Orod-yahan Cabdi Bile Cabdi oo Soomaalida ugu baaqay in ay heshiiyaaan
Talaado, Janaayo 04, 2011 (HOL) – Orod-yahanka Soomaaliyeed Cabi Bile Cabdi oo ka qayb galayay munaasabad ay u qabatay shirkadda Isgaarsiinta ee Golis ayaa sheegay in uu aad uga mahad celinayo dadka reer Punland oo si wayn u soo dhaweeyay.
"Waxaan la ilaawi karin marna sida dadka walaalahay ah ay ii soo dhaweeyeen,waxaana aan si gaar ah ugu mahad celinayaa maamulka Puntland" ayuu yiri halyeey Cabdi Bile Cabdi oo siyaabo kala duwan warbaahinta ula hadlay.
Waxaa kaloo uu sheegay in shacabka looga baahanyahay sidii ay u garan lahaayeen dantooda ,isla markaana ay uga gudbi lahaayeen marxladaha dhibka badan ee la soo maray sanadihii bur-burka,isagoo ku baaqay in Soomaalida ay heshiyaan.
"Aniga ogaalkeey bulsho kasta arintan oo kale waa ay martaa ,balse waxaa nalooga baahanyahay in ka qayb qaadano nabadda dalka oo dhan "ayuu hadalkiisa ku daray
Cabdi Bile Cabdi ayaa maamulka Puntland uga mahadceliyay qabashada koobkii gobollada ee lagu soo gaba gabeeyay magaalada Garowe oo ay ka qayb galeen 15-gobol oo Soomaaliya ka tirsan.
Orod-yahanka caanka ee Cabdi Bille Cabdi ayaa lagu xasuustaa taariikh aan marnaba la ilaawi karin,waxaana intii uu yimi Puntland uu siyaabo kala duwan ula kulmay qaybaha bulshada ee Garowe.
Faisel Maxamed Hassan, Hiiraan Online
[email protected]
Boosaaso, Soomaaliya
