3/18/2024
Today from Hiiraan Online:  _
Wararka Maanta- Sabti, Dec 25, 2010
Ruushka oo baaritaanno ku sameynaya filim muujinaya ciidankooda oo duqeynaya dooni burcadbadeed

Sabti, 25 December, 2010 (HOL) − Dowladda Ruushka, ayaa sheegtay Jimcihii shalay inay baaritaanno ku sameynayso filim saddex daqiiqo soconaya oo muujinaya ciidamada badda Ruushka ee ku sugan xeebaha Soomaaliya oo madaafiic iyo rasaas la beegsaday dooni yar oo ay wateen kooxo la filay inay yihiin burcadbadeed Soomaaliyeed.

"Baarayaal milateri ah, ayaa billaabaya inay baaris rasmi ah ku sameeyaan filimka, oo muujinaya dhacdo naxdin leh, taasoo ah in ciidammo Ruush ah oo saaran markab dagaal oo lagu magacaabo Shaposhnikov, ay maadaafiic iyo rasaas ku fureen kuna dileen koox burcadbadeed Soomaaliyeed ah oo watay dooni yar," ayaa laga soo xigtay baarayaal saldhiggoodu yahay xarunta dalka Ruushka ee Mooskow.

Filimkan, ayaa muujinaya ciidammada badda Ruushka oo xiran dharkii ciidanka oo si toos ah u tooganaya dhowr qof oo saaran doonida yar, taasoo maraysay gacanka Cadan, waxaana sidoo kale filimka uu muujinayaa uuro xoog badan oo ka kacday doonida.

Taliyaha markabka dagaal ee la sheegay inuu rasaasta furay Vladimir Vysotsky, ayaa sheegay inaysan waxba ka jirin filimka lagu soo bandhigay Internet-ka, uuna yahay mid been ah oo la sameeyay.

"Ciidankeennu ma jiro qof badda ku sugan oo ay toogteen, xitaa burcadbadeed, waa been aan run ahay, mana mudna in laga jawaabo," ayuu yiri Vladimir Vystosky oo la hadlay wakaaladda wararka ee Ruushka Itar-tas.

Waa markii labaad oo ciidammada Ruushka ee ka qaybta ka ah howlgalka la dagaalanka burcadbadeedda Soomaaliya lagu eedeeyo inay fal ka baxsan bani'aadamnimada kula kaceen burcadbadeedda Soomaalia.

Bishii May ee sannadkan, ayaa la sheegay in markab dagaal oo uu ruushku leeyahay uu kusii daayay badweynta Hindiya in ka badan 10-burcadbadeed oo Soomaali ah, isagoo ka reebtay sahaydii, taasina ay keentay inay badda weynta ku dhintaan.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/25/2010 12:55 PM EST
Sabti, 25 December, 2010 (HOL) − Ciyaaraha galabta dhacay ayaa lagu tilmaami karaa in ay ahayeen kuwa ka duwan kulamadii horay usoo dhacay ee koobka gobollada kana soconaya magaalada Garowe.

12/25/2010 8:41 AM EST
Sabti, 25 December 2010 (HOL)- Shaqadii waxbarasho ee jaamacadda Hargeysa ayaa maanta gebi ahaanba istaagtay, ka dib markii ardayda wax ka barata Jaamacaddaasi ay Mudaharaadeen, isla markaana ay cabasho u gudbiyeen xukuumadda Somaliland.

12/25/2010 7:20 AM EST
Sabti, 25 December, 2010 (HOL) − Wasiirka ammaanka dalka Burundi, ayaa Jimcihii sheegay inay aad uga feejigan yihiin hanjabaadyada kaga imaanaya Xarrakatul Shabaab oo ka dagaalanta Soomaaliya, maadama ay dhowr jeer u fashilmeen isku-dayo lagu weeraro looga fuliyo dalkooda ay guuldarreysteen.

12/25/2010 7:01 AM EST
Sabti, 25 December, 2010 (HOL) − Madaxa dacwada ee Xarrakada Al-Shabaab Sheekh Fu'aad Maxamed Qalaf ayaa uga digay ciidammadooda inay shacabka dhib u geystaan, isagoo ugu baaqay maamulka degmada Afgooye iyo ciidammada inay u naxariistaan shacabka.

12/25/2010 6:45 AM EST
Sabti, 25 December, 2010 (HOL) − Xildhibaanad Saynab Maxamed Caamir oo ka mid ah mudanayaasha baarlamaanka Soomaaliya, ayaa dhaliishay mushaaraadka loo qoondeeyay askarta dowladda Soomaaliya ee ku xusan miisaaniyadda sannadeedka 2011, oo loo gudbiyay baarlamaanka Khamiistii si ay u ansixiyaan.

12/25/2010 6:39 AM EST
Sabti, 25 December, 2010 (HOL) − Qaar kamid ah odoyaasha dhaqan iyo dadka xoolo dhaqatada ee gobollada Jubooyinka ayaa soo jeediyay qeylo dhaan ku aadan abaaraha ba’an eek u dhuftay gobollada jubooyinka kuwaas oo saameeyey nolosha dadka iyo duunyada ku dhaqan gobollada Jubooyinka.

12/25/2010 2:41 AM EST
Sabti, 25 December, 2010 (HOL) − Ugu yaraan shan qof oo ay ka mid yihiin ciidankii dagaalamay, ayaa ku dhintay dagaal saakay aroortii hore ku dhexmaray degmada Boondheere dowladda oo taageero ka helaya AMISOM iyo xoogagga Xarrakatul Shabaabul Mujaahidiin.

12/25/2010 2:38 AM EST
Sabti, 25 December, 2010 (HOL) − Xukuumadda Soomaaliya, ayaa sheegtay inay kala hadashay ciidammada AMISOM, madaafiicda ay dadka badan waxyeelladu kasoo gaarto oo lagu garaaacyo degmooyinka gobolka Banaadir.

12/25/2010 2:35 AM EST
Sabti, 25 December, 2010 (HOL) − Dowladda Shiinaha, ayaa 4-milyan doollar ku taageertay howlgalka ciidammada Midowga Afrika ee AMISOM, waxaana heshiiskan shalay oo Jimco ahayd uu ka dhacay xarunta Midowga Afrika ay ku leedahay magaalada Addis Ababa ee dalka Itoobiya.

12/25/2010 2:11 AM EST
Sabti, 25 December, 2010 (HOL) Tan markii ay ku dhufteen qeybo badan oo ka mid ah goballka Hiiraan Abaarta isugu jirta biyo iyo baad la'aanta soo food saartay in badan xoolaha dhaqatada ayaa waxaa lagu arkayaa Seyladaha Xoolaha lagu kala iibsado ee magaalada Beledweyne, Xoolo isugu jira Ari, Lo, iyo Geel, qiimo ahaan siweyn hoos uga dhacay intii markii hore lagu kala iibsan jiray.