3/18/2024
Today from Hiiraan Online:  _
Wararka Maanta- Sabti, Dec 25, 2010
Dagaal culus oo waqooyiga Muqdisho ku dhexmaray ciidamada Dowladda, AMSIOM iyo Xarrakatul Shabaab

Sabti, 25 December, 2010 (HOL) − Ugu yaraan shan qof oo ay ka mid yihiin ciidankii dagaalamay, ayaa ku dhintay dagaal saakay aroortii hore ku dhexmaray degmada Boondheere dowladda oo taageero ka helaya AMISOM iyo xoogagga Xarrakatul Shabaabul Mujaahidiin.

Dagaalka, oo ku billlowday weerar ay Xarrakatul Shabaab ku qaaday saldhigyo ay degmadaas kaga sugnaayeen ciidammada dowladda Soomaaliya, ayaa waxaa ku dhaawacmay in ka badan lix qof oo dhamaantood shacab ahaa.

"Saakay, waxaan ku kacnay hugunka madaafiicda iyo rasaasta yaryar oo aad u dhacaysa, xaaladdu waxay ahayd mid khatar ku daah-furantay, markii uu dagaalku qaboobay, waxaan arkay maydka qof ka mid ahaa dadkii ilaashanayay guryahooda," ayuu yiri goobjooge ku sugan degmada Boondheere.

Warar kale oo ay HOL, ka heshay ilo ku dhow dagaalka ayaa sheegaya in afar ka mid ah dhinacyadii dagaaamay ay ku dhinteen dagaalka, ayna jiraan dhaawacyo kale, inkastoo aan tiradoodooda la ogeyn.

Madaafiic, laga tuuray saldhigyada AMISOM ee waqooyiga Muqdisho, ayaa la xusay inay ku dhaceen degmooyin ay ka mid tahay Kaaraan, kuwaasoo geysteen inta la ogyahay dhaawacyada lix qof oo shacab ah.

Dagaalkan, ayaa daba socday dagaallo toddobaadyadii ugu dambeeyay ka dhacayay waqooyiga Muqdisho, kuwaasoo u dhexeeyay xoogagga midoobay ee Xarrakatul Shabaab iyo ciidammada dowladda oo taageero ka helaya AMISOM. Iyadoo aanay ka hadlin dhinacyadan dagaalkii saakay dhexmaray.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/25/2010 12:55 PM EST
Sabti, 25 December, 2010 (HOL) − Ciyaaraha galabta dhacay ayaa lagu tilmaami karaa in ay ahayeen kuwa ka duwan kulamadii horay usoo dhacay ee koobka gobollada kana soconaya magaalada Garowe.

12/25/2010 8:41 AM EST
Sabti, 25 December 2010 (HOL)- Shaqadii waxbarasho ee jaamacadda Hargeysa ayaa maanta gebi ahaanba istaagtay, ka dib markii ardayda wax ka barata Jaamacaddaasi ay Mudaharaadeen, isla markaana ay cabasho u gudbiyeen xukuumadda Somaliland.

12/25/2010 7:20 AM EST
Sabti, 25 December, 2010 (HOL) − Wasiirka ammaanka dalka Burundi, ayaa Jimcihii sheegay inay aad uga feejigan yihiin hanjabaadyada kaga imaanaya Xarrakatul Shabaab oo ka dagaalanta Soomaaliya, maadama ay dhowr jeer u fashilmeen isku-dayo lagu weeraro looga fuliyo dalkooda ay guuldarreysteen.

12/25/2010 7:01 AM EST
Sabti, 25 December, 2010 (HOL) − Madaxa dacwada ee Xarrakada Al-Shabaab Sheekh Fu'aad Maxamed Qalaf ayaa uga digay ciidammadooda inay shacabka dhib u geystaan, isagoo ugu baaqay maamulka degmada Afgooye iyo ciidammada inay u naxariistaan shacabka.

12/25/2010 6:45 AM EST
Sabti, 25 December, 2010 (HOL) − Xildhibaanad Saynab Maxamed Caamir oo ka mid ah mudanayaasha baarlamaanka Soomaaliya, ayaa dhaliishay mushaaraadka loo qoondeeyay askarta dowladda Soomaaliya ee ku xusan miisaaniyadda sannadeedka 2011, oo loo gudbiyay baarlamaanka Khamiistii si ay u ansixiyaan.

12/25/2010 6:39 AM EST
Sabti, 25 December, 2010 (HOL) − Qaar kamid ah odoyaasha dhaqan iyo dadka xoolo dhaqatada ee gobollada Jubooyinka ayaa soo jeediyay qeylo dhaan ku aadan abaaraha ba’an eek u dhuftay gobollada jubooyinka kuwaas oo saameeyey nolosha dadka iyo duunyada ku dhaqan gobollada Jubooyinka.

12/25/2010 2:38 AM EST
Sabti, 25 December, 2010 (HOL) − Xukuumadda Soomaaliya, ayaa sheegtay inay kala hadashay ciidammada AMISOM, madaafiicda ay dadka badan waxyeelladu kasoo gaarto oo lagu garaaacyo degmooyinka gobolka Banaadir.

12/25/2010 2:35 AM EST
Sabti, 25 December, 2010 (HOL) − Dowladda Shiinaha, ayaa 4-milyan doollar ku taageertay howlgalka ciidammada Midowga Afrika ee AMISOM, waxaana heshiiskan shalay oo Jimco ahayd uu ka dhacay xarunta Midowga Afrika ay ku leedahay magaalada Addis Ababa ee dalka Itoobiya.

12/25/2010 2:34 AM EST
Sabti, 25 December, 2010 (HOL) − Dowladda Ruushka, ayaa sheegtay Jimcihii shalay inay baaritaanno ku sameynayso filim saddex daqiiqo soconaya oo muujinaya ciidamada badda Ruushka ee ku sugan xeebaha Soomaaliya oo madaafiic iyo rasaas la beegsaday dooni yar oo ay wateen kooxo la filay inay yihiin burcadbadeed Soomaaliyeed.

12/25/2010 2:11 AM EST
Sabti, 25 December, 2010 (HOL) Tan markii ay ku dhufteen qeybo badan oo ka mid ah goballka Hiiraan Abaarta isugu jirta biyo iyo baad la'aanta soo food saartay in badan xoolaha dhaqatada ayaa waxaa lagu arkayaa Seyladaha Xoolaha lagu kala iibsado ee magaalada Beledweyne, Xoolo isugu jira Ari, Lo, iyo Geel, qiimo ahaan siweyn hoos uga dhacay intii markii hore lagu kala iibsan jiray.