3/19/2024
Today from Hiiraan Online:  _
Wararka Maanta- Sabti, Dec 25, 2010
Dowladda Shiinaha oo malaayiin Dollaar ku taageertay howlgalka Midowga Afrika uu ka wado Soomaaliya

Sabti, 25 December, 2010 (HOL) − Dowladda Shiinaha, ayaa 4-milyan doollar ku taageertay howlgalka ciidammada Midowga Afrika ee AMISOM, waxaana heshiiskan shalay oo Jimco ahayd uu ka dhacay xarunta Midowga Afrika ay ku leedahay magaalada Addis Ababa ee dalka Itoobiya.

Ururka Midowga Afrika, ayaa waxaa heshiiskan u saxiixay guddoomiyaha golaha ammaanka iyo nabadgalyada Ramtane Lamamra, iyadoo dhinaca dalka Shiinaha uu u saxiixay danjiraha Shiinaha ee dalka Itoobiya Gu Xiaojie.

Lacagtan, ayaa waxaa loo adeegsan doonaan in qalab loogu iibiyo ciidammada AMISOM, sida ku cad heshiiska, waxaana uu imaanayaa iyadoo 22-kii bishan ay golaha ammaanka ee Qarammada Midoobay isku raaceen in la kordhiyo ciidanka Midowga Afrika ee ku sugan Soomaaliya.

Qarammada Midoobay, ayaa sidoo kale ugu baaqday dalalka calaamka inay taageero siiyaan ciidammada AMISOM, kaddib markii xilliga ay ka howlgalayaan Soomaaliya la kordhiyay lagana dhigay tan iyo dhammaadka sannadka 2011.

"Xukuumadda Shiinaha, sannadihii ugu dambeeyay waxay taageero siinaysay dalalka Afrika, si ay u xalliyaan xaaladahooda, haatanna waxay billowday inay gacan ka geysato sidii nabadda iyo ammaanka Qaaradda looga shaqeyn lahaa," ayuu yiri Lamamra.

Ugu dambeyn, Lamamra, wuxuu ka codsaday dalalka Midowga Afrika inay gacan ka geystaan sidii ay gacan uga geysan lahaayeen kordhinta ciidammada AMISOM oo howlgalkoodu waji cusub galayo.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/25/2010 12:55 PM EST
Sabti, 25 December, 2010 (HOL) − Ciyaaraha galabta dhacay ayaa lagu tilmaami karaa in ay ahayeen kuwa ka duwan kulamadii horay usoo dhacay ee koobka gobollada kana soconaya magaalada Garowe.

12/25/2010 8:41 AM EST
Sabti, 25 December 2010 (HOL)- Shaqadii waxbarasho ee jaamacadda Hargeysa ayaa maanta gebi ahaanba istaagtay, ka dib markii ardayda wax ka barata Jaamacaddaasi ay Mudaharaadeen, isla markaana ay cabasho u gudbiyeen xukuumadda Somaliland.

12/25/2010 7:20 AM EST
Sabti, 25 December, 2010 (HOL) − Wasiirka ammaanka dalka Burundi, ayaa Jimcihii sheegay inay aad uga feejigan yihiin hanjabaadyada kaga imaanaya Xarrakatul Shabaab oo ka dagaalanta Soomaaliya, maadama ay dhowr jeer u fashilmeen isku-dayo lagu weeraro looga fuliyo dalkooda ay guuldarreysteen.

12/25/2010 7:01 AM EST
Sabti, 25 December, 2010 (HOL) − Madaxa dacwada ee Xarrakada Al-Shabaab Sheekh Fu'aad Maxamed Qalaf ayaa uga digay ciidammadooda inay shacabka dhib u geystaan, isagoo ugu baaqay maamulka degmada Afgooye iyo ciidammada inay u naxariistaan shacabka.

12/25/2010 6:45 AM EST
Sabti, 25 December, 2010 (HOL) − Xildhibaanad Saynab Maxamed Caamir oo ka mid ah mudanayaasha baarlamaanka Soomaaliya, ayaa dhaliishay mushaaraadka loo qoondeeyay askarta dowladda Soomaaliya ee ku xusan miisaaniyadda sannadeedka 2011, oo loo gudbiyay baarlamaanka Khamiistii si ay u ansixiyaan.

12/25/2010 6:39 AM EST
Sabti, 25 December, 2010 (HOL) − Qaar kamid ah odoyaasha dhaqan iyo dadka xoolo dhaqatada ee gobollada Jubooyinka ayaa soo jeediyay qeylo dhaan ku aadan abaaraha ba’an eek u dhuftay gobollada jubooyinka kuwaas oo saameeyey nolosha dadka iyo duunyada ku dhaqan gobollada Jubooyinka.

12/25/2010 2:41 AM EST
Sabti, 25 December, 2010 (HOL) − Ugu yaraan shan qof oo ay ka mid yihiin ciidankii dagaalamay, ayaa ku dhintay dagaal saakay aroortii hore ku dhexmaray degmada Boondheere dowladda oo taageero ka helaya AMISOM iyo xoogagga Xarrakatul Shabaabul Mujaahidiin.

12/25/2010 2:38 AM EST
Sabti, 25 December, 2010 (HOL) − Xukuumadda Soomaaliya, ayaa sheegtay inay kala hadashay ciidammada AMISOM, madaafiicda ay dadka badan waxyeelladu kasoo gaarto oo lagu garaaacyo degmooyinka gobolka Banaadir.

12/25/2010 2:34 AM EST
Sabti, 25 December, 2010 (HOL) − Dowladda Ruushka, ayaa sheegtay Jimcihii shalay inay baaritaanno ku sameynayso filim saddex daqiiqo soconaya oo muujinaya ciidamada badda Ruushka ee ku sugan xeebaha Soomaaliya oo madaafiic iyo rasaas la beegsaday dooni yar oo ay wateen kooxo la filay inay yihiin burcadbadeed Soomaaliyeed.

12/25/2010 2:11 AM EST
Sabti, 25 December, 2010 (HOL) Tan markii ay ku dhufteen qeybo badan oo ka mid ah goballka Hiiraan Abaarta isugu jirta biyo iyo baad la'aanta soo food saartay in badan xoolaha dhaqatada ayaa waxaa lagu arkayaa Seyladaha Xoolaha lagu kala iibsado ee magaalada Beledweyne, Xoolo isugu jira Ari, Lo, iyo Geel, qiimo ahaan siweyn hoos uga dhacay intii markii hore lagu kala iibsan jiray.