM EST
Sabti, 17 July 2011(HOL): Waxaa si habsami leh uga socda Garoonka Spånga IP ee Magaalada Stockholm Tartanka Ciyaaraha Kubadda Cagta xagaaga ee uu sanad walba soo qaban-qaabiyo Ururka SEUKI.

7/16/2011 9:16 PM EST
Axad, 17 July 2011(HOL): Xafladdan lagu soo dhaweynayay madaxweynaha maamul goboleedka Udubland Dr. Ibraahim C/llaahi Caddow ayaa lagu qabtay Magaalada Stockholm ee xarunta ah Dalka Sweden.

7/16/2011 8:37 AM EST
Sabti, July 16, 2011 (HOL) – Wasiirka ganacsiga iyo warshadaha Puntland Xasan Faarax Jaamac ayaa sheegay in burcadbadeedda Soomaaliyeed ay ka afduubeen meel ku dhow dekedda magaalada Boosaaso dooni ay sidday xoolo nool.

7/16/2011 7:52 AM EST
Sabti, July 16, 2011 (HOL) – Warsaxaafadeed uu maanta soo saaray xisbiga PDP oo ah xisbi nabadeed oo ka jira Soomaaliya ayaa soo saaray warbixin ku saabsan abaaraha dalka jira, isagoo baaqyo u diray dowladda KMG ah, Xarrakada Al-shabab iyo Shacabka Soomaaliyeed.

7/16/2011 7:44 AM EST
Sabti, July 16, 2011 (HOL) – Hay'adda Midowga Dhalinyarada Soomaaliyed UYS ayaa maanta Magaalada Muqdisho ugu qabatay ilaa 200-haween ka socday qeybaha bulshada, kaasoo diirada lagu saarayay sida bulshada naafeysay dagaalada ilaa heer degmo dib u dejin loogu sameyn karo.

7/16/2011 7:08 AM EST
Sabti, July 16, 2011 (HOL) – Qoysas cusub oo barakacayaal oo ka yimid qeybo katirsan gobollada Dalka soomaaliya oo ay ka jiraan abaaro aad u daran ayaa waxa ay mudooyinkan danbe kusoo qulqulayaan magaalada Kismaayo ee xarunta gobolka Jubbada hoose.

7/16/2011 7:07 AM EST
Sabti, July 16, 2011 (HOL) – Jamciyadda gargaarka ee Sayib oo ka mid ah hay'daha maxalliga ah ee ka howgala gudaha Soomaaliya ayaa baco u qaybisay barakcayaal abaaraha uga soo hayaamay deegaannadoodii oo soo gaaray Muqdisho.

7/16/2011 3:41 AM EST
Sabti, July 16, 2011 (HOL) – Dowladda Britain ayaa sheegtay inay gargaar u fidinayso qoxootiga Soomaaliyeed ee ku jira xeryaha Dhadhaab ee dalka Kenya, kuwaasoo ka cararay abaaraha iyo colaadaha ka taagan dalka Soomaaliya.

7/16/2011 3:14 AM EST
Sabti, July 16, 2011 (HOL) – Maamulka Xarrakada Al-shabaab ee gobolka Banaadir ayaa ku baaqay in gargaar deg-deg ah lasoo gaaraan barakacayaasha ku sugan degmooyinka ay kaga sugan yihiin gobolka Banaadir.

7/16/2011 3:10 AM EST
Sabti, July 16, 2011 (HOL) – Ugu yaraan laba cunug ayaa ku dhintay mid kalena wuu ku dhaawacmay bam gacmeed ay ku ciyaaraiyeen, taasoo kula qaraxday deegaan laba kiiloo-mitir ka baxsan degmada Xudur ee gobolka Bakool.

7/16/2011 3:05 AM EST
Sabti, July 16, 2011 (HOL) – Xoogag la rumeysan yahay in Xarrakada Al-shabaab ay taabacsan yihiin ayaa ku gubay shalay Jimco ahayd gallinkii dambe deegaan u dhexeeya degmooyinka Baladxaawo iyo Garbahaarey ee gobolka Gedo gaari ay dawo ku rarnayd oo la sheegay in loogu talogalay dadka abaaruhu saameynta ku yeesheen ee ku sugan gobolkaas.

7/16/2011 2:40 AM EST
Sabti, July 16, 2011 (HOL) – Ergeyga gaarka ah ee xoghayaha guud ee Qarammada Midoobay u qaabilsan arrimaha Soomaaliya, danjire Augustine P. Mahiga, ayaa ugu hambalyeeyay madaxda siyaasadda Soomaaliya, gaar ahaan madaxweyne Shariif Sheekh Axmed iyo guddoomiyaha baarlamaanka Shariif Xasan Sheekh Aadan sida ay u muujiyeen inay ka go’antahay meel-marinta nabadda iyagoo hirgelinaya heshiiskii Kampala iyo sida dhakhsaha leh ee ay xildhibaannada baarlamaanka Soomaaliyeed u ansaxiyeen heshiiskaas.

7/16/2011 2:39 AM EST
Sabti, July 16, 2011 (HOL) – Maamulka Xarakada Al shabbab ee gobbalada jubbooyinka ayaa maanta isku shaandheyn ku sameeyay maamulkii horay oga dhisnaa degmada Salagle ee gobbalka jubbada dhexe, waxaana ay arintani ay ka dambaysay kadib markii maalmahaan dambe Saraakiil ka tirsan Xarakada Al shabbab ay booqosho indha-indhayn ah ay ku sameenayeen maamulada ka dhisan degooyinka gobbalka jubbda dhexe ee hoostaga Xarakada Mujaahidiinta Al-shabbab.